Corona Maharshtra Update;कोरोनामुळे दोघांचा मृत्यू,;महाराष्ट्र आणि तामिळनाडूमधून सर्वाधिक रुग्ण

पुन्हा एकदा संकटाने डोके वर काढले आहे. आम्ही कोरोना व्हायरसबद्दल बोलत आहोत. शहरातील रस्ते पुन्हा एकदा दहशतीच्या स्थितीत असून रुग्णालयांबाहेर लांबच लांब रांगा लागल्या आहेत

आणि लोकांच्या डोळ्यात चिंतेच्या रेषा आहेत. कोरोना हा आता इतिहास झाला आहे, असे अनेकांना वाटत होते, पण आता तो धोका पुन्हा आपल्या दारात ठोठावत असल्याचे दिसत आहे.

भारतात दोन जणांचा मृत्यू झाला असून 257 प्रकरणे समोर आली आहेत. तर केरळ, महाराष्ट्र आणि तामिळनाडूमधून सर्वाधिक रुग्ण येत आहेत. त्यानंतर देशात चिंता वाढली आहे.

भारतात पुन्हा एकदा कोरोना व्हायरसचे रुग्ण आढळून येत आहेत. जिथे काही काळापूर्वीपर्यंत लोक विनामास्क रस्त्यावर फिरताना दिसत होते, आता पुन्हा खबरदारी घेण्याची गरज भासू लागली आहे.

कोरोनाची ही नवी लाट पूर्वीसारखी राहिलेली नाही, पण याचा अर्थ धोका टळला असा होत नाही. विषाणूचे नवे प्रकार समोर येत आहेत, जे अधिक वेगाने पसरतात आणि कमकुवत प्रतिकारशक्ती असलेल्या लोकांना त्वरीत संक्रमित करू शकतात.

कोरोनाची कोणती आहेत लक्षणे

सौम्य ताप किंवा घसा खवखवणे,
नाक बंद होणे किंवा नाक वाहणे,
डोकेदुखी आणि अंगदुखी,
थकवा जाणवणे,
कोरडा खोकला किंवा श्वास लागणे,

सावधगिरी बाळगा
गर्दीची ठिकाणे, रुग्णालये आणि सार्वजनिक वाहतुकीत मास्क वापरा.
वारंवार साबण आणि पाण्याने हात धुणे किंवा सॅनिटायझर चा वापर केल्यास संसर्गापासून बचाव होऊ शकतो.

लग्नसमारंभ, जत्रा किंवा इतर गर्दीची ठिकाणे तूर्तास टाळणे शहाणपणाचे ठरेल.
बूस्टर डोस घेण्यास विसरू नका,

विशेषत: जर आपले वय 60 वर्षांपेक्षा जास्त असेल किंवा मागील कोणताही आजार असेल तर.रोगप्रतिकारक शक्ती मजबूत ठेवण्यासाठी चांगली झोप, पौष्टिक आहार आणि योगाभ्यासाचा रुटीनमध्ये समावेश करा.

कोरोनाची ही नवी लाट पूर्वीसारखी राहिलेली नाही, पण याचा अर्थ धोका टळला असा होत नाही. विषाणूचे नवे प्रकार समोर येत आहेत, जे अधिक वेगाने पसरतात आणि कमकुवत प्रतिकारशक्ती असलेल्या लोकांना त्वरीत संक्रमित करू शकतात.

यापूर्वीही कोरोनाने आपल्याला खूप काही शिकवले होते. संयम आणि दक्षता ठेवावी लागेल. आज ती वेळ परत आली आहे जेव्हा आपल्याला स्वतःला आणि इतरांना जबाबदारीने हाताळावे लागेल.

हा विषाणू अजूनही आपल्यात आहे, पण वेळीच जागरुक झालो तर आपण स्वत:ला आणि आपल्या प्रियजनांना सुरक्षित ठेवू शकतो.

आरोग्यतज्ज्ञांच्या मते कोरोनाची ही नवीन स्ट्रेन आतापर्यंत जितकी पसरली त्यावरून समजतंय की ती कोविड 19 च्या पहिल्या आणि दुसऱ्या म्युटेशन्सइतकी संसर्गजन्य नसू शकते.

परंतु इतर आजारांनी ग्रस्त असलेल्या लोकांवर याचा नकारात्मक परिणाम होऊ शकतो. इतर आजारांनी ग्रस्त असलेल्यांनी अधिक सतर्क राहावं आणि लक्षणं आढळल्यास ताबडतोब डॉक्टरांचा सल्ला घ्यावा.

केंद्रीय आरोग्य मंत्रालयाच्या कोविड डॅशबोर्डवर उपलब्ध असलेल्या माहितीनुसार, आतापर्यंत (20 मे) देशात कोरोनाचे 257 सक्रिय रुग्ण आहेत. यामध्ये 164 नवीन प्रकरणं नोंदवली गेली आहेत.

मुंबईतील किंग एडवर्ड मेमोरियल हॉस्पिटलमध्ये दोन जणांचा मृत्यू झाला आहे. या मृत्यूंमागे इतरही आरोग्याची कारणं सांगितली गेली आहेत. मृतांमध्ये 59 वर्षीय पुरुष कर्करोगाने ग्रस्त होता, तर दुसरी मृत 14 वर्षांची मुलगी होती, जी आरोग्याच्या इतर समस्यांनी ग्रस्त होती.

सध्या केरळमध्ये सर्वाधिक कोरोना रुग्णांची नोंद झाली आहे. तिथे सक्रिय रुग्णांची संख्या 95 वर पोहोचली आहे. यापैकी 69 प्रकरणं नवीन आहेत. तर तामिळनाडू दुसऱ्या क्रमांकावर आहे.

तिथे सध्या 66 सक्रिय प्रकरणं आहेत. त्यापैकी 34 रुग्ण नवीन आहेत. यानंतर महाराष्ट्रात एकूण सक्रिय रुग्णांची संख्या 56 आहे. ज्यामध्ये 44 नवीन प्रकरणं नोंदवली गेली आहेत. नवीन प्रकरणांमध्ये महाराष्ट्र हा तामिळनाडूपेक्षा पुढे आहे.

गुजरातमध्ये कोरोनाचे सात सक्रिय रुग्ण आहेत, त्यापैकी सहा नवीन रुग्णांची नोंद झाली आहे. पुद्दुचेरीमध्ये कोरोनाचे रुग्ण कमी झाले आहेत. तिथं सध्या 10 सक्रिय रुग्ण आहेत,

तर तीन रुग्ण पूर्णपणे निरोगी असल्याचं घोषित करण्यात आले आहेत. हरियाणामध्येही कोरोनाचा एक नवीन रुग्ण आढळला आहे. देशाची राजधानी दिल्लीत कोरोनाचे पाच रुग्ण आढळले आहेत.

यापैकी तीन प्रकरणं नवीन आहेत. आशियाई देशांमध्ये कोरोना रुग्णांची संख्या सतत वाढत असल्याने केंद्र सरकारने 12 मे पासून पुन्हा कोरोना रुग्णांची आकडेवारी अपडेट करण्यास सुरुवात केली आहे.

कोरोना देशातील 11 राज्यांमध्ये पसरला आहे. यामध्ये दिल्ली, महाराष्ट्र, गुजरात, केरळ, तामिळनाडू, हरियाणा, पुद्दुचेरी, पश्चिम बंगाल, सिक्कीम, राजस्थान आणि कर्नाटक यांचा समावेश आहे.