सरकारकडून घरगुती सिलिंडरच्या नियमात महत्त्वाचा बदल
Government makes important changes to domestic cylinder rules
इराणविरोधात अमेरिका, इस्रायलने सुरू केलेल्या हल्ल्याचे पडसाद थेट भारतीयांच्या स्वयंपाकघरापर्यंत पोहोचले आहेत. आखातात सुरू असलेल्या युद्धाच्या पार्श्वभूमीवर घरगुती गॅसच्या दुसऱ्या सिलिंडरसाठी १५ दिवसांचा कालावधी बदलून आता तो २५ दिवसांचा करण्यात आला आहे,
तसेच केंद्र सरकारने गॅस वितरक कंपन्यांना व्यावसायिक आणि घरगुती गॅस सिलिंडर महिनाभरातून एकच देण्याबाबत सूचना दिल्या आहेत. अचानक घेण्यात आलेल्या या निर्णयांमुळे नागरिकांमध्ये संभ्रमाचे वातावरण निर्माण झाले आहे.
तेल कंपन्यांनी घरगुती स्वयंपाकाच्या गॅसच्या प्रति सिलिंडरच्या (वजन १४.२ किलो) किमतीत शनिवारी ६० रुपयांची वाढ केली. ही दरवाढ तत्काळ लागू करण्यात आली. गेल्या ११ महिन्यांत झालेली ही दुसरी दरवाढ आहे.
गॅंगवॉर आता नांदेडपर्यंत , नांदेड बसस्थानकात बॉम्बस्फोटाच्या फोनमुळे खळबळ
लाभार्थी उज्ज्वला योजनेचे असलेल्या व २०१६ पासून मोफत एलपीजी कनेक्शन मिळालेल्या १० कोटींहून अधिक गरीब कुटुंबांनादेखील ही दरवाढ सहन करावी लागेल.
नागरिकांना घरात दोन एलपीजी सिलिंडर वापरण्याची परवानगी असते. त्यासाठी पहिला सिलिंडर घेतल्यानंतर दुसऱ्या सिलिंडरसाठी १५ दिवसांनी अर्ज करता येत होता.
अजितदादांच्या विमान अपघाताप्रकरणी वातावरण तापले
आता अचानक हा कालावधी वाढवण्यात आला आहे. आखाती देशांतील युद्धाच्या पार्श्वभूमीवर केंद्र सरकारने गॅस वितरक कंपन्यांना व्यावसायिक आणि घरगुती गॅस सिलिंडर महिनाभरातून एकच देण्याबाबत सूचना दिल्या आहेत.
जिल्ह्यातील सर्व गॅस वितरक केंद्रांना लेखी आदेश देण्यात आले आहेत. ग्राहकांनी गॅस आरक्षणासाठी एकाच वेळी ऑनलाइन प्रक्रिया केल्याने यंत्रणेवर ताण येत असल्याने समस्या निर्माण होत आहेत, अशी माहिती जिल्हा पुरवठा अधिकारी महेश सुधाळकर यांनी दिली.
रशियाने युद्ध सुरू असतानाच भारताबाबत घेतला मोठा निर्णय, अडचणी वाढणार
