11 गावात टक्कल पडणाऱ्या आजाराचा धुमाकुळ;संख्या शंभरीपार;ग्रामस्थांत खळबळ

बुलढाणा जिल्ह्यात टक्कल पडणाऱ्या आजाराने धुमाकुळ घातला आहे. या आजाराचे सुरूवातीला 25 ते 30 रूग्ण सापडले होते.मात्र हा आकडा झपाट्याने वाढत चालला आहे.

टक्कल पडणाऱ्या रूग्णांचा आकडा 104 वर गेला आहे.तसेच 11 गावात हा आजार पोहोचल्याची माहिती समोर आली आहे. तसेच फंगल इन्फेक्शनमुळे हा आजार पसरल्याची माहिती आहे.

मात्र टक्कल पडण्यामागे हेच ठोस कारण असू शकते,याची अद्याप पुष्ठी होऊ शकली नाही. मात्र या आजाराने नागरीक भयभीत आहेत.

बुलढाणा जिल्ह्यातील शेगाव तालुक्यातील 11 गावांमध्ये आता हा आजार झपाट्याने पसरत चालला आहे. तसेच टक्कल पडण्याची संख्या आता 104 वर जाऊन पोहचली आहे.

त्यामुळे आरोग्य यंत्रणा अलर्ट मोडवर आले असून अकोला बुलढाणा येथील आरोग्य पथक बोडगाव येथे दाखल झालं आहे. तसेच टक्कल का पडतंय याचा शोध घेत आहे.

तसेच हा आजार फंगल इन्फेक्शनमुळे होत असल्याचे आरोग्य विभागाने दिली आहे.मात्र हेच ठोस कारण असण्याची शक्यता कमी आहे.

बुलढाणा जिल्ह्यातील शेगाव तालुक्यातील बोंडगावातील पाण्यात नायट्रेट सारखा अत्यंत विषारी घटक मोठ्या प्रमाणात आढळून आला आहे. पाण्याची टीडीएस लेव्हलही भयंकर वाढली असल्याचं या पाण्याच्या तपासणीत उघड झालंय.

गावकऱ्यांसाठी हे पाणी वापरणं विष ठरतंय. खारबाण पट्ट्यातील या गावात पिण्याची पाण्याची वेगळी सोय केलेली आहे मात्र वापरण्याच्या पाण्यात नाइट्रेट सारखा विषारी घटक मोठ्या प्रमाणात आढळल्याने हे पाणी वापरण्यायोग्य देखील नसल्याचं धक्कादायक वात्सव समोर आल आहे.

बोंडगाव,कालवड,कठोरा,भोनगाव,मच्छीद्रखेड,हिंगणा वैजनाथ,घुई,तरोडा कसबा,माटरगाव, पहुरजीरा,निम्बी या गावांमध्ये टक्कल पडणाऱ्यांची संख्या आता 104 च्यावर पोहोचली आहे. वाढत्या तक्रारींची दखल घेत शेगाव तालुक्यात आरोग्य विभागाकडून घरोघरी सर्वेक्षण सुरु करण्यात आले आहे.

इतक्या मोठ्या प्रमाणावर टक्कल का व्हावं यासाठी आम्ही डर्मेटोलॉजिस्ट सर्वे करत आहोत. डर्मेटोलॉजिस्टच हेच म्हणणं आहे, फंगल इन्फेक्शनमुळे हे केस जातायत. त्यासाठी आम्ही विविध स्तरावर पाणी सॅम्पल पाठवत आहोत.

हेवी मेटल त्याच्यात असण्याची शक्यता असेल तर ते तपासण्यासाठी आपण पाण्याचे नमुने पाठवले आहेत. याचे अहवाल 7-8 दिवसात येतील.

जिल्हा परिषद आरोग्य विभाग, साथ रोग अधिकारी, सहाय्यक जिल्हा आरोग्य अधिकारी,डर्मोटोलॉजिस्ट, स्किन स्पेशालिस्ट असे सगळे मिळून या आजाराचा शोध घेतला जात आहे, अशी माहिती आरोग्य अधिकारी यांनी दिली आहे.

तब्बल 11 गावातील लोकांना या केस गळतीच्या संसर्गाने ग्रासले आहे. केस गळतीच्या रुग्णात देखील झपाट्याने वाढ होत असल्याचं पाहायला मिळत आहे.

भोंनगाव येथील भिकाजी मोरखडे यांच्या कुटुंबातील 3 जणांचे टक्कल पडले आहे. त्यात लहान मुलांचा समावेश आहे. आरोग्य विभागाने सुरुवातीला त्यांना गोळ्या दिल्या होत्या, मात्र त्याचा उपयोग झाला नाही. आज पुन्हा त्यांची तपासणी केली असून नमुने घेतले आहेत.

केस गळतीच्या आजाराचा शोध घेण्यात आरोग्य विभाग अपयशी पडताना दिसत आहे. जोपर्यंत केस गळतीचे नेमके कारण सापडत नाही तोपर्यंत गावकऱ्यांनी गावातील बोअरवेल आणि विहिरीचे पाणी वापरू नये,

अशी सूचना आरोग्य विभागाने गावकऱ्यांना दिल्या आहेत. दरम्यान, गावकऱ्यांमध्ये भीतीचं वातावरण आहे. नेमकं असं काय घडलं की केस गळत आहेत? ते समजायला मार्ग नाही.

डॉक्टरांदेखील ते समजत नसल्याने अनेक जण चिंतेत आहेत. आता या प्रकरणात आरोग्य विभागाकडून कशाप्रकारे परिस्थिती हाताळली जाते ते पाहणं महत्त्वाचं आहे.

बुलढाणा जिल्ह्यातील शेगाव तालुक्यातील बोंडगावसह अनेक गावांमध्ये केस गळतीचे प्रमाण मोठ्या प्रमाणात वाढले आहे. मात्र या केस गळतीचे नेमके कारण काय?

त्याचा थांगपत्ता अद्याप लागत नसल्याने गावकऱ्यांनी गावातील दूषित पाणी वापरू नये, असा सल्ला प्रशासनाकडून देण्यात आला आहे. आज अकोला मेडिकल कॉलेज आणि बुलढाणा जिल्ह्याची आरोग्य विभागाची एक मोठी टीम या गावात दाखल झाली होती.

गावकऱ्यांच्या केस, रक्त, तसेच त्वचेचे नमुने पुन्हा एकदा या टीमने गोळा केली आहेत. त्यामुळे पुढचे आठ दिवस तरी या नमुन्यांचे परीक्षण अहवाल प्राप्त होण्यास लागतील. त्यामुळे तोपर्यंत गावकऱ्यांनी गावातील दूषित पाणी वापरू नये, असा सल्ला प्रशासनाकडून देण्यात आला आहे.