मुंबईत टाइम्स टॉवरला भीषण आग;पाहा VIDEO

मुंबईच्या वरळी परिसरातील टाइम्स टॉवरमध्ये भीषण आग लागल्याची माहिती आहे. कमला मिल्स परिसरातील टाइम टॉवर या इमारतीला ही आग लागली आहे.

सकाळी साडे सहा वाजताच्या सुमारास ही आग लागल्याची माहिती आहे, सध्या यामध्ये कुठलीही जीवितहानी झालेली नाही. या घटनेमुळे परिसरात खळबळ माजली आहे.

आगीवर नियंत्रण मिळवण्यासाठी अग्निशमन दलाच्या सात ते आठ गाड्या घटनास्थळी दाखल झाल्या असून आग विझवण्याचे प्रयत्न सुरु आहेत. ही आग का लागली याचं कारण अद्याप अस्पष्ट आहे.

लोअर परळ भागातील कमला मिल्स कम्पाऊण्ड येथे टाइम्स टॉवर ही कमर्शिअल इमारत आहे. या इमारतीला सकाळी साडे सहाच्या सुमारास आग लागल्याची घटना घडल्याची माहिती आहे. आगीने रौद्ररुपर धारण केल्याचं व्हिडिओमध्ये दिसून येत आहे.

या घटनेची माहिती मिळताच अग्निशमन दलाला पाचारण करण्यात आलं. आगीची तीव्रता पाहता अग्निशमन दलाच्या सात ते आठ गाड्या

घटनास्थळी दाखल झाल्या आहेत. सध्या अग्निशमन दलाच्या जवानांकडून आगीवर नियंत्रण मिळवण्यासाठी शर्थीचे प्रयत्न सुरु आहेत.

शुक्रवारी (६ सप्टेंबर) सकाळी साडेसहा वाजताच्या सुमारास ही आग लागल्याची माहिती आहे. टाइम्स टॉवर ही कमर्शिअल इमारत असून यामध्ये रहिवासी कोणीही नाही.

त्यामुळे आतमध्ये जास्त लोक अडकल्याची शक्यता फार कमी आहे. तरीही सध्या शोधकार्य आणि मुख्यकरुन ही आग विझवण्याचे प्रयत्न सुरु आहेत.

https://x.com/IndiaWeatherMan/status/1831863705879114114?ref_src=twsrc%5Etfw%7Ctwcamp%5Etweetembed%7Ctwterm%5E1831863705879114114%7Ctwgr%5E76d4a0eaba485819bc9ae48df8ccc31c12aa831a%7Ctwcon%5Es1_c10&ref_url=https%3A%2F%2Fmarathi.indiatimes.com%2Fmaharashtra%2Fmumbai-news%2Fmajor-fire-breaks-out-in-times-tower-at-kamla-mills-mumbai-brk%2Farticleshow%2F113109400.cms