राष्ट्रीय अध्यक्ष पदासाठी सुनेत्रा पवार यांना 5 आमदारांचा विरोध? रोहित पवारांचा बॉम्ब
5 MLAs oppose Sunetra Pawar for the post of National President? Rohit Pawar's bombshell
सुनेत्रा पवार यांना राष्ट्रीय अध्यक्ष म्हणून निवड करावी यासाठी 35 आमदारांनी आणि 32 प्रमुख पदाधिकार्यांनी पाठिंबा दिला. त्यांनी पाठिंब्याचे पत्र दिले. या पत्रावर 35 आमदारांच्या स्वाक्षऱ्या आहेत.
पण 5 आमदारांनी त्यावर स्वाक्षरी केली नाही असा दावा करत, त्यांना सुनेत्रा काकी राष्ट्रीय अध्यक्ष होऊ वाटत नाही का? असा बॉम्बगोळा रोहित पवार यांनी टाकला.
5 ते 6 लोकांनी स्वाक्षरी केलेली नाही, असा आरोप करत रोहित पवार यांनी या नेत्यांकडे मोर्चा वळवला. त्यांनी या नेत्यांवर थेट हल्लाबोल केला.
IT कंपन्यांना बुरे दिन, पाच दिवसात 3 लाख कोटी गमावले
रोहित पवार यांनी यापूर्वी सुनेत्रा पवार यांना राष्ट्रीय अध्यक्ष निवडावे यासाठी पाठिंबा देणाऱ्या 35 आमदारांचे अभिनंदन केले. ज्या 35 आमदारांनी सुनेत्रा काकींना राष्ट्रीय अध्यक्ष प्रस्तावित केले, त्या सर्वांचे मी अभिनंदन करतो आणि आभार मानतो.
जवळपास 32, 33 प्रमुख पदाधिकाऱ्यांनी सुद्धा कागदावर लिहून दिले आहे की सुनेत्रा काकीच अध्यक्ष असाव्यात. घोषणा कोणीही केली असली तरी,
तिथले आमदार आणि पदाधिकारी सुनेत्रा काकींच्या सोबत आहेत हे महत्त्वाचे आहे. त्यांना आमचा बाहेरून पाठिंबा आहे, अशी प्रतिक्रिया रोहित पवारांनी दिली.
अजितदादांच्या अपघातावर बोलताना रोहित पवारांचा मोठा गौप्यस्फोट
तर सुनेत्रा पवार यांना राष्ट्रीय अध्यक्ष करावे या पाठिंब्याच्या पत्रावर पाच आमदारांच्या स्वाक्षरी नाही. सुनेत्रा काकी राष्ट्रीय अध्यक्ष होऊ नये असे त्यांना वाटते का? स्वाक्षरी करणारे 35 आमदार दादांच्या विचारांचे आहेत.
तर या पाठिंब्याच्या पत्रावर पाच ते सहा आमदारांनी स्वाक्षरी केलेली नाही. स्वाक्षरी न करणार्यांना सुनेत्रा पवार अध्यक्ष होऊ नये असं वाटतं का? रोहित पवार यांनी नाव न घेता प्रफुल्ल पटेल आणि सुनील तटकरे यांच्यावर टीका केली.
राज ठाकरे-एकनाथ शिंदे भेटीवर संजय राऊत म्हणाले,महाराष्ट्राशी बेईमानी केली…
स्वाक्षरी न केलेल्या पाच ते सहा जणांच्या मनात कदाचित काही वेगळं असावं. त्यातील एकाला राष्ट्रीय अध्यक्ष व्हायचं असेल असा टोलाही त्यांनी लगावला.
ज्या 35 लोकांनी पाठिंबा प्रस्तावावर स्वाक्षरी केली. ते दादांच्या विचारांचे आहेत. जे दादांच्या विचारांचे आहेत, ते आमच्या विचारांचे आहेत.
या पाच-सहा आमदारांनी आणि इतर काही मोठ्या पदाधिकाऱ्यांनी पाठिंबा प्रस्तावावर का स्वाक्षरी केली नाही, असा सवाल करत ही लोकं कोण आहेत हे जनतेला माहिती आहेत असे मोठे वक्तव्य सुद्धा रोहित पवार यांनी केले आहे. त्यांचा रोख कुणाकडे आहे हे समोर आले.
तर अजितदादांवरील एआयद्वारे बनवलेले व्हिडिओ प्रसारीत करणं थांबवा अन्यथा गुन्हा दाखल करण्यात येईल असे प्रदेशाध्यक्ष सुनील तटकरे यांनी स्पष्ट केले आहे.
अजितदादांच्या अपघातावर बोलताना रोहित पवारांचा मोठा गौप्यस्फोट
दादांच्या आवाजात खोटी आणि दिशाभूल करणारी वक्तव्य प्रसारित केली जात आहेत. हा गंभीर आणि दंडनीय गुन्हा असल्याचे ते म्हणाले. हा प्रकार लोकशाही मूल्यांना धक्का देणारे असल्याचे तटकरे म्हणाले. त्यांनी याविषयीवर निवेदन जारी केले आहे.
