गुंतवणूकदार रस्त्यावर ! एका चुकीने 50 हजार कोटींची कंपनी बर्बाद
Investors on the streets! A company worth 50 thousand crores was ruined by one mistake
एकेकाळी रिअल इस्टेट क्षेत्रातील आघाडीच्या आणि झगमगत्या कंपन्यांमध्ये गणली जाणाऱ्या HDIL कंपनीचे मार्केट कॅप आज अवघ्या 117 कोटी रुपयांवर आले आहे.
जानेवारी 2008 मध्ये याच कंपनीची बाजारमूल्य सुमारे 50 हजार कोटी रुपयांपर्यंत पोहोचली होती. त्या काळात कंपनीचा शेअर 1,113.74 रुपयांच्या सर्वकालीन उच्चांकी स्तरावर होता. तर दुसरीकडे या शेअरचा नीचांकी स्तर 1.25 रुपये प्रति शेअर इतका नोंदवला गेला आहे.
लाचखोर तहसीलदाराला पन्नास हजार रुपयांची लाच घेतांना रंगेहात अटक
HDIL ही रिअल इस्टेट क्षेत्रातील एकेकाळी मोठी आणि प्रभावी मानली जाणारी ही कंपनी इतक्या वेगाने कशी कोसळली, हा प्रश्न अनेक गुंतवणूकदारांना पडला आहे.
HDIL चा व्यवसाय मॉडेल प्रामुख्याने रिअल इस्टेट डेव्हलपमेंटवर आधारित होता. कंपनीने निवासी आणि व्यावसायिक प्रकल्पांसोबतच झोपडपट्टी पुनर्वसन
आणि इन्फ्रास्ट्रक्चर प्रकल्पांमध्येही काम केले. मुंबई आणि पुणे परिसरात लक्झरी हाऊसिंग आणि TDR जनरेशनवर कंपनीचा विशेष भर होता.
ChatGPT वरून हायटेक सामूहिक कॉपीचा धक्कादायक प्रकार
जानेवारी 2008 हा कंपनीचा सुवर्णकाळ मानला जातो. त्या वेळी कंपनीची मार्केट कॅप सुमारे 50,000 कोटी रुपयांवर पोहोचली होती आणि शेअरने 1,113.74 रुपयांचा सर्वकालीन उच्चांक गाठला होता.
मात्र कालांतराने परिस्थिती इतकी बिघडली की कंपनीची मार्केट कॅप आता केवळ 117 कोटी रुपयांवर आली आहे.
HDIL च्या अडचणींची खरी सुरुवात झाली ती प्रचंड कर्जामुळे आणि चुकीच्या आर्थिक निर्णयांमुळे. कंपनीवर एकूण 8,138 कोटी रुपयांची देणी होती.
राज्यसभा निवडणुक ;उद्धव ठाकरें आणि काँग्रेस, शरद पवारांपासून चार हात दूर ,थेट दिल्लीत हालचाली
त्यामध्ये 6,835 कोटी रुपये secured liabilities, 920 कोटी रुपये unsecured liabilities आणि सुमारे 620 कोटी रुपये घरखरेदीदारांचे पैसे होते.
2011 पासूनच कंपनीचे कर्ज NPA (Non-Performing Asset) श्रेणीत जाऊ लागले. ज्यामुळे आर्थिक ताण वाढत गेला. 2019 मध्ये बँक ऑफ इंडियाने दाखल केलेल्या याचिकेवर NCLT ने कंपनीविरुद्ध दिवाळखोरी प्रक्रिया सुरू करण्यास परवानगी दिली.
20 ऑगस्ट 2019 पासून सुरू झालेली ही प्रक्रिया अद्याप कोणत्याही ठोस तोडग्यापर्यंत पोहोचलेली नाही आणि सध्या कंपनीची liquidation प्रक्रिया सुरू आहे.
उपमुख्यमंत्री सुनेत्रा पवारांना धक्का दिला…राज्यभरात संतापाची लाट
याशिवाय कंपनीवर गैरव्यवस्थापन आणि निधी वळवण्याचे आरोप झाले. PMC बँक घोटाळ्यात 4,355 कोटी रुपयांचे एक्स्पोजर उघड झाल्याने परिस्थिती अधिक गंभीर झाली. त्यानंतर तपास यंत्रणांची कारवाई
आणि प्रवर्तकांच्या अटकप्रकरणांनी गुंतवणूकदारांचा विश्वास पूर्णपणे डळमळीत झाला. 2008 च्या जागतिक मंदीनंतर रिअल इस्टेट क्षेत्रात आलेली मंदी आणि over-leverage मुळे कंपनीला सावरण्याची संधीच मिळाली नाही.
जगात भारताची अब्रू घालणारे हे आहे ‘गलगोटिया विद्यापीठ
आज 6,000 पेक्षा अधिक घरखरेदीदार अडकलेले आहेत. अनेक प्रकल्पांचा तोडगा निघालेला नाही आणि liquidation प्रक्रिया पुढे सरकत आहे. HDIL ची कहाणी हे स्पष्ट दाखवते की,
बाजारातील तेजीत मिळालेली उंची कायमस्वरूपी नसते. चुकीचे निर्णय आणि अति कर्ज कोणत्याही कंपनीला शिखरावरून थेट जमिनीवर आणू शकतात.
मुंबईत श्वास घेणं कठीण;प्रदूषणाचे सर्व विक्रम मोडीत
सध्या HDIL चा शेअर 2.47 रुपयांच्या लोअर सर्किटवर लॉक आहे. कंपनीची मार्केट कॅप सुमारे 117 कोटी रुपयांवर आली आहे. या शेअरचा आतापर्यंतचा नीचांकी स्तर 1.25 रुपये प्रति शेअर इतका राहिला आहे.
