अजितदादांच्या विमान अपघाताप्रकरणी वातावरण तापले

आमदार रोहित पवार यांनी अजितदादांचा विमान अपघात की घातपात याविषयी सध्या रान उठवलं आहे. त्यांना चार पत्रकार परिषद घेत हा घातपाताचा प्रकार असल्याचा संशय व्यक्त केला आहे.

अमेरिका आणि इराण युद्धामुळे अर्थव्यवस्थेवर प्रचंड दबाव

त्यांनी उपस्थित केलेल्या प्रश्नांमुळे यंत्रणांची उडालेली भांबेरी समोर आलेली आहे. तपासातील तफावत आणि यंत्रणांचे दावेही तपासाच्या गांभीर्यावरच प्रश्नचिन्ह उपस्थित करत आहेत.

रोहित पवार यांचे मुद्देसुद सादरीकरण आणि DGCA, CID, AAIB विमान अपघात तपास ब्युरोच्या तपासावर त्यांनी उपस्थित केलेल्या शंका यामुळे सध्या काहूर उठले आहे.

गॅंगवॉर आता नांदेडपर्यंत , नांदेड बसस्थानकात बॉम्बस्फोटाच्या फोनमुळे खळबळ

दोन दिवसांपासून रोहित पवार हे दिल्लीत तळ ठोकून आहेत. काल त्यांनी आप पक्षाचे प्रमुख अरविंद केजरीवाल, खासदार संजय सिंह यांची भेट घेतली. ते राहुल गांधी आणि नंतर पश्चिम बंगालच्या मुख्यमंत्री ममता बॅनर्जी यांची भेट घेतली.

या घडामोडी घडत असतानाच आता अजितदादांचे पुत्र जय पवार हे उद्या पत्रकार परिषद (९ मार्च) घेत आहेत. ते आता कोणती भूमिका मांडतात याकडे सर्वांचे लक्ष लागेल आहे.

शिंदेंनी दिली कबुली, इराणने माझं विमान पाडण्याचा इशारा दिला होता
अजितदादांचे सुपुत्र जय पवार हे सोमवारी सकाळी पत्रकार परिषद घेत आहेत. VSR कंपनीबाबत त्यांची ही पत्रकार परिषद होणार असल्याचे समजते. व्हीएसआर कंपनीबाबत जय पवार काय बोलतात याकडे सर्वांचे लक्ष लागेल आहे.

काही दिवसांपूर्वी जय पवार यांनी व्हीएसआस कंपनीचा मालक रोहित सिंगचा सह वैमानिकाच्या आसनावर झोपलेला फोटो ट्विट केला होता. त्यानंतर सोमवारच्या पत्रकार परिषदेत ते काय बोलतात याकडे सर्वांचे लक्ष लागले आहे.

भाजपकडून राज्यसभा निवडणुकीसाठी उमेदवारांची यादी जाहीर
मी DGCA ला ठामपणे मागणी करतो — या प्रकरणात तात्काळ कठोर कारवाई व्हावी. संपूर्ण चौकशी होईपर्यंत VSR ची सर्व विमाने तात्काळ ग्राउंड करण्यात यावीत आणि रोहित सिंह यांना त्वरित अटक करून कठोर कायदेशीर कारवाई करण्यात यावी.

ही एका मुलाची आर्त हाक आहे… माझ्या वडिलांसाठी आणि प्रत्येक प्रवाशाच्या सुरक्षिततेसाठी.” अशी पोस्ट जय पवार यांनी काही दिवसांपूर्वी इ्न्स्टाग्रामवर केली होती.

त्यातून जय पवार यांचा रोख स्पष्ट होतो. आता ते उद्या व्हीएसआर कंपनीबाबत काय खुलासा करतात याविषयी चर्चा सुरू झाली आहे.

इराणच्या धमकीने अमेरिकेला फुटला घाम

तर रोहित पवार यांनी अजितदादांच्या निकटवर्तीय नेत्यांना मोठे आवाहन केले आहे. तुम्ही अजितदादा प्रेमी असाल तर गुन्हा नोंदवण्यासाठी दबाव टाकण्याचे आवाहन त्यांनी केले आहे.

त्यांचा रोख कुणाकडे आहे हे वेगळं सांगायला नको. याविषयावर अजितदादांच्या पक्षातील नेते बोलत नसल्यावर त्यांनी खोचक टीका केली आहे.

चक्क फेरीवाल्यांनीच अधिकाऱ्यांवर केला हल्ला, पळवून पळवून मारलं