स्ट्राँग रूममध्ये जाणारा EVM ने भरलेला ट्रक कार्यकर्त्यानी पकडला ;प्रचंड गोंधळ
A truck full of EVMs going to the strong room was caught by the workers; huge commotion
जौनपूर लोकसभा जागेवर शनिवारी मतदान झाले. मतदान संपल्यानंतर सर्व ईव्हीएम वीर बहादूर सिंग पूर्वांचल विद्यापीठाच्या स्ट्राँग रूममध्ये कडेकोट बंदोबस्तात जमा करण्यात आले.
स्ट्राँग रूमच्या बाहेर सुरक्षा जवान तैनात करण्यात आले होते. सपाचे कार्यकर्तेही येथे ईव्हीएमवर लक्ष ठेवण्यात गुंतले होते. दरम्यान, रात्री अकराच्या सुमारास स्ट्राँग रूमजवळ ईव्हीएमने भरलेला मिनी ट्रक आला.
काही गडबड होईल या भीतीने सपा कार्यकर्त्यांनी गोंधळ घातला. डीएम, एसपी आणि इतर अधिकारी घटनास्थळी पोहोचले. जिल्हाधिकाऱ्यांच्या म्हणण्यानुसार, मिनी ट्रकमध्ये राखीव ईव्हीएम होते.
मतदान प्रक्रियेदरम्यान ईव्हीएम बिघडले तर ते तिथे उपलब्ध करून देण्यासाठी होते सदरील ईव्हीएम दुसऱ्या ठिकाणी ठेवायचे होते परंतु ते चुकून स्ट्राँग रूमजवळ पोहोचले अशी जिल्हाधिकाऱ्यांचे म्हणणे आहे. .
जौनपूरच्या सराय ख्वाजा पोलीस स्टेशन परिसरात असलेल्या पूर्वांचल विद्यापीठात स्ट्राँग रूम बनवण्यात आली आहे. सायंकाळी उशिरा मतदान आटोपल्यानंतर सर्व ईव्हीएम कडेकोट बंदोबस्तात या स्ट्राँग रूममध्ये जमा करण्यात आले.
स्ट्राँग रूमच्या बाहेर कडेकोट बंदोबस्त ठेवण्यात आला आहे. सपाचे अनेक कार्यकर्तेही येथे पाळत ठेवत होते. रात्री अकराच्या सुमारास मुंगरा बादशाहपूर येथून फिरोजाबाद क्रमांकाचा डीसीएम पोहोचला.
त्यात मोठ्या प्रमाणात ईव्हीए होते. काही समाजवादी पक्षाच्या कार्यकर्त्यांच्या निदर्शनात हि बाबा आल्यानंतर कार्यकर्त्यांनी गोंधळ घालत तो ट्रक अडवला .
समाजवादी पक्षाचे उमेदवार बाबू सिंह कुशवाह यांच्या समर्थकांनी डीसीएममध्ये ड्रायव्हर आणि अधिकाऱ्याकडून माहिती घेतली तेव्हा त्यांनी सांगितले की वाहन चुकून येथे आले होते.
काही वेळातच सपाचे कार्यकर्ते घटनास्थळी जमा झाले. त्यांनी गदारोळ केला. ते म्हणाले की, ईव्हीएमची तपासणी न करताच मिनी ट्रकमधून येथे ज्या प्रकारे ईव्हीएम आणण्यात आले, त्यामुळे मतमोजणीत काही तरी गडबड होण्याची शक्यता आहे.
माहिती मिळताच जौनपूर जिल्हाधीकारी कार्यालयाचे अधिकारी घटनास्थळी पोहोचले. त्यांनी समाजवादी पक्षांच्या कार्यकर्त्यांना समजावण्याचा प्रयत्न केला पण कार्यकर्ते संतप्त झालेले दिसले .
यानंतर रात्री एक वाजण्याच्या सुमारास जिल्हाधिकारी आणि पोलीस अधीक्षक घटनास्थळी पोहोचले. दोघांनी कार्यकर्त्यांना समजावून सांगितले.
यानंतर ईव्हीएमने भरलेले डीसीएम जिल्हाधिकारी कार्यालयाच्या आवारात उभे करण्यात आले. यानंतर मालिनीचे आमदार लकी यादव,
मुंगरा बादशाहपूरचे आमदार पंकज पटेल, सपा उमेदवार बाबू सिंह कुशवाह यांच्यासह शेकडो समर्थक रात्रभर स्ट्राँग रूमच्या बाहेर उभे होते.
डीएम म्हणाले – ईव्हीएमची पडताळणी झाली: या प्रकरणी जिल्हा दंडाधिकारी रवींद्र कुमार मदंड यांनी मीडियाला सांगितले की डीसीएममध्ये राखीव आहेत.
मशीनमध्ये बिघाड झाल्यास ते बदली म्हणून ठेवले जाते. त्यावर नायब तहसीलदार होते. डीसीएम चुकून तिथे पोहोचले होते.
राखीव ईव्हीएम, मतदानादरम्यान वितरित करण्यात आलेल्या ईव्हीएमची यादी देण्यात आली आहे. यादीनुसार ईव्हीएमची पडताळणीही करण्यात आली आहे.
या जागेवर भाजपकडून कृपाशंकर रिंगणात आहेत. श्यामसिंह यादव बसपकडून निवडणूक लढवत आहेत. सपाने इंडिया आघाडीकडून बाबू सिंह कुशवाह यांना निवडणूक रिंगणात उतरविले आहे.
या जागेवर तिरंगी लढत होत आहे. या जागेवर बाहुबली धनंजय सिंह यांचा प्रभाव आहे. यावेळी ते भाजपसोबत आहेत. यापूर्वी बसपने धनंजय यांच्या पत्नी श्रीकला रेड्डी यांना उमेदवारी दिली होती. नंतर उमेदवार बदलला. यानंतर धनंजय यांनी भाजपमध्ये प्रवेश केला.
या मतदारसंघात 19 लाखांहून अधिक मतदार असून 14 उमेदवार रिंगणात आहेत. येथे एकूण १९ लाख ३७ हजार २३७ मतदार आहेत.
यामध्ये 10 लाख 26 हजार 234 पुरुष तर 9 लाख 50 हजार 912 महिला आहेत. मतदानाच्या दिवशी सुरक्षेसाठी 17 हजार 937 पोलीस निमलष्करी दल तैनात करण्यात आले होते.
610 गंभीर बूथवर अतिरिक्त सुरक्षा व्यवस्था करण्यात आली होती. गेल्या वर्षी या जागेवर बसपचे श्यामसिंह यादव विजयी झाले होते. त्यांनी भाजपचे कृष्ण प्रताप सिंह यांचा पराभव केला.
