काळाचा घाला ;आदर्श शिक्षक पुरस्कार घेऊन परतताना अपघात तिघांचा मृत्यू
Time's passing; Three die in accident while returning with ideal teacher award
तासगाव-भिलवडी मार्गावर तासगाव शहरापासून अवघ्या दोन किलोमीटर अंतरावर, चेतना पेट्रोल पंपाजवळ आज मंगळवारी दुपारी भीषण अपघात घडला.
आघाडीकडून भाजपा आणि नितीश कुमार यांना रोखण्यासाठी बिहारमध्ये मोठा निर्णय
वॅग्नर कार (MH 10 EA 6540) आणि दुचाकी (MH 10 B 7174) यांच्यात समोरासमोर झालेल्या धडकेत तिघांचा जागीच मृत्यू झाला. तर चौघे गंभीर जखमी झाले. या घटनेनं तासगाव आणि पलूस तालुक्यात शोककळा पसरली आहे.
मिळालेल्या माहितीनुसार, हा अपघात दुपारी दोनच्या सुमारास घडला. सांगली येथील एका शिक्षण संस्थेतील चार शिक्षक वॅग्नर कारमधून कडेपूर येथील आदर्श शिक्षक पुरस्कार वितरण सोहळ्यासाठी गेले होते.
सोशल मीडिया वर घातली बंदी तरुणाई संसदेत घुसली, 5 आंदोलकांचा मृत्यू
यापैकी स्वाती अमित कोळी (रा, सांगलीवाडी) यांना आदर्श शिक्षक पुरस्काराने सन्मानित करण्यात आलं होतं. पुरस्कार स्विकारल्यानंतर हे शिक्षक कडेपूरवरून तासगावमार्गे सांगलीला परतत असताना हा अपघात घडला.
तासगावजवळ आल्यानंतर समोरून येणाऱ्या दुचाकीशी कारची जोरदार धडक झाली. ही धडक इतकी भीषण होती की, दोन्ही वाहने रस्त्याच्या उजव्या बाजूला खाली द्राक्षबागेत कोसळली.
भारतीय हवामान विभागाचा 9 ते 11 सप्टेंबरदरम्यान मोठा इशारा
या अपघातात दुचाकीवरील शिवाजी बापू सुतार (वय 57), आशाताई शिवाजी सुतार (वय 55) आणि त्यांचा पाच वर्षांचा नातू वैष्णव ईश्वर सुतार (रा. बुर्ली, ता. पलूस) यांचा जागीच मृत्यू झाला. हे तिघेही काकडवाडी येथे नातेवाइकांना भेटण्यासाठी गेले होते.
वॅग्नर कारमधील चार शिक्षक पूजा राघवेंद्र कुलकर्णी, सूरज पवार, स्वाती अमित कोळी आणि आणखी एक व्यक्ती गंभीर जखमी झाले आहेत. त्यांना तातडीने तासगाव आणि सांगली येथील रुग्णालयांमध्ये उपचारासाठी दाखल करण्यात आलं. सुदैवाने, हे चौघेही बचावले असल्याचं घटनास्थळी बोललं जात आहे.
भारत-अमेरिका तणावात आता एलॉन मस्कची उडी
अपघाताची माहिती मिळताच तासगाव शहरातील अनेकांनी घटनास्थळी धाव घेतली आणि रुग्णवाहिका तसेच पोलिसांना पाचारण केले. तासगाव पोलिसांनी घटनास्थळी पोहोचून पंचनामा केला असून, पुढील तपास सुरू आहे.
या अपघातामुळे तासगाव आणि पलूस तालुक्यात हळहळ व्यक्त होत आहे. विशेषतः एका वृद्ध दांम्पत्यासह त्यांच्या पाच वर्षीय नातवाचा मृत्यू झाल्यानं स्थानिकांमध्ये शोक व्यक्त होत आहे.
रोहित पवारांचा खळबळजनक आरोप, 90 कोटींवरुन बावनकुळेंशी भिडले
याशिवाय, पुरस्कार सोहळ्याहून परतणाऱ्या शिक्षकांच्या कारला अपघात झाल्यानं शिक्षक समुदायातही दुख: व्यक्त केलं जात आहे. दरम्यान, मिळालेल्या प्राथमिक माहितीनुसार,
समोरासमोर झालेल्या धडकेमुळे हा अपघात घडला. मात्र, यामागील नेमकं कारण आणि जबाबदारी निश्चित करण्यासाठी पोलिस तपास करत आहेत.
