राहुल गांधींच्या आव्हानामुळे मोदी बँक फुटावर, मोदींच्या भाषणाशिवाय लोकसभेत आभार प्रस्ताव गुंडाळला
Rahul Gandhi's challenge put the Modi government on the back foot; the motion of thanks was wrapped up in the Lok Sabha without a speech from Modi.
अर्थसंकल्पीय अधिवेशनाच्या सातव्या दिवशी, लोकसभेत राष्ट्रपतींच्या अभिभाषणावरील आभार प्रस्ताव गोंधळात आवाजी मतदानाने मंजूर करण्यात आला. 2004 नंतर पहिल्यांदाच पंतप्रधानांच्या भाषणाशिवाय हा प्रस्ताव मंजूर झाला आहे.
लोकसभा सुरू होताच खासदारांनी घोषणाबाजी केली. अवघ्या 65 सेकंदात कामकाज दुपारी 12 वाजेपर्यंत तहकूब करण्यात आले. कामकाज दुपारी 12 वाजता सुरू झाले,
रात्री गाडीने जाऊ; ड्रायव्हरने अजितदादांना दिला होता सल्ला
परंतु पाच मिनिटांनीच दुपारी 2 वाजेपर्यंत तहकूब करण्यात आले. राहुल गांधींना बोलण्यापासून रोखण्याचा मुद्दाही राज्यसभेत उपस्थित करण्यात आला.
संसदीय कामकाज मंत्री किरेन रिजिजू यांनी लोकसभा अध्यक्ष खरगे यांना सांगितले की, “चार दिवस झाले आहेत. राहुल गांधी नियमांचे पालन करत नाहीत, तुम्ही त्यांना ते का स्पष्ट करत नाही?”
आता अजित पवारांच्या राष्ट्रवादीची कमान कोणाच्या हाती ? उत्तर सापडले
राज्यसभेचे नेते जेपी नड्डा यांनी मल्लिकार्जुन खरगे यांना सांगितले की, लोकसभेचे मुद्दे राज्यसभेत उपस्थित करता येत नाहीत. त्यांनी काँग्रेसला अबोध बालकाकडे ओलीस ठेवू नये अशी टीका केली.
गदारोळानंतर, विरोधी पक्षाच्या खासदारांनी राज्यसभेतून सभात्याग केला. पंतप्रधान आज संध्याकाळी 5 वाजता राज्यसभेत भाषण करतील अशी शक्यता असल्याचे वृत्त आहे. लोकसभेत त्यांच्या उत्तराशिवाय आभार प्रस्ताव मंजूर करण्यात आला.
काँग्रेस खासदार प्रियांका गांधी वाड्रा म्हणाल्या, “त्यांनी एलओपीला बोलू द्यावे. त्यांनी राहुल गांधींना बोलू द्यावे. त्यांना कशाची भीती आहे? ते एखाद्या पुस्तकातील काही उद्धृत करतील अशी त्यांना भीती आहे का?
सुनेत्रा पवार उपमुख्यमंत्रीपदाची शपथ घेण्याच्या काही मिनिटे आधी सुप्रिया सुळे यांचे मोठे वक्तव्य
त्यांना भीती आहे का की त्यांनी हा व्यापार करार केला आहे, ज्या अंतर्गत सर्व शेतकऱ्यांचे जीवन उद्ध्वस्त होणार आहे, म्हणून आम्ही त्यांना जबाबदार धरू?”
जेव्हा चिनी टँक कैलास रिजपर्यंत पोहोचले होते, तेव्हा लष्कराला काय करावे याबाबत स्पष्ट आदेश मिळाले नाहीत, असा दावा लोकसभेतील विरोधी पक्षनेते राहुल गांधी यांनी माजी लष्करप्रमुख मनोज नरवणे यांच्या पुस्तकाचा हवाला देऊन केला आहे.
48 तासानंतर धक्कादायक खुलासा: :ऐनवेळी बदलला होता अजित पवारांच्या विमानाचा पायलट
पंतप्रधानांनी ‘जे उचित वाटेल ते करा’ असे सांगून आपली जबाबदारी पूर्ण केली नाही आणि लष्करप्रमुखांना एकटे पाडले, असा आरोप राहुल गांधी यांनी केला आहे.
राहुल म्हणाले की, मला असं वाटत नाही की पंतप्रधान लोकसभेत येण्याचे धैर्य दाखवतील, कारण जर ते आले तर मी त्यांना हे पुस्तक देणार आहे. जर पंतप्रधान आले, तर मी स्वतः जाऊन त्यांच्या हातात हे पुस्तक देईन जेणेकरून ते ते वाचू शकतील आणि देशाला सत्य समजेल
NCP बैठक अन् अजितदादांच्या खास माणसाचा गेम; ‘सूत्रधार’ गायब?
