भारतातील सर्वात महाग टोल ; मोदींनी उदघाटन केलेला शिवडी-न्हावाशेवा वरून वाहन चालवीविण्यासाठी ७९ हजार रुपये टोल
India's most expensive toll; 79 thousand rupees toll for driving from Shivdi-Nhavasheva which was inaugurated by Modi
भारतातील रस्त्यांवर टोल टॅक्सबाबत वाद-विवाद दररोज पाहायला मिळतात. काही ठिकाणी टोल टॅक्सवरून भांडणे होतात तर काही ठिकाणी टोलनाके तोडून वाहने जातात.
दरम्यान, भारताने सर्वात महागडा टोल पूल तयार केला आहे. या टोल पुलावर वाहनांना दरमहा १२ हजार ५०० ते ७९ हजार रुपयांपर्यंत टोल भरावा लागणार आहे.
13 जानेवारी ते 31 डिसेंबर 2024 पर्यंत लागू असलेल्या या दराने वसुली सुरू झाली आहे. आम्ही बोलत आहोत 12 जानेवारीला मुंबईत
पंतप्रधान मोदींच्या हस्ते उद्घाटन करण्यात आलेल्या अटल पुलाबद्दल. हा देशातील सर्वात लांब आणि सर्वात लांब सागरी पूल आहे.
हा पूल समुद्रात बांधलेला सर्वात लांब पूल आहे. अशा परिस्थितीत सागरी परिसंस्थेची पूर्ण काळजी घेण्यात आली आहे. आवाज बंद करण्यासाठी पुलाच्या काठावर साउंड बॅरिअर्स लावण्यात आले आहेत.
त्यामुळे ध्वनी प्रदूषण नियंत्रित होण्यास मदत होणार आहे. त्यामुळे पक्ष्यांचे कोणतेही नुकसान होणार नाही. फ्लेमिंगो पक्षी हिवाळ्यात येथे येतात.
याशिवाय पुलावर लावण्यात आलेल्या दिव्यांच्या प्रकाशामुळे प्रदूषण होणार नाही याची काळजी घेण्यात आली आहे. सुरक्षेच्या दृष्टीने १९० सीसीटीव्ही कॅमेरेही बसवण्यात आले आहेत.
या सागरी सेतुमुळे मुंबई ते अलिबाग हे अंतर अवघ्या पंधरा ते वीस मिनिटांत पार करणं शक्य होणार आहे. हा सागरी सेतू उभारण्यासाठी जागतिक दर्जाचे तंत्रज्ञान वापरण्यात आलंय.
ओपन रोड टोलिंग यंत्रणा असलेला हा देशातील पहिला मार्ग ठरणार आहे. या पुलावर कार, टॅक्सी, मिनी बस, हलकी वाहनं, मिनी बस, टू एक्सल बस, छोटे ट्रक प्रवास करु शकतात. प्रत्येक वाहनाकडून वेगवेगळा टोल आकारला जाणार आहे.
त्यानुसार सिंगल, रिटर्न, डेली आणि मासिक पास उपलब्ध करुन दिला जणार आहे. त्यानुसार कार साठी सिंगल टोल हा 250 रुपये आहे.
तर, कारसाठी मासिक पास हा 12 हजार रुपयांचा असणार आहे. तर, अवजड वाहनासाठी सिंगल टोल 1580 रुपये तर, मासिक पास काढायला असल्यास तब्बल 79 हजार रुपये मोजावे लागणार आहे.
विशेष म्हणजे मुंबई-पुणे दरम्यान एसटीच्या शिवनेरीचा प्रवास आता फेसाळणा-या लाटा पाहत पूर्ण करणं शक्य होणारंय. शिवनेरीच्या प्रवासात पनवेलसह इतर लहान-मोठे थांबे नसतील
त्यामुळे मुंबई-पुणे दरम्यानचा प्रवास जलद आणि सुकर होईल. अटल सागरी सेतूवर मोटर सायकल, मोपेड, तीन चाकी टेम्पो, रिक्षा, ट्रॅक्टर, ट्रॉलीला परवानगी नाही अले ट्विट मुंबई वाहतूक पोलिसांनी केले आहे.
ही आहेत वैशिष्ठे
अटल सेतू 06 लेनसह 21.8 लांब आहे
हा पूल 16.5 किलोमीटर समुद्रात बांधण्यात आला आहे
हा पूल 05.5 किलोमीटर जमिनीवर बांधण्यात आला आहे
या पुलाची किंमत 17,840 कोटी रुपये आहे
या पुलावरून ताशी 100 किलोमीटर वेगाने वाहने धावतील
मुंबई आणि नवी मुंबई विमानतळांना जोडते
मुंबई आणि जवाहरलाल नेहरू पोर्टमध्ये उत्तम समन्वय
मुंबई ते पुणे, गोवा प्रवासात वेळ वाचेल.
दुचाकी, मोपेड, तीनचाकी आणि कमी गतीच्या वाहनांना बंदी
हा आहे टोल टॅक्सचा दर…
वाहन प्रकार
एकेरी प्रवास दुतर्फा प्रवास दैनिक पास मासिक पास
कार 250 375 625 12500
मिनी बस 400 600 1000 20000
बस 830 1245 2075 41500
3 एक्सल 905 1360 2265 45250
6 एक्सल 1300 1950 3250 65000
मोठ्याआकाराचे 1580 2370 3950 79000
