मुंबईतील इंजिनिअरचा इराकमध्ये भयानक मृत्यू
Engineer from Mumbai Meets Horrific Death in Iraq
पश्चिम आशियात गेल्या १५ दिवसांपासून सुरू असलेल्या या महायुद्धाने, म्हणजे ऑपरेशन एपिक फ्यूरीने आता घाताक वळण घेतले आहे. अमेरिका आणि इस्त्रायल मिळून इराणवर हल्ले करत आहे.
मोदींनी देशाची बदनामी थांबवावी;संजय राऊत
इराण देखील या हल्ल्यांचे प्रतित्युत्तर देताना दिसत आहे. मुंबईतील कांदिवली येथील रहेजा टॉवर्स इटर्निटी इमारतीत राहणारे ५४ वर्षीय देवोनंदन प्रसाद सिंह यांचे इराकजवळील एका तेल टँकरवर झालेल्या हल्ल्यात निधन झाले आहे.
ही घटना मिडल ईस्टमधील वाढत्या तणावाच्या पार्श्वभूमीवर घडली असून, भारतीय अधिकाऱ्यांनी याबाबत माहिती गोळा करण्यास सुरुवात केली आहे.
5 राज्यातील विधानसभा निवडणुका जाहीर; आयोगाकडून तारीख घोषित
देवोनंदन प्रसाद सिंह हे एमटी सेफसी विष्णू नावाच्या मार्शल बेटांच्या ध्वजांकित, अमेरिकी मालकीच्या कच्च्या तेलाच्या टँकरवर एडिशनल चीफ इंजिनियर (सुपरिंटेंडेंट) म्हणून कार्यरत होते.
हा टँकर इराकच्या दक्षिण भागातील खोर अल जुबैर बंदराजवळ (बसरा शहराजवळ) जहाज-ते-जहाज कार्गो लोडिंग ऑपरेशन्स करत असताना ११ मार्च २०२६ रोजी हल्ल्याचा सामना करावा लागला.
प्राथमिक माहितीनुसार, हा हल्ला ड्रोन किंवा स्फोटकांनी भरलेल्या छोट्या बोटीच्या माध्यमातून झाला असून, त्यात सिंह गंभीर जखमी झाले आणि उपचारादरम्यान त्यांचे निधन झाले.
जहाजबांधणी महासंचालनालयआणि भारताच्या बगदाद येथील दूतावासाने ही माहिती अधिकृतपणे जारी केली आहे. हल्ल्यानंतर जहाजावरील उर्वरित क्रू मेंबर्स, ज्यात १५ भारतीय आणि इतर राष्ट्रीयत्वांचे सदस्य होते, यांना इराकी कोस्ट गार्डने सुरक्षित बाहेर काढले. सिंह यांच्या कुटुंबीयांना या घटनेची माहिती देण्यात आली असून, त्यांच्या पार्थिवाचे भारतात आणण्याची प्रक्रिया सुरू आहे.
अजितदादांच्या विमान अपघाताप्रकरणी वातावरण तापले
देवोनंदन प्रसाद सिंह हे मूळचे बिहार राज्यातील होते (काही अहवालांनुसार भागलपुर किंवा भगलपुर परिसर). ते २०१९ पासून मुंबईत कुटुंबासह (पत्नी आणि दोन मुले) राहत होते.
कांदिवली पूर्व भागातील रहेजा टॉवर्स इटर्निटी सोसायटीत त्यांचे निवासस्थान होते. त्यांच्या निधनाच्या बातमीने परिसरात शोककळा पसरली असून, स्थानिक रहिवासी आणि नातेवाईकांनी त्यांच्या कुटुंबीयांना आधार देण्याचे आश्वासन दिले आहे.
ही घटना इराण-इस्त्रायल-यूएस यांच्यातील वाढत्या संघर्षामुळे घडली आहे. भारतीय सरकार आणि संबंधित मंत्रालयाकडून क्रू सदस्यांच्या सुरक्षेसाठी आणि घटनेच्या तपासासाठी पावले उचलली जात आहेत.
