मोबाईल रिचार्ज स्वस्त होणार

टेलीकॉम रेग्युलेटर अथॉरिटी ऑफ इंडिया म्हणजे TRAI नं एक कन्सल्टेशन पेपर जरी केला आहे. एजन्सीनं ‘रिव्यू ऑफ टेलीकॉम कंज्यूमर प्रोटेक्शन रेगुलेशन 2012’ वर कन्सल्टेशन पेपर जारी केला आहे.

यात एजन्सीनं स्टेकहोल्डर्स अर्थात टेलिकॉम कंपन्यांकडून प्रतिक्रिया मागवल्या आहेत. हा कन्सल्टेशन पेपर ग्राहकांसाठी दिलासादायक ठरू शकतो.

नवीन कन्सल्टेशन पेपरमध्ये व्हॉइस आणि SMS पॅक पुन्हा सादर करण्याविषयी स्टेकहोल्डर्सचं मत काय, हे विचारण्यात आलं आहे.

कारण सध्या प्रत्येक टेलिकॉम कंपनीच्या रिचार्ज पोर्टफोलियोमध्ये बहुतांश प्लॅन्स डेटावर भर देणारे आहेत. म्हणजे ज्या युजर्सना डेटाची गरज नाही त्यांना देखील हे प्लॅन्स खरेदी करावे लागतात.

म्हणून ट्राय फक्त कॉलिंग आणि SMS बेनिफिट्स देणारे प्लॅन्स पुन्हा सादर करण्यावर कंपन्यांचे मत मागवले आहे. ट्रायनं म्हटलं आहे की, “आमच्या निदर्शनास आलं आहे की

बाजारातील बहुतांश बंडल टॅरिफ प्लॅन्स व्हॉइस, डेटा, SMS आणि OTT सर्व्हिसच्या मिश्रणातून बनले आहेत, ज्यामुळे सर्वच सब्सक्रायबर्सच्या गरजा पूर्ण होत नाहीत.”

“असे वाटतं आहे की सब्सक्रायबर्सना त्या सर्व्हिसेससाठी पैसे द्यावे लागत आहेत, ज्यांची त्यांना गरज नाही.” असं TRAI नं आपल्या कन्सल्टेशन

पेपरमध्ये म्हटलं आहे. त्याचबरोबर ट्रायनं टेलीकॉम ऑपरेटर्सने व्हाउचर्सची कलर कोडिंग जारी करण्याचा देखील प्रस्ताव ठेवला आहे.

आधी टेलीकॉम कंपन्या टॉप-अप, कॉम्बो आणि इतर प्लॅन्स वेगवेगळ्या कलरमध्ये रिलीज करत होते. त्यामुळे टॉप-अप ग्रीन कलरमध्ये येत होते,

तर कॉम्बो पॅकसाठी ब्लू कलरचा वापर केला जात होता. त्यामुळे कंज्यूमर्सना समजत होतं की कोणता रिचार्ज कशासाठी आहे.

TRAI नं टेलीकॉम कंपन्यांना विचारलं आहे की डिजिटल मीडियम मध्ये कलर कोडिंग वापरणं योग्य आहे का? ट्रायनं 16 ऑगस्ट 2024 पर्यंत स्टेकहोल्डर्सकडून

या कन्सल्टेशन पेपरवर लिखित प्रतिक्रिया मागितली आहे. तसेच यावर कोणतेही आक्षेप असल्यास 23 ऑगस्ट 2024 पर्यंत पाठवता येतील.

कन्सल्टेशन पेपरच्या माध्यमातून TRAI एखाद्या मुद्द्यावर सर्व स्टेकहोल्डर्सचे मत विचारून घेते. याचा अर्थ असा नाही की याचे रूपांतर नियम किंवा आदेशात होईल.

म्हणजे एजन्सीनं फक्त स्टेकहोल्डर्सकडून व्हॉइस आणि SMS असेलल्या प्लॅन्सवर त्यांची प्रतिक्रिया मागवली आहे. अशाप्रकारेचे प्लॅन्स हल्ली खूप कमी मिळत आहेत.

जर टेलीकॉम कंपन्यांनी फक्त कॉलिंग आणि SMS असलेले प्लॅन्स सादर केले तर त्यांची किंमत नक्कीच कमी ठेवली जाईल. सध्या असे काही प्लॅन्स आहेत,

ज्यात अनलिमिटेड व्हॉइस कॉलिंग आणि SMS सोबत थोडा डेटा मिळतो. या प्लॅन्सची किंमत डेटा प्लॅन्स पेक्षा कमी असते.