प्रसिद्ध लीलावती रूग्णालयात काळी जादू, मुंबईत खळबळ

मुंबईतील प्रसिद्ध लीलावती रूग्णालयामधून एक धक्कादायक बातमी समोर आली आहे.

या रूग्णालयाच्या विश्वस्तांनी काळी जादू झाल्याचा दावा केला असून केबिनमधील फरशीच्या खाली मानवी हाड, कवट्या, केस तांदूळ आणि आठ मडकी सापडले सापडले आहेत.

या सगळे खांदतानाचा व्हिडीओ रेकॉर्ड करण्याता आल्याचं माजी कर्मचाऱ्याने माहिती दिली आहे. रूग्णालय विश्वस्तांनी माजी विश्वस्तांवर बनावट ऑर्डर आणि रेकॉर्डद्वारे पैसे उकळल्याचा आरोप करत

१,२५० कोटी रुपयांपेक्षा जास्त रकमेच्या गैरव्यवहाराचा खटला दाखल केला आहे. मात्र माजी विश्वस्तांनी हे आरोप खोटे आणि निराधार असल्याचं सांगत फेटाळून लावले आहेत.

लीलावती रूग्णालयाचे संस्थापक किशोर मेहता यांचे भाऊ विजय मेहता आणि त्यांचे नातेवाईक आणि सहकाऱ्यांविरूद्ध आर्थिक अनियमिततेप्रकरणी तीन एफआयआर दाखल झालेत.

त्यासोबतच टॅक्सचोरीची तक्रारसुद्धा करण्यात आलीय. तर आताच्या विद्यमान विश्वस्तांनी तक्रार केली असून याचा तपास केला जावा अशी मागणी केली आहे. माजी विश्वस्त कथित स्वरूपाच युएई आणि बेल्जियला गेले आहेत.

रूग्णालयातील कर्माचाऱ्यांना माजी विश्वस्तांविरूद्ध प्रशांत मेहता आणि त्यांच्या आईला इजा पोहोचवण्यासाठी काळी जादू केल्याची तक्रार दाखल केलीय. विजय मेहता यांच्या मुलाने आरोप फेटाळले असून फक्त खळबळ माजवण्यासाठी हे आरोप केल्याचं म्हटलं आहे.

२००२ मध्ये किशोर मेहता हे उपचारासाठी परदेशात गेले होते. त्यावेळी त्यांचा भाऊ विजय मेहता यांनी तात्पुरता कारभार स्वीकारला होता. मात्र त्यानंतर खोटी कागदपत्रांच्या

आणि सहीने मदतीने कथित स्वरूपात आपल्या मुलाला आणि पुतण्याला विश्वस्त म्हणून नियु्क्त केलं.

त्यानंतर कायदेशीर लढाईनंतर २०१६ सारी किशोर मेहता यांनी आपलं पद कायम मिळवलं.

२०२४ मध्ये मेहता यांच्या मृत्यूनंतर त्यांचा मुलगा प्रशांत मेहता विश्वस्त झाले. त्यानंतर ऑडिट केल्यावर खोटे रेकॉर्ड समोर आले.

दरम्यान, मुंबईमधील सर्वात प्रसिद्ध म्हणून लीलावती रूग्णालयाची ओळख आहे. मोठे सेलिब्रिटी,

उद्योगपती आणि खेळाडू तिथे उपचार घेतात. अशा रूग्णालयात हा प्रकार समोर आल्याने सर्वत्र खळबळ उडाली आहे.