पाहा गर्भश्रीमंत उमेदवार; संपत्ती किती हजार कोटीत

• 

 

 

 

 

दक्षिण गोवा मतदारसंघातून भाजपने व्यापारी श्रीनिवास धेंपो यांच्या पत्नी पल्लवी धेम्पो यांना उमेदवारी दिली आहे. पल्लवी यांनी दक्षिण गोवा जिल्हाधिकारी कार्यालयात उमेदवारी अर्ज सादर केला.

 

 

 

 

यावेळी त्यांच्यासोबत गोव्याचे मुख्यमंत्री प्रमोद सावंतही उपस्थित होते. रिटर्निंग ऑफिसरसमोर दाखल केलेल्या 119 पानांच्या प्रतिज्ञापत्रात पती श्रीनिवास धेम्पो

 

 

 

यांच्यासह एकूण संपत्ती सुमारे 1,400 कोटी रुपये आहे. धेम्पो ग्रुपचा व्यवसाय फ्रँचायझी फुटबॉल लीगपासून रिअल इस्टेट, जहाजबांधणी, शिक्षण आणि खाण व्यवसायापर्यंत विस्तारला आहे.

 

 

पल्लवी यांनी सादर केलेल्या प्रतिज्ञापत्रात त्यांच्याकडे 255.4 कोटी रुपयांची जंगम मालमत्ता असल्याचे दिसून येते, तर श्रीनिवास यांच्या मालकीच्या मालमत्तेचे मूल्य 994.8 कोटी रुपये आहे.

 

 

 

 

पल्लवी यांच्या स्थावर मालमत्तेचे एकूण बाजारमूल्य 28.2 कोटी रुपये आहे, तर श्रीनिवास यांच्या स्थावर मालमत्तेचे एकूण बाजारमूल्य 83.2 कोटी रुपये आहे. श्रीनिवास धेम्पोंच्या गोवा आणि देशाच्या इतर भागांमध्ये असलेल्या

 

 

 

 

मालमत्तांव्यतिरिक्त, या जोडप्याकडे दुबईमध्ये एक अपार्टमेंट देखील आहे, ज्याचे सध्याचे बाजार मूल्य 2.5 कोटी रुपये आहे. याशिवाय लंडनमध्येही 10 कोटी रुपयांचे अपार्टमेंट आहे.

 

 

 

 

 

पल्लवी यांच्या प्रतिज्ञापत्रानुसार त्यांच्याकडे वेगवेगळ्या सीरिजच्या तीन मर्सिडीज बेंझ कार आहेत, ज्यांची किंमत अनुक्रमे 1.69 कोटी, 16.42 लाख, 21.73 लाख रुपये आहे.

 

 

 

कॅडिलॅक कार आहे, ज्याची किंमत 30 लाख आहे. महिंद्रा थार एसयूव्ही आहे ज्याची किंमत 16.26 लाख रुपये आहे. पल्लवी यांनी प्रतिज्ञापत्रात 5.7 कोटी रुपयांचे सोने असल्याची माहिती दिली आहे.

 

 

 

 

पल्लवी यांनी 2022-23 या आर्थिक वर्षासाठी 10 कोटी रुपयांचे आयकर रिटर्न भरले, तर श्रीनिवास यांनी त्याच वर्षासाठी 11 कोटी रुपयांचे रिटर्न भरले.

 

 

 

पल्लवीकडे 217.11 कोटी रुपयांचे रोखे, 12.92 कोटी रुपयांची बचत आणि सुमारे 9.75 कोटी रुपयांच्या इतर गोष्टी आहेत. 49 वर्षीय भाजप उमेदवाराने एमआयटी, पुणे विद्यापीठातून बिझनेस मॅनेजमेंटमध्ये पदव्युत्तर पदवी घेतली आहे.

 

 

 

 

उत्तर गोवा आणि दक्षिण गोवा लोकसभा जागांसाठी तिसऱ्या टप्प्यात 7 मे रोजी मतदान होणार आहे. पल्लवी यांच्यासोबत भाजपचे उत्तर गोव्यातील उमेदवार श्रीपाद नाईक यांनीही लोकसभा निवडणुकीसाठी उमेदवारी अर्ज दाखल केला.

 

 

 

 

उत्तर गोव्यातील भाजपचे उमेदवार श्रीपाद नाईक हे पाचवेळा खासदार राहिले आहेत आणि सातवी निवडणूक लढवत आहेत. उमेदवारी दाखल केल्यानंतर पत्रकारांशी बोलताना नाईक म्हणाले,

 

 

 

 

‘भाजप सरकारने गोव्यातील पायाभूत सुविधांमध्ये मोठी गुंतवणूक केली आहे. 1999 आणि 2014 प्रमाणे भाजप गोव्याच्या दोन्ही लोकसभा जागा जिंकेल.

 

 

 

श्रीपाद नाईक यांनी त्यांच्या निवडणूक प्रतिज्ञापत्रात 2.05 कोटी रुपये किंमतीची जंगम मालमत्ता, 8.81 कोटी किंमतीची स्थावर मालमत्ता आणि 17 लाख वार्षिक उत्पन्न जाहीर केले आहे.