शरद पवारांच्या राष्ट्रवादी पक्षाची पहिली यादी आज जाहीर होणार
The first list of Sharad Pawar's NCP will be announced today

लोकसभा निवडणुकीसाठी राष्ट्रवादी काँग्रेस शरदचंद्र पवार पक्षाच्या लोकसभा उमेदवारांची पहिली यादी आज जाहीर होणार आहे.
शरद पवारांच्या राष्ट्रवादीला महाविकास आघाडीत 10 जागा मिळण्याची शक्यता आहे. त्यात बारामती, शिरुर, अहमदनगर आणि दिंडोरीसह भिवंडी मतदारसंघाचा समावेश आहे.
शरद पवारांच्या राष्ट्रवादीचे प्रदेशाध्यक्ष जयंत पाटील हे उमेदवारांची यादी घोषित करतील. महाविकास आघाडीत ठाकरे गटानं 17 उमेदवारांची यादी आधीच जाहीर केली आहे.
राष्ट्रवादी काँग्रेस शरदचंद्र पवार पक्षाची पहिली यादी आज जाहीर होणार असून याकडे राज्याचं लक्ष लागलं आहे. आज दुपारी चार वाजता पत्रकार परिषदेत प्रदेशाध्यक्ष जयंत पाटील उमेदवारांची नावे जाहीर करणार असल्याची माहिती आहे.
राष्ट्रवादी काँग्रेस शरदचंद्र पवार पक्षाला महाविकास आघाडीत 10 जागा मिळण्याची शक्यता आहे. राष्ट्रवादी शरदचंद्र पवार गटाचे प्रदेशाध्यक्ष
जयंत पाटील शनिवारी बारामती, शिरूर, नगर दक्षिण, दिंडोरी आणि भिवंडी लोकसभा मतदारसंघाचे उमेदवार जाहीर करण्याची शक्यता वर्तवण्यात येत आहे.
लोकसभा निवडणुकीच्या पार्श्वभूमीवर सर्व पक्षांकडून उमेदवार जाहीर केले जात आहे. राष्ट्रवादी शरद पवार गट आज उमेदवारी जाहीर करणार असून बारामतीतून सुप्रिया सुळे,
शिरूरमधून अमोल कोल्हे, अहमदनगरमधून निलेश लंके, दिंडोरीमधून भास्कर भगरे आणि भिवंडीतून बाळ्या मामा उर्फ सुरेश म्हात्रे उमेदवार असण्याची शक्यता वर्तवण्यात येत आहे.
आज वर्धा लोकसभेच्या उमेदवाराबाबत देखील निर्णय होण्याची देखील दाट शक्यता आहे. पवार गटाकडून अद्याप माढा, बीड, रावेर, सातारा, वर्धा, लोकसभेचा उमेदवार ठरलेला नाही.
आज राष्ट्रवादी शरदचंद्र पवार पक्षाकडून सहा उमेदवारांची नावे जाहीर करण्यात येण्याची शक्यता आहे. दरम्यान, यामध्ये माढा, सातारा ,
जळगावमधील उमेदवारांबाबत अद्याप अंतिम निर्णय झालेला नसल्याने या मतदारसंघातील उमेदवारांची नावे जाहीर करण्यात येणार नाहीत. आज जाहीर होणाऱ्या नावात बारामती,
अहमदनगर, दिंडोरी, बीड या मतदारसंघातील उमेदवारांची नावे जाहीर होणास असल्याची माहिती समोर आली आहे.