ट्रम्प चा नवा टॅरिफ बॉम्ब ;आता चित्रपटाला 100 टक्के टॅरिफ
Trump's new tariff bomb; Now 100 percent tariff on the film
अमेरिकेचे अध्यक्ष डोनाल्ड ट्रम्प यांनी आणखी एक टॅरिफ बॉम्ब टाकला आहे. डोनाल्ड ट्रम्प यांनी अमेरिकेबाहेर तयार झालेल्या सिनेमांवर 100 टक्के टॅरिफ लावण्याचा निर्णय जाहीर केला आहे.
राहुल गांधी चार देशांच्या दौऱ्यावर
गेल्याच आठवड्यात ट्रम्प यांनी अमेरिकेबाहेर बनवल्या जाणाऱ्या औषधांच्या आयातीवर 100 टक्के टॅरिफ लादलं आहे. अमेरिकेला पुन्हा महान बनवायचं असं देखील ट्रम्प म्हणाले.
अमेरिकेचे अध्यक्ष डोनाल्ड ट्रम्प यांनी दुसऱ्या टर्ममध्ये अधिक आक्रमक भूमिका घेतली आहे. त्यानुसार त्यांनी भारतावर 50 टक्के टॅरिफ लादलं आहे.
भाजपच्या आमदार पत्नीला ,पतीने दिली तंबी ;माझा फोटो वापरण्यापासून कार्यकर्त्यांना आवरा
आता ट्रम्प यांनी अमेरिकेबाहेर बनलेल्या सिनेमांवर 100 टक्के टॅरिफ लावत असल्याचं जाहीर केलं. हे टॅरिफ जाहीर करताना ट्रम्प म्हणाले की जसं लहान मुलाच्या हातातील कँडी चोरुन घेतली जाते,
तसंच इतर देशांकडून सिनेमा उद्योग अमेरिकेच्या हातातून चोरुन घेण्यात आला. याचा फटका कॅलिफोर्नियाला त्यांच्या कमजोर आणि अक्षम गव्हर्रनरमुळं बसला आहे.
शेतकऱ्यांनो आता पूरग्रस्त भागात भेट देणाऱ्या मंत्र्यांना काळे झेंडे दाखवले तर होणार कडक कारवाई
त्यामुळं या आदेशानुसार दीर्घकाळ आणि कधीच न सुटणाऱ्या प्रश्नासाठी अमेरिकेबाहेर बनलेल्या कोणत्याही सर्व चित्रपटांवर 100 टक्के टॅरिफ लावण्याचा निर्णय घेतला आहे. या प्रकरणी लक्ष दिल्याबद्दल धन्यवाद, अमेरिकेला पुन्हा महान बनवुया, असं डोनाल्ड ट्रम्प म्हणाले.
अमेरिकेचं अध्यक्षपद दुसऱ्यांदा स्वीकारल्यानंतर डोनाल्ड ट्रम्प यांनी विविध देशांवर टॅरिफ लावले आहेत. ट्रम्प यांनी अमेरिकेला पुन्हा महान बनवणार असल्याचं म्हटलंय.
विम्यासाठी जन्मदात्या बापाला मारून टाकलं
यासाठी ते विविध देशांवर दबाव आणून व्यापारी करार करत आहेत. भारत आणि अमेरिका यांच्यात व्यापारी कराराबाबत चर्चा सुरु आहेत. मात्र, अद्याप व्यापारी करार अंतिम झालेला नाही.
तोपर्यंत डोनाल्ड ट्रम्प यांनी भारतावर 25 टक्के टॅरिफ लादलं आहे. याशिवाय भारत रशियाकडून तेल खरेदी करत असल्यानं भारतावर 25 टक्के टॅरिफ लादलं आहे. म्हणजे अमेरिकेंन भारतावर 50 टक्के टॅरिफ लादलंय.
चिंता वाढल्या;15 ऑक्टोबर पर्यंत पाऊस पाठ सोडणार नाही
डोनाल्ड ट्रम्प यांनी काहीच दिवसांपूर्वी अमेरिकेतील औषध निर्मिती उद्योगाला चालना देण्यासाठी विदेशातून आयात केल्या जाणाऱ्या औषधांवर 100 टक्के टॅरिफ लादण्याचा निर्णय जाहीर केला होता.
बाहेरुन येणारी औषधं अमेरिकेच्या सुरक्षेला धोका असल्याचं देखील ते म्हणाले होते. अमेरिकेत औषध निर्मिती प्रकल्प उभारणी सुरु असलेल्या कंपन्यांना त्यातून सूट देण्यात आली होती.
आता रेल्वेने विदेशातही जात येणार ,सरकारचा मोठा निर्णय
अमेरिकेला निर्यात होणाऱ्या औषधांमध्ये भारतात तयार होणाऱ्या औषधांची संख्या अधिक होती. त्याचा फटका भारतीय कंपन्यांना बसू शकतो.
