मराठवाड्यातील या जिह्यात काँग्रेसमध्ये अंतर्गत बंडाळी चव्हाट्यावर

भारतीय राष्ट्रीय काँग्रेस मधील अंतर्गत वाद हा चव्हाट्यावर आला असून अंतर्गत वादामुळे काँग्रेसमध्ये दोन गट पडल्याचे दिसून येत आहे.

पुढील काही दिवसांमध्ये विधानसभेच्या निवडणुका जाहीर होण्याची शक्यता असून तत्पूर्वीच काँग्रेस मधील अंतर्गत वाद चव्हाट्यावर आल्याने सर्वत्र चर्चा होत आहे.

माजी मंत्री मधुकर चव्हाण यांचे काही समर्थक यांनी भारतीय जनता पार्टीमध्ये प्रवेश केला होता. काही महिन्यातच भाजपमध्ये गेलेले समर्थक हे पुन्हा घर वापसीसाठी प्रयत्न करत होते.

परंतु त्यांना काँग्रेस मध्ये प्रवेश मिळत नव्हता त्याला कारण होते त्यांनी दिलेली राजीनामे हे प्रदेश अध्यक्षयांच्याकडे दिले असल्यामुळे त्यांचा प्रवेश स्थानिक स्तरावर होत नसल्याचे चर्चा आहे.

काँग्रेसमध्ये सर्वांना प्रवेश आहे काँग्रेस कोणालाच प्रवेश नाकारत नाही परंतु पक्षाचे काही नियमावली आहे. काही धोरण आहेत त्या धोरणाप्रमाणे त्या नियमावलीप्रमाणे त्यांना प्रवेश दिला जातो.

जसे की तालुकाध्यक्ष जिल्हाध्यक्ष प्रदेशाध्यक्ष यांना भेटला पाहिजे भेटून त्यांच्या मार्फतच प्रवेश हा गृहीत धरला जातो, अधिकृत मानला जातो.

माझ्याकडे कोणीच प्रवेशासाठी आलेले नाही. तसेच काँग्रेसमध्ये कुठलेही दोन गट सध्या अस्तित्वात नाही आम्ही सर्व एक आहोत व काँग्रेसमध्ये अंतर्गत बंडाळी किंवा वाद नसल्याचे जिल्हाध्यक्ष एडवोकेट धीरज कदम पाटील यांनी म्हटले.

माजी मंत्री मधुकर चव्हाण यांनी पुन्हा दंड थोपटले आहेत. येणाऱ्या विधानसभा निवडणुकीसाठी त्यांनी पुन्हा मतदारांना साद घालायला सुरुवात केली आहे,

त्यांच्या गाव बैठका सुरू असून पक्ष कार्यकर्ता तसेच मतदार यांना भेटीगाठी सुद्धा सुरू केले आहेत. वय वर्ष ९० असताना देखील त्यांना पुन्हा आमदार होण्याची इच्छा आहे.

त्यामुळे ते कार्यकर्त्यांसह मतदारांना भेटत आहे. तर विद्यमान जिल्हाध्यक्ष एडवोकेट धीरज कदम पाटील हे सुद्धा विधानसभा लढवण्यास इच्छुक आहेत त्यांनी सुद्धा मतदार तसेच पदाधिकारी यांच्या गाठीभेटी वाढवले आहेत.

तर गावोगाव जाऊन बैठका सुद्धा घेण्याचा सपाटा सुरू केला आहे. पक्ष कोणाला तिकीट देईल हे अद्याप जरी निश्चित नसले तरी हे दोघे विधानसभेसाठी इच्छुक असल्याचे दिसून येत आहे.

काँग्रेस मधील वाद हा पक्षाला भविष्यात धोक्याचा ठरू शकतो. काँग्रेसमधील पदाधिकारी व कार्यकर्ते हे संभ्रम अवस्थेत असल्यामुळे

नेमकं आपण कोणाच्या मार्गदर्शनाखाली काम करायचं हाच मोठा प्रश्न असल्याचे काँग्रेस पदाधिकारी व कार्यकर्ते हे खाजगी सांगत आहेत.