शरद पवारांना सोडून अजित दादांच्या बंडात साथ देणाऱ्या किती उमेदवारांचा पराभव झाला?

उपमुख्यमंत्री अजित पवार यांनी २०२३ साली राष्ट्रवादी काँग्रेस पक्षापासून फारकत घेत स्वतःचा वेगळा गट केला. तब्बल ४१ आमदारांनी अजित पवारांना या बंडात साथ दिली होती.

तसेच आपला गटच अधिकृत राष्ट्रवादी काँग्रेस पक्ष असल्याचे सांगितले. पुढे विधीमंडळ आणि सर्वोच्च न्यायालयानेही त्यांच्या दाव्याला पाठबळ देणारे निर्णय दिले.

दुसरीकडे शरद पवार आणि त्यांच्या इतर नेत्यांनी पक्षफुटीवर भर देऊन जनतेमध्ये जाऊन प्रचार केला. तरी निकालावरून शरद पवारा गटाला फारसे यश मिळाले नाही

असे दिसत आहे. शरद पवारांनी अजित पवारांच्या उमेदवारांना ‘पाडा, पाडा’ असे सांगूनही अजित पवारांचे ४१ उमेदवार निवडून आले आहेत.

शरद पवार यांनी छगन भुजबळ, दिलीप वळसे पाटील, हसन मुश्रीफ, धर्मरावबाबा अत्राम, मकरंद आबा पाटील, धनंजय मुंडे आणि इतर आमदारांना पाडण्याचे आवाहन केले होते. मात्र तरीही या उमेदवारांचा विजय झाला आहे.

अजित पवार यांच्या एकूण १३ उमेदवारांचा पराभव झाला आहे. यामध्ये नुकतेच पक्षात आलेल्या झिशान सिद्दीकी यांचाही पराभव झाला आहे. तर २०१९ चे अपक्ष उमेदवार देवेंद्र भुयार यांनी अजित पवार

यांच्या पक्षाकडून निवडणूक लढविली होती, त्यांचाही पराभव झाला आहे. इस्लामपूरमधून निशिकांत पाटील आणि तासगाव कवठे महांकाळ मधून संजयकाका पाटील यांना उमेदवारी देण्यात आली होती. मात्र त्यांचाही पराभव झालेला आहे.

संयुक्त राष्ट्रवादी काँग्रेस पक्षातून अजित पवार यांच्यासह आलेल्या भरत गावित, सुनील टिंगरे, लहू कानडे, दिलीप मोहिते, अतुल बेनके, यशवंत माने, राजेश पाटील, नजीब मुल्ला आणि नवाब मलिक यांना पराभवाचे तोंड पाहावे लागले आहे.

अजित पवार यांचे ४१ आमदार निवडून आलेले असून त्यांनी बंडाच्या वेळी आपल्याबरोबर असलेल्या आमदारांचा आकडा कायम ठेवला आहे.

मात्र अजित पवार गटाला ९.०१ टक्के मतदान मिळाले असून शरद पवार यांच्या गटापेक्षा हे मतदान कमी आहे. शरद पवार यांच्या राष्ट्रवादीला ११.२८ टक्के मतदान मिळाले आहे.

कोणत्या उमेदवारांचा पराभव

.