भोंदू खरातच्या लेकीच्या लग्नपत्रिकेत एकनाथ शिंदेंसह तीन बड्या मंत्र्यांसह बडे राजकारणी प्रमुख पाहुणे
Eknath Shinde—along with three senior ministers and other prominent politicians—featured as chief guests on the wedding invitation of the daughter of the charlatan Kharat.
नाशिकचा भोंदूबाबा अशोक खरात याच्या काळ्या कारनाम्यांचे पाश आता थेट मंत्रालयापर्यंत पोहोचल्याचे असल्याची चर्चा सुरू आहे. एसआयटीच्या चौकशीतही तसेच संकेत दिसू लागले आहेत.
मंदिरात चेंगराचेंगरी; 8 महिलांचा दुर्दैवी मृत्यू
अशोक खरातचे संबंध राजकीय नेत्यांसोबत असल्याचा दावा केला जात आहे. त्याच्याकडे काही राजकीय मंडळींची रांग लागली असल्याचे सांगण्यात येते. शिवसेना शिंदे गटाचे मंत्री दीपक केसरकर यांनीदेखील ३९ आमदार खरातकडे येत असे म्हटले.
त्यानंतर आता आणखी एक धक्कादायक माहिती समोर आली आहे. खरातच्या मुलीची लग्नपत्रिका समोर आली असून त्यात प्रमुख पाहुणे म्हणून बड्या नेत्यांची नावे आहेत.
एकनाथ शिंदे दोन मंत्र्यांना नारळ देणार; मंत्रिमंडळात लवकरच उलटफेर
अशोक खरातच्या मुलीच्या लग्नपत्रिकेने महाराष्ट्राच्या राजकारणात मोठी खळबळ उडवून दिली आहे. राज्यातील बड्या नेत्यांची नावे या भोंदूच्या ‘खास पाहुण्यांच्या’ यादीत असल्याचे उघड झाले आहे.
तर, दुसरीकडे एसआयटीच्या तपासात खरातच्या मोबाईलमधील ‘क्लोन डेटा’ हाती आला आहे. त्यामुळे चौकशीच्या धास्तीने अनेक व्हीआयपी मंडळींचे धाबे दणाणले आहेत.
एकनाथ शिंदे दोन मंत्र्यांना नारळ देणार; मंत्रिमंडळात लवकरच उलटफेर
अशोक खरातची मुलगी तृप्ताबाला हिच्या लग्नाच्या पत्रिकेचा फोटो सध्या व्हायरल होत आहे. या पत्रिकेवर राज्याचे उपमुख्यमंत्री एकनाथ शिंदे, मंत्री चंद्रकांत पाटील, मंत्री आशिष शेलार यांची नावे आहेत.
त्याशिवाय, दीपक केसरकर, रुपाली चाकणकर आणि मिलिंद नार्वेकर यांसारख्या नेत्यांची नावे ‘प्रमुख पाहुणे’ म्हणून छापण्यात आली होती. नाशिकमध्ये झालेल्या या सोहळ्याला कोणी-कोणी हजेरी लावली याकडे अनेकांचे लक्ष लागले आहे.
राज्यभरात अवकाळीचा तांडव: विजांचा कडकडाट अन् वादळी पाऊस; आज कुठे हाय अलर्ट?
एसआयटीने फॉरेन्सिक टीमकडून मिळवलेल्या डेटानुसार, खरातच्या संपर्कात महाराष्ट्रातील ४० ते ४५ बडे राजकीय नेते असल्याचे समोर आले. धक्कादायक बाब म्हणजे, हे नेते निवडणुकीचा अर्ज भरण्यापासून ते महत्त्वाचे राजकीय निर्णय घेण्यापर्यंत सर्वकाही खरातला विचारूनच करत असत.
खरातने या सर्व नेत्यांची नावे आपल्या मोबाईलमध्ये ‘कोडवर्ड’मध्ये सेव्ह केली होती. एसआयटी आता या कोडवर्डचा उलगडा करत असून, खरात कोणाला कोणता सल्ला द्यायचा आणि त्या बदल्यात काय व्यवहार व्हायचे, याचा तपास सुरू आहे.
दरम्यान, कॅनडा कॉर्नर येथील अशोक खरातच्या कार्यालयात पोलिसांनी पीडित महिलांना नेऊन ‘सीन रिक्रिएशन’ केले. या ठिकाणी महिलांचे शोषण केले जात होते.
प्रफुल्ल पटेल आणि प्रदेशाध्यक्ष सुनील तटकरे यांनी राष्ट्रवादी पक्षाच्या संविधानात मोठा बदल केला
खरातच्या पोलीस कोठडीची मुदत उद्या संपत असून, त्याला न्यायालयात हजर केले जाणार आहे. एसआयटीकडे आता तांत्रिक पुरावे आणि मोबाईलमधील चॅट्स उपलब्ध असल्याने आणखी काही ‘हाय-प्रोफाइल’ नावे समोर येण्याची दाट शक्यता आहे.
