शिंदे सेनेच्या आमदाराचा आरोप ,मला पाडण्यासाठी भाजपने शेकापला मदत केली

भाजपने आपल्याला एकटे पाडलं, विश्वासघात केल्याचा आरोप करणाऱ्या शिंदेंच्या शिवसेनेचे माजी आमदार शहाजीबापू पाटील यांनी आता आणखी एक आरोप केला.

साडे पाच हजार रुपयांची लाच घेताना महिला नायब तहसीलदारास अटक

विधानसभेच्या निवडणुकीत आपल्याला पाडण्यासाठी भाजपने शेतकरी कामगार पक्षाला मदत केल्याचा गंभीर आरोप शहाजीबापू पाटील यांनी केला. त्यामुळे सांगोल्यामध्ये आता भाजप आणि शिंदेंच्या शिवसेनेमधील वाद आणखीनच वाढण्याची शक्यता आहे.

गेल्या विधानसभा निवडणुकीवेळी शिंदेंचे उमेदवार शहाजीबापू पाटील यांचा शेकापच्या बाबासाहेब पाटील यांनी पराभव केला होता. त्यानंतर आता नगरपालिकेच्या निवडणुकीत शहाजीबापू पाटील यांनी भाजपवर आरोप केला आहे.

पुन्हा अतिमुसळधार पावसाचं मोठं संकट, 16, 17, 18, 19 आणि 20 नोव्हेंबरला अलर्ट जारी
लोकसभा निवडणुकीत आजारी असतानाही आपण प्रचार केला आणि भापजच्या उमेदवाराला 15 हजारांचे मताधिक्य दिलं. मात्र विधानसभेच्या निवडणुकीवेळी भाजपने आपल्याला पाडण्यासाठी शेकापच्या उमेदवाराला मदत केली असा आरोप शहाजीबापू पाटील यांनी केला.

सांगोला नगरपालिकेच्या निवडणुकीत भाजपने शहाजीबापू पाटील यांच्या विरोधात त्यांचे कट्टर विरोधक शेकापला आणि अजित पवारांच्या राष्ट्रवादीला एकत्र केलं आहे. त्यामुळे शहाजीबापू पाटील हे नाराज आहेत.

भूकंपाचे जोरदार झटके; नागरिकांमध्ये प्रचंड घबराट
भापजवर टीका करताना शहाजीबापू पाटील म्हणाले की, “सांगोल्याची निवडणूक ही स्वाभिमानाची निवडणूक आहे. आपल्याला गुलाम बनवलं जात आहे, हेलिकॉप्टरमधून येऊन यांनी गुंडशाही सुरू केली आहे.

भाजपने आपलं कंबरडं मोडलं. विधानसभेला मला पाडण्यासाठी भाजपने शेकापला मदत केली. भाजपसोबत मी इतकं प्रामाणिकपणे वागून ते असं का वागले?”

पार्थ पवार प्रकरणात प्रदीर्घ काळानंतर अण्णा गाजले आणि कडाडले

शहाजीबापू पाटील पुढे म्हणाले की, “पण मी लढणारी औलाद आहे. पैशाच्या जीवावर तालुका विकत घेऊन जायचा नाद करू नका. मला महाराष्ट्र घाबरतो, आणि ही कुत्री मांजरं आता मला घाबरावयला लागली आहेत.

या तालुक्यात दोन राजे. एक गणपतराव देशमुख आणि दुसरा शहाजीबापू. आता गणपतराव देशमुख यांच्या समाधीला पूजनाचा अधिकारी त्यांच्या कार्यकर्त्यांना उरला नाही.”

राष्ट्रवादी आमदार अपात्रता प्रकरणाची सुनावणी संपली;कोर्टात काय घडले ?
उपमुख्यमंत्री एकनाथ शिंदे म्हणाले की, सांगोल्याचा वाघ म्हणून शहाजी बापू ओळखले जातात. तो जखमी शेर आहे. 3 तारखेला फटाके तयार ठेवा. कोई माने या ना मानेच.. सांगोल्यात वन अँड ओन्ली आनंदा माने.

शहाजीबापू, तुम्ही घाबरू नका, तुमच्या मागे हा एकनाथ शिंदे आहे. तुमचा कार्यक्रम कुणीही करू शकणार नाही. बापू हळवा आणि तळागाळातील कार्यकर्ता आहे असं एकनाथ शिंदे म्हणाले.

अमेरिकेच्या कंपन्यांमुळे भारतावर मोठं संकट

बापूला तुम्ही किती वेळा फसवणार? एकदा, दोनदा… पण आता तुम्ही बापूला फसवू शकणार नाही असं म्हणत एकनाथ शिंदे यांनी भाजपला टोला लगावला.