तेरा हजार कोटींचा घोटाळेबाज फरार हिरे व्यापारी मेहुल चोक्सी याला अटक

पंजाब नॅशनल बँक (पीएनबी) घोटाळ्यातील मुख्य आरोपी आणि फरार हिरे व्यापारी मेहुल चोक्सीला बेल्जियममध्ये अटक करण्यात आली आहे. भारतीय सुरक्षा एजन्सींच्या विनंतीवरून चोक्सीला अटक झाली.

केंद्रीय अन्वेषण ब्युरो (सीबीआय) ने बेल्जियममधील सरकारकडे विनंती केली होती. त्यानंतर ६५ वर्षीय मेहुल चोक्सी याला शनिवारी अटक करण्यात आली होती. तो आता तुरुंगात आहे.

मेहुल चोक्सी याने पंजाब नॅशनल बँकेकडून १३,५०० कोटी रुपयांचा कर्ज घोटाळा केला होता. अटकेपासून वाचण्यासाठी तो भारतातून बेल्जियममध्ये फरार झाला होता.

तो तेथे त्याची पत्नी प्रीती चोक्सीसोबत अँटवर्पमध्ये राहत होता. प्रीती चोक्सीकडे बेल्जियमचे नागरिकत्व आहे. चोक्सीकडे बेल्जियममध्ये ‘एफ रेसिडेन्सी कार्ड’ आहे.

मेहुल चोक्सीला अटक करताना बेल्जियम पोलिसांनी मुंबई न्यायालयाने त्याच्याविरुद्ध जारी केलेल्या दोन अटक वॉरंटचा हवाला दिला.  मुंबई न्यायालयाने वॉरंट २३ मे २०१८ आणि १५ जून २०२१ रोजी जारी करण्यात आले होते.

पीएनबीमधून १३,८५० कोटी रुपयांची फसवणूक प्रकरणात मेहुल चोक्सीवर सीबीआय आणि ईडीकडून खटला दाखल केला आहे. या प्रकरणात चोक्सीचा पुतण्या नीरव मोदीसुद्धा आरोपी आहे.

तो लंडनमध्ये असल्याचे सांगितले जात आहे. त्याचे प्रत्यार्पण होण्याची शक्यता आहे. मेहुल चोक्सी जानेवारी २०१८ मध्ये त्याचा पुतण्या नीरव मोदीसह भारतातून पळून गेला होता.

पंजाब नॅशनल बँकेतील कर्ज घोटाळ्याचे प्रकरण उघडकीस येण्यापूर्वीच हे दोघेही देश सोडून गेले होते. हा भारतातील दुसरा सर्वात मोठा बँक घोटाळा होता.

मेहुल चोकसी याला यापूर्वी २०२१ मध्ये अटक झाली होतो. तेव्हा तो क्युबाला जात होता, त्यावेळी त्याला डोमिनिकामध्ये पकडण्यात आले होते. यानंतर मेहुलने म्हटले होते की,

राजकीय कट रचल्यामुळे हे खटले त्याच्याविरुद्ध चालवले जात आहेत. ईडीने भारतातील त्यांच्या मालमत्ता बेकायदेशीरपणे जप्त केल्या आहेत. २०१८ मध्ये इंटरपोलने त्याच्याविरोधात रेड कॉर्नर नोटीस जारी केली होती.

२०१८ मध्ये ईडीने चोक्सीच्या १,२१७ कोटी रुपयांच्या ४१ स्थावर मालमत्ता तात्पुरत्या स्वरूपात जप्त केल्या होत्या. जप्त केलेल्या मालमत्तांमध्ये मुंबईतील आलिशान भागात असलेले त्याचे दोन फ्लॅट, कोलकातामधील एक मॉल, मुंबई-गोवा महामार्गावरील २७ एकर जमीन यांचा समावेश आहे.

कर्जबुडव्या मेहुल चोक्सीला बेल्जियम पोलिसांनी अटक केली आहे. पंजाब नॅशनल बँकेकडून 13 हजार 500 कोटींचा घोटाळा केल्याचा आरोप मेहुल चोक्सी आणि त्याचा भाचा नीरव मोदीवर आहे. ईडी आणि सीबीआयने त्याला वाँटेड जाहीर केलं होतं.

शनिवारी त्याला सीबीआयच्या विनंतीवरुन अटक करण्यात आली आहे. चोक्सी 13 हजार 500 कोटी रुपयांच्या पीएनबी घोटाळ्यातील मुख्य आरोपींपैकी एक असून पीएनबी घोटाळ्यातील मुख्य आरोपी मेहुल चोक्सीला सीबीआयच्या विनंतीवरून बेल्जियममध्ये अटक करण्यात आली आणि आता भारतीय एजन्सींनी प्रत्यार्पणाची प्रक्रिया सुरू केली आहे.

एक फरार भारतीय व्यापारी आणि गीतांजली ग्रुपचा मालक
2018 मध्ये भारतातून पळून गेल्यानंतर अँटिग्वा आणि बारबुडाचे नागरिकत्व घेतले
चोक्सीवर त्याचा पुतण्या नीरव मोदीसह पंजाब नॅशनल बँकेत 13 हजार 500 कोटी रुपयांचा घोटाळा केल्याचा आरोप

मेहुल चोक्सीवर कोणते आरोप?
मेहुल चोक्सीनं जानेवारी 2018 मध्ये भारतातून पळ काढला त्यानंतर, काही दिवसांनी पंजाब नॅशनल बँकेत मोठा घोटाळा उघडकीस आला.

मेहुल चोक्सी आणि नीरव मोदी यांनी 13 हजार 500 कोटी रुपयांचा आर्थिक गैरव्यवहार केल्याचा आरोप आहे. 65 वर्षीय मेहुल चोक्सीने अँटिग्वा आणि बारबुडाचे नागरिकत्व घेतले. चोक्सीसोबत, नीरव मोदी देखील भारतातील बँक घोटाळ्यात सह-आरोपी आहे. ज्याची सध्या लंडनहून प्रत्यार्पणाची प्रक्रिया सुरु आहे.

पंजाब नॅशनल बँकेत हजारो कोटींचा घोटाळा 2018 मध्ये उघडकीस आला. मेहुल चोक्सी आणि नीरव मोदी यांनी बँकांची हजारो कोटींची फसवणूक केली. घोटाळा उघडकीस आल्यानंतर दोघे काका-पुतणे देश सोडून पळून गेले. मेहुल चोक्सी हा नीरव मोदीचा काका आहे.

बेल्जियममध्ये अटक झाल्यानंतर चोक्सीने प्रकृती बिघडल्याचे कारण दिले. हेच कारण देत त्याने जामीन मागितला आहे. चोक्सीचे वकील म्हणतात की, त्यांचे क्लाइंट आजारी आहेत त्यामुळे, त्यांना जामीन दिला जावा. वकिलाने सांगितले की, चोक्सी अँटिग्वा आणि बारबुडाहून बेल्जियममध्ये उपचारासाठी आला होता. त्याची पत्नी प्रीती चोक्सीसोबत अँटवर्पमध्ये राहत होता.

मेहुल चोक्सीला अटक करताना बेल्जियम पोलिसांनी मुंबई न्यायालयाने त्याच्याविरुद्ध जारी केलेल्या दोन अटक वॉरंटचा हवाला दिला. याबाबत  वृत्तात म्हटले आहे की, मुंबई न्यायालयाने वॉरंट 23 मे 2018 आणि 15 जून 2021 रोजी जारी करण्यात आले होते.