13 राज्यांमध्ये मुसळधार ते अतिमुसळधार पावसाचा हवामान विभागाचा इशारा

पुन्हा एकदा वातावरणात मोठा बदल झाला आहे, हवामान विभागाकडून देशातील तब्बल 13 राज्यांमध्ये मुसळधार ते अतिमुसळधार पाऊस होऊ शकतो असा इशारा देण्यात आला आहे.

बंगालच्या उपसागरात चक्रीवादळ निर्माण झालं असून, या चक्रीवादळामुळे पुन्हा एकदा देशात जोरदार पाऊस होण्याची शक्यता आहे. हवामान विभागानं दिलेल्या माहितीनुसार या चक्रीवादळामुळे उत्तर भारतासह देशातील अनेक राज्यांमध्ये जोरदार पावसाची शक्यता आहे.

यासोबतच अनेक राज्यांमध्ये वादळी वाऱ्यासह जोरदार वीजा आणि मेघगर्जनेची देखील शक्यता आहे, असंही आयएमडीनं म्हटलं आहे. या पार्श्वभूमीवर नागरिकांना सतर्कतेचा इशारा देण्यात आला आहे.

पूर्वोत्तर भारतामधील अरुणाचल प्रदेश, आसाम, मेघालय, नागालँड, मणिपूर, मिझोरम, त्रिपूरा, पश्चिम बंगाल आणि सिक्किममध्ये पुढील सात दिवस मध्यम ते हलक्या पावसाचा इशारा हवामान विभागाकडून देण्यात आला आहे.

उत्तर भारतामध्ये हिमाचल प्रदेश आणि उत्तराखंडमध्ये मध्यम पावसासोबतच बर्फवृष्टीचा इशारा देण्यात आला आहे. सोबतच पंजाब, हरियाणा, राजस्थान आणि उत्तर प्रदेशमध्ये पुढील दोन दिवस मुसळधार ते अतिमुसळधार पावसाचा इशारा देण्यात आला आहे.

बिहार, झारखंड आणि पश्चिम बंगालच्या अनेक जिल्ह्यांमध्ये पुढील दोन दिवस अतिमुसळधार पावसासह वादळी वाऱ्याचा इशारा देण्यात आला आहे.

हवामान विभागानुसार पुढील काही दिवस या चक्रीवादळाचा प्रभाव राहणार असून, काही भागांमध्ये जोरदार पाऊस पडण्याची शक्यता आहे, तर काही भागांमध्ये थंडीचा कडाका वाढू शकतो.

सध्या देशभरातील अनेक राज्यात उन्हाच्या झळा लागण्यास सुरुवात झाली आहे. मात्र बंगालच्या उपसागरात निर्माण झालेल्या चक्रीवादळामुळे चक्रीवादळ वारे वाहत आहेत,

ज्यामुळे हवामान खात्याने ईशान्य भारतासह 13 राज्यांमध्ये मुसळधार पावसाचा इशारा दिला आहे. बंगालच्या उपसागरावर चक्राकार वाऱ्याचे क्षेत्र तयार होत आहे,

ज्यामुळे पुढील सात दिवस देशातील अनेक राज्यांमध्ये पाऊस पडणार असून हवामानात बदल होणार आहेत. हवामान विभागाच्या माहितीनुसार, उत्तर भारतातील काही भागात पाऊस पडण्याची आणि डोंगराळ भागात बर्फवृष्टीची शक्यता आहे. देशाच्या ईशान्येकडील राज्यांमध्ये पाऊस आणि गडगडाटी वादळ होण्याची शक्यता आहे.

बंगालच्या उपसागरात निर्माण होणाऱ्या चक्रवाती परिस्थितीमुळे पुढील सात दिवस पाऊस सुरू राहू शकतो. बंगालच्या उपसागरात तयार होणाऱ्या चक्रीवादळाचा परिणाम नागालँड आणि आसपासच्या भागात 1.5 किमी उंचीवर दिसून येत आहे.

यामुळे 19 फेब्रुवारी रोजी आसाम आणि मेघालयात मुसळधार पाऊस पडण्याची शक्यता आहे. तसेच 21 फेब्रुवारीपर्यंत ईशान्येकडील राज्यांमध्ये मुसळधार ते अतिमुसळधार पाऊस पडू शकतो.

दरम्यान, अरुणाचल प्रदेश, आसाम, मेघालय, नागालँड, मणिपूर, मिझोरम, त्रिपुरा, उप-हिमालयीन पश्चिम बंगाल आणि सिक्कीम येथे पुढील सात दिवस हलका ते मध्यम पाऊस पडू शकतो.

हवामान खात्याच्या म्हणण्यानुसार, पर्वतांमध्ये एक नवीन पश्चिमी विक्षोभ देखील विकसित होत आहे. त्याच्या प्रभावामुळे, 19 आणि 20 फेब्रुवारी रोजी हिमाचल प्रदेश आणि उत्तराखंडमध्ये हलका पाऊस आणि बर्फवृष्टी होऊ शकते. तसेच 19-20 फेब्रुवारीपर्यंत राजस्थान, पंजाब, हरियाणा आणि पश्चिम उत्तर प्रदेशात मुसळधार पावसाची शक्यता आहे.

बुधवार आणि गुरुवारी दिल्लीत पाऊस पडण्याची शक्यता आहे. स्कायमेटच्या मते, पश्चिमी विक्षोभाचा या प्रदेशावर परिणाम होत आहे, ज्यामुळे वातावरण ढगाळ आहे.

यामुळे किमान तापमानात वाढ झाली आहे. बुधवारी रात्री आणि गुरुवारी शहरात हलक्या पावसाची शक्यता आहे. 23 आणि 24 फेब्रुवारी रोजी बिहारमधील 16 जिल्ह्यांमध्ये पाऊस आणि वादळाची शक्यता आहे. त्यामुळे हवामान खात्याने यासाठी यलो अलर्ट जारी केला आहे.

याशिवाय, 20 फेब्रुवारी रोजी पश्चिम उत्तर प्रदेशात काही ठिकाणी हलक्या पावसाची शक्यता आहे. तसेच पश्चिमी विक्षोभामुळे झारखंडमध्ये हवामानात बदल होईल.

याशिवाय, पश्चिम बंगालमधील बहुतेक जिल्ह्यांमध्ये पावसाचा इशारा जारी करण्यात आला आहे. राज्यातील अनेक जिल्ह्यांमध्ये गुरुवार आणि शनिवारी मुसळधार पाऊस पडू शकतो.