मराठवाड्यातील सहा जिल्ह्यांसाठी ऑरेंज अलर्ट जारी

मराठवाड्यात आज शनिवारी (दि. २७) संततधार पावसाने अक्षरशः धुमाकूळ घातला. मुसळधार पावसामुळे बीड, लातूर, धाराशिव, नांदेड, परभणी आणि हिंगोली या जिल्ह्यांतील अनेक भागांमध्ये वाहतूक विस्कळीत झाली असून गावांचा संपर्क तुटला आहे.

लाडक्या बहिणींना 10 हजार

सकाळी ८ वाजेपर्यंत २४ तासांत ठिकठिकाणी ६५ मिमीपेक्षा जास्त पाऊस नोंदवला गेला. परभणी जिल्ह्यातील गंगाखेड येथे तब्बल १४३ मिमी पाऊस पडल्याची नोंद झाली आहे.

हिंगोली जिल्ह्यातील कळमनुरी आणि वसमत तालुक्यांत तीन गावे पाण्याखाली गेली आहेत. वसमत तालुक्यातील चौंडी बहिरोबा तसेच कळमनुरीतील बिबथर आणि कोंढूर दिग्रस या गावांचा संपर्क तुटला आहे.

मराठवाड्यातील शेतकऱ्यांना हेक्टरी 50 हजार रुपये द्या;उद्धव ठाकरे

लातूरच्या जिल्हाधिकारी वर्षा ठाकूर-घुगे यांनी सांगितले की, रात्रीच्या पावसामुळे सखल भागातील रस्ते व पूल पाण्याखाली गेले आहेत. खबरदारीचा उपाय म्हणून आम्ही हे रस्ते आणि पूल बंद केले आहेत.

मांजरा नदी क्षमतेपेक्षा जास्त वाहत असून, पाऊस सुरूच राहिला तर नदीकाठच्या शेतांमध्ये पाणी शिरण्याची शक्यता आहे, असे त्यांनी सांगितले.

राहुल गांधी मराठवाड्याच्या दौऱ्यावर ,भाजपने साडी नेसवलेल्या मामा पगारेंचा करणार सन्मान

धाराशिव जिल्ह्यातही अनेक रस्ते बंद करण्यात आले आहेत. भूम आणि परांडा तालुक्यांत एनडीआरएफची पथके मदत व बचाव कार्यासाठी तैनात करण्यात आली आहेत.

हवामान खात्याने नांदेड, लातूर, बीड, हिंगोली, परभणी आणि धाराशिव या सहा जिल्ह्यांसाठी ऑरेंज अलर्ट जारी केला आहे.

मोदी सरकारला आव्हान देणाऱ्या सामाजिक कार्यकर्ते सोनम वांगचुक यांना अटक

२० सप्टेंबरपासून सुरू झालेल्या पावसामुळे मराठवाड्यातील जनजीवन विस्कळीत झाले आहे. मुसळधार पावसामुळे आणि पुरामुळे किमान ९ जणांचा मृत्यू झाला असून लाखो एकरवरील पिकांचे प्रचंड नुकसान झाले आहे.

राज्याच्या मध्यवर्ती भागात असलेल्या मराठवाड्यात एकूण ८ जिल्हे छत्रपती संभाजीनगर, जालना, लातूर, परभणी, नांदेड, हिंगोली, बीड आणि धाराशिव यांचा समावेश होतो.

महाराष्ट्रात निवडणुका नाहीत म्हणून मोदी इथे येत नाहीत ? उद्धव ठाकरे

सध्या सर्व जिल्ह्यांमध्ये प्रशासनाकडून बचावकार्य सुरू असून, नागरिकांना सतर्क राहण्याचे आवाहन करण्यात आले आहे.