भाजप नेत्याला पुणे विमानतळावर अटक; बॅग उघडताच……

भारतीय जनता पक्षाच्या एका पदाधिकाऱ्याला पुणे विमानतळावर अटक झाली आहे. हैदराबादला जाण्यासाठी निघालेल्या दीपक काटेला पुणे विमानतळावरुन ताब्यात घेण्यात आलं.

आता तो विमानतळ पोलीस स्टेशनच्या अटकेत आहे. त्याच्याकडे १ पिस्तुल, २ मॅगझिन आणि २८ जिवंत काडतुसं सापडली आहेत. त्याच्या सोशल मीडिया अकाऊंटवर भाजप नेत्यांसोबतचे अनेक फोटो आहेत.

दीपक काटे पुण्याहून हैदराबादला जात होता. त्यासाठी त्यानं विमानतळ काढलं. बॅगांची तपासणी सुरु असताना सुरक्षा यंत्रणांना शंका आली.

मेटल डिटेक्टरमधून गेलेली काटेची बॅग पाहून सुरक्षा अधिकाऱ्यांचा संशय वाढला. त्यांनी काटेला बॅग उघडायला सांगितली. त्यावेळी त्यात १ पिस्तुल, २ मॅगझिन, २८ जिवंत काडतुसं सापडली.

दीपक काटे पुण्याच्या इंदापूर तालुक्याचा रहिवासी आहे. तो भाजपच्या युवा मोर्चाचा प्रदेश सचिव आहे. याशिवाय तो शिवधर्म फाऊंडेशनचा संस्थापकदेखील आहे.

त्याच्या सोशल मीडियावर भाजपच्या अनेक बड्या नेत्यांसोबतचे फोटो आहेत. त्यात प्रदेशाध्यक्ष आणि मंत्री चंद्रशेखर बावनकुळे, गोपीचंद पडळकर यांचा समावेश आहे.

विधानसभा निवडणुकीपूर्वी भाजपमधून शरद पवारांच्या राष्ट्रवादी काँग्रेसमध्ये गेलेल्या हर्षवर्धन पाटील यांच्यासोबतही त्याचा फोटो आहे. हा फोटो पाटील भाजपमध्ये असतानाचा आहे.