आज पहिल्या टप्प्यातील मतदान संपले ;पहा महाराष्ट्रासह कोणत्या राज्यात किती टक्के मतदान

• 

 

 

 

 

 

लोकसभा निवडणुकीसाठी देशात पहिला टप्पा पार पडला.या टप्प्यात 21 राज्ये आणि केंद्रशासित प्रदेशातील 102 जागांवर मतदान झाले.

 

 

 

 

 

पहिल्या टप्प्यात 1600 हून अधिक उमेदवार रिंगणात आहेत. या टप्प्यात नऊ केंद्रीय मंत्री, दोन माजी मुख्यमंत्री आणि एका माजी राज्यपालांचे भवितव्य पणाला लागले आहे.

 

 

 

सकाळी 7 वाजता सुरू झालेले मतदान सायंकाळी 6 वाजेपर्यंत सुरू होते. अरुणाचल प्रदेश आणि सिक्कीमच्या विधानसभेच्या 92 जागांवरही आज मतदान झाले.

 

 

 

 

महाराष्ट्रात लोकसभा निवडणुकीच्या पहिल्या टप्प्यात विदर्भातील एकूण पाच मतदारसंघात सायंकाळी पाचपर्यंत 54.85 मतदान झाले आहे.

 

 

 

निवडणूक आयोगाने दिलेल्या माहितीनुसार पहिल्या टप्प्यात 16.63 कोटीहून अधिक मतदार आहेत. यामध्ये 8.4 कोटी पुरुष आणि 8.23 ​​कोटी महिला मतदार आहेत.

 

 

 

 

त्यापैकी 35.67 लाख मतदार असे आहेत जे पहिल्यांदाच मतदान करणार आहेत. तर 20 ते 29 वयोगटातील मतदारांची संख्या 3.51 कोटी आहे. यासाठी 1.87 लाख मतदान केंद्रे तयार करण्यात आली आहेत.

 

 

 

 

मतदानाला सुरुवात झाल्यानंतर सायंकाळी 5 वाजेपर्यंत पश्चिम बंगाल, त्रिपुरा ते मेघालयपर्यंत बंपर मतदान झाले. त्याचवेळी यूपी-बिहार आणि मध्य प्रदेशातील मतदारांमध्येही उत्साह दिसून आला.

 

 

 

पहिल्या टप्प्यात पश्चिम बंगालमधील 4, यूपीमधील 8 आणि बिहारमधील 4 जागांवर मतदान होत आहे. याशिवाय तामिळनाडू (39) आणि उत्तराखंड (5 जागा) च्या सर्व जागांवर मतदान होत आहे. आता बंपर मतदानाचा फायदा कोणाला होणार? हा प्रश्न आहे.

 

 

 

 

लोकसभा निवडणुकीच्या पहिल्या टप्प्यात बंपर मतदानाचा फायदा कोणाला होणार? राजकीय जाणकारांच्या मते, सर्वसाधारणपणे जास्त मतदान किंवा मतदानाची टक्केवारी वाढणे हे सत्ताधारी पक्षाविरोधातील जनक्षोभ म्हणून पाहिले जाते.

 

 

 

 

सध्याचे सरकार बदलण्यासाठी लोक जास्त मतदान करतात, असे मानले जाते. उच्च मतदान टक्केवारी हे सरकार बदलाचे समानार्थी मानले जाते. मात्र, गेल्या काही निवडणुकांमध्ये हा कल बदलला आहे.

 

 

 

 

2014 आणि 2019 च्या लोकसभा निवडणुकीच्या आकडेवारीवर नजर टाकल्यास, मतदानाची टक्केवारी जास्त असूनही एनडीए केंद्रात सत्तेवर परतली आहे.

 

 

 

 

2014 मध्ये 66.4 टक्क्यांच्या तुलनेत 2019 मध्ये 67.3 टक्के मतदान झाले. असे असतानाही केंद्रात भाजपची सत्ता आली. तथापि, जर आपण 2009 च्या मतदानाच्या टक्केवारीची तुलना केली

 

 

 

तर 2014 मध्ये जास्त मतदान झाल्यामुळे सत्ता परिवर्तन झाले. 2009 मध्ये 58.2% च्या तुलनेत 2014 मध्ये 66.4% मते पडली.

 

 

 

कोणत्या राज्यात किती मतदान?
अंदमान आणि निकोबार: 56.87%
अरुणाचल प्रदेश: 63.26%
आसाम: 70.77%

 

 

 

बिहार: 46.32%
छत्तीसगड: 63.41%
जम्मू आणि काश्मीर: 65.08%
लक्षद्वीप: 59.02%
मध्य प्रदेश: 63.25%

 

 

महाराष्ट्र: 54.85%
मणिपूर: 67.46%
मेघालय: 69.91%

 

 

 

मिझोरम: 52.62%
नागालँड: 55.75%
पुद्दुचेरी: 72.84%

 

 

राजस्थान:50.27%
सिक्कीम: 67.58%
तामिळनाडू: 62.02%

 

 

 

त्रिपुरा: 76.10%
उत्तर प्रदेश: 57.54%
उत्तराखंड: 53.56%

 

 

 

पश्चिम बंगाल: 77.57%

 

 

‘
सपा प्रमुख अखिलेश यादव म्हणाले की, भाजपचा फर्स्ट डे, फर्स्ट शो फ्लॉप झाला आहे. आता जनतेला भाजपच्या लोकांचा अभिनय आवडत नाही, ना कथा,

 

 

 

ना चपखल संवाद. भाजपची खिडकी रिकामी आहे. देशातील सजग जनतेचे नवे भविष्य निवडल्याबद्दल त्यांचे आगाऊ अभिनंदन

 

 

 

आणि परंपरेला फाटा देत भारतीय आघाडीच्या उमेदवारांना उघडपणे पाठिंबा देणाऱ्या आणि मतदान करणाऱ्या सर्व समाजातील नव्या राजकीय जाणिवेला सलाम.

 

 

 

देशात लोकसभा निवडणुकीच्या पहिल्या टप्प्यातील मतदानाची प्रक्रिया सुरू आहे. अनेक मतदान केंद्रांवर अजूनही मतदारांच्या रांगा असल्याने मतदानाची अंतिम आकडेवारी येण्यास विलंब लागणार आहे.

 

 

 

 

 

सायंकाळी पाच वाजेपर्यंतच्या आकडेवारीनुसार, देशात सरासरी 60 टक्क्यांपर्यंत मतदान झाल्याचे दिसते. यामध्ये काही प्रमाणात वाढ होऊ शकते.

 

 

 

देशात सर्वाधिक मतदान पश्चिम बंगालमध्ये झाले आहे. दरम्यान, महाराष्ट्रातील पाच मतदारसंघांमध्ये सायंकाळी पाच वाजेपर्यंत 54.85 टक्के मतदान झाले होते.

 

 

 

 

लोकसभेच्या 102 जागांसाठी देशात मतदान सुरू आहे. सर्वाधिक 39 जागा तमिळनाडूमध्ये असून इथे सायंकाळी पाच वाजेपर्यंत 62.02 टक्के मतदान झाले आहे,

 

 

 

तर पश्चिम बंगालमधील तीन जागांसाठी 77.57 टक्के मतदारांनी आपला मतदानाचा हक्क बजावला आहे. हा आकडा इतर राज्यांच्या तुलनेत सर्वाधिक आहे.

 

 

 

 

देशातील 21 राज्य आणि केंद्रशासित प्रदेशात मतदान सुरू आहे. सायंकाळी सहा वाजेपर्यंत मतदानाची वेळ होती. अनेक मतदान केंद्रांवर मतदान प्रक्रिया पूर्ण झाली आहे, तर अनेक मतदान केंद्रांवर अजूनही गर्दी आहे. त्यामुळे मतदानाची  आकडेवारी येण्यास विलंब लागणार असल्याचे स्पष्ट आहे.

 

 

 

 

नागालँडमध्ये एका लोकसभा मतदारसंघात आज मतदान होत आहे. राज्यातील ईस्टर्न नागालँड पीपल्स ऑर्गनायझेशनने मतदानावर बहिष्कार टाकण्याचे आवाहन केले होते.

 

 

 

 

या आवाहनाला मतदारांनीही उत्स्फूर्तपणे प्रतिसाद दिल्याचे चित्र आहे. राज्यात विधानसभेच्या जवळपास 20 मतदारसंघांमध्ये बहिष्काराचा परिणाम जाणवत आहे. जवळपास सहा जिल्ह्यांतील शून्य टक्के मतदान झाले आहे.

 

 

 

 

2019 मध्ये 102 जागांपैकी 45 जागा यूपीएने जिंकल्या होत्या. त्यामध्ये सर्वाधिक 38 जागा या एकट्या तमिळनाडूतील होत्या. या वेळी पहिल्या टप्प्यातच तमिळनाडूतील मतदान पार पडले आहे,

 

 

 

तर मागील निवडणुकीत एनडीएला 41 जागा मिळाल्या होत्या. या वेळीही अशीच स्थिती राहणार असल्याची शक्यता व्यक्त केली जात आहे.