22-23 आमदार शरद पवारांच्या संपर्कात?

राज्याच्या राजकारणातून मोठी बातमी समोर आली आहे. गेल्या काही दिवसांपासून दोन्ही राष्ट्रवादी एकत्र येणार असल्याची माहिती समोर आली होती.

ट्रम्पचे पंख स्वत:च्याच पक्षाच्या खासदारांनी छाटले;

दोन्ही पक्षांच्या महत्त्वाच्या नेत्यांमध्ये बैठकाही झाल्याची माहिती समोर आली होती. मात्र आता दोन्ही पक्ष एकत्र येणार नाहीत अशी माहिती शरद पवार गटाचे प्रदेशाध्यक्ष शशिकांत शिंदे यांनी दिली आहे.

मात्र दुसरीकडे राष्ट्रवादीचे 22 ते 23 आमदार शरद पवार यांच्या संपर्कात असल्याची माहिती समोर आली आहे. त्यामुळे आता राजकारणात मोठा भूकंप होण्याची शक्यता आहे. याबाबत सविस्तर माहिती जाणून घेऊया.

विधानपरिषद निवडणुकीसाठी महायुतीचा जागावाटपाचा फॉर्म्यूला

समोर आलेल्या माहितीनुसार, राष्ट्रवादी (अजित पवार) पक्षाचे 22 ते 23 आमदार शरद पवार यांच्या संपर्कात असल्याची माहिती समोर आली आहे.

जे आमदार भाजपसोबत जाण्यास इच्छुक नाहीत ते शरद पवार यांच्या राष्ट्रवादीत जाण्याच इच्छूक असल्याची माहिती सूत्रांनी दिली आहे. या आमदारांनी शरद पवार यांची भेटही घेतली असल्याची माहिती सूत्रांनी दिली आहे. त्यामुळे आगामी काळात राष्ट्रवादीत पुन्हा मोठा भूकंप होण्याची शक्यता नाकारता येत नाही.

पश्चिम बंगालच्या मुख्यमंत्रीपदी शुभेंदू अधिकारी

आज राष्ट्रवादीची महत्त्वाची बैठक पार पडली, यानंतर प्रदेशाध्यक्ष शशिकांत शिंदे यांना 22 आमदारांबाबत प्रश्न विचारण्यात आला होता.

याबाबत बोलताना शिंदे म्हणाले की, ‘आमच्याकडे असा प्रस्ताव आलेला नाही, मात्र प्रस्ताव आल्यास नक्की विचार करू. शरद पवार यांच्या नेतृत्वात त्यांना काम करायचे असेल तर आम्ही नक्की विचार करू.’

अप्पर जिल्हाधिकाऱ्याला लाच घेताना रंगेहात अटक
आज झालेल्या पक्षाच्या बैठकीबाबत बोलताना शिंदे म्हणाले की, पक्ष संघटना मजबूत करुन मोठ्या उमेदीनं पुढे जायचं आहे पक्षात पूर्ण ताकतीनं पक्ष उभा करण्याची चर्चा झाली.

आता दोन्ही पक्षांच्या विलिनिकरणाचा विषय संपलेला आहे. आमचा पक्ष पवार साहेबांच्या नेतृत्वात महाराष्ट्रात जाणार आहे, आम्ही वेगवेगळे मुद्दे हाताळू. मविआ म्हणून 15 आँगस्ट नंतर राज्यात दौरे करणार आहोत. संयुक्तपणे दौरे करणार आहोत. जनभावना उभी करायची आहे. मात्र आता दोन्ही राष्ट्रवादी एकत्र येणार नाहीत.