दोन जहाजांवर इराणचा हल्ला, पुण्यातील इंजिनिअरचा मृत्यू तर 10 जण जखमी
Iran attacks two ships; Pune engineer killed, 10 injured.
अमेरिका-इराण युद्धाचा जगातील अनेक देशांना फटका बसला आहे. या दोन्ही देशांनी ऐकमेकांवर हल्ला सुरु केल्यानं होर्मुझच्या सामुद्रधुनीतून होणाऱ्या वाहतुकीवर परिणाम झाला आहे.
अशातच होर्मुझच्या सामुद्रधुनीत इराणने दोन युएईच्या जहाजांवर हल्ला केला आहे. या हल्ल्यामध्ये एका भारतीयाचा मृत्यू झाला, तर 10 जण जखमी झाले आहेत.
एमव्ही जीएफएस गॅलेक्सी या कंटेनर जहाजावरील ‘थर्ड इंजिनिअर’ हेरंब करमरकर यांचा मृत्यू झाला. याबाबत मिळालेल्या अधिक माहितीनुसार हेरंब करमकर हे मर्चंट नेव्हीमध्ये कार्यरत होते.
त्यांचं एमव्ही जीएफएस गॅलेक्सी हे जहाज होर्मुझच्या सामुद्रधुनीमधील ओमानच्या हद्दीतून जात असताना रविवारी पहाटे त्याच्यावर हल्ला झाला होता. या हल्ल्यामुळे जहाजावरील कर्मचारी अडकून पडले होते.
पुढील 4 दिवसात राज्यात मुसळधार
यापैकी 23 जणांना वाचवण्यात यश आले. मात्र हेरंब यांना वाचवता आलं नाही. त्यांचा मृतदेह पुण्यातील त्यांच्या घरी आणण्यासाठी आता प्रशासकीय हालचालींना वेग आला आहे. पुण्यातील मुंढवा भागात त्यांचे घर आहे.
यासंदर्भात UAE च्या संरक्षण मंत्रालयाने अधिक माहिती दिली आहे. त्यानुसार, इराणने क्रूझ मिसाइलच्या सहाय्याने यूएईच्या ‘मोम्बासा’ नावाच्या तेल टँकरवर आणि ‘अल बहिया’ नावाच्या LNG जहाजावर हल्ला केला.
राष्ट्रवादीतूनच सुनेत्रा पवारांच्या अध्यक्षपदाला आव्हान
ही जहाजे दक्षिण शिपिंग लेनवरून जात होती. या हल्लाने दोन्ही जहाजांना भीषण आग लागली होती. मात्र तिच्यावर नियंत्रण मिळवण्यात यश आले. दरम्यान, या हल्ल्यासंदर्भात संताप व्यक्त करत,
हे आंतरराष्ट्रीय कायद्याचे उल्लंघन आहे. अशा हल्ल्यांमुळे प्रदेशातील तणाव अधिक वाढू शकतो. हा तणाव वाढू नये, यासाठी अशा पद्धतीच्या कारवायांना चोख प्रत्युत्तर देण्याचा अधिकार आम्हाल आहे, असा थेट इशारा युएईने दिला आहे.
हवामान विभागाने दिली पावसाची तारीख
अमेरिका आणि इराण यांच्यात पुन्हा एकदा तणाव वाढला आहे. दोन्ही देशांनी पुन्हा एकदा एकमेकांवर हल्ले सुरु केले आहेत. या सर्व घटनांचे पडसाद होर्मुझ सामुद्रधुनीत उमटत आहेत.
इराणने संयुक्त अरब अमिरातीच्या दोन जहाजांवर केलेल्या क्षेपणास्त्र हल्ल्यात एका भारतीय खलाशाचा मृत्यू झाला आहे. याबरोबरच 10 जण जखमी झाले आहेत.
महाराष्ट्रात मंत्रिमंडळ विस्तार ;कोणाला मिळणार डच्चू
याबाबतची माहिती यूएईच्या संरक्षण मंत्रालयाने दिली आहे. अमेरिका-इस्रायल आणि इराणमधील संघर्षाचे परिणाम संपूर्ण आखातावर दिसू लागले आहेत.
