अभिषेक घोसाळकरांच्या हत्येचे कारण काय ?माहिती आली समोर

• 

 

 

ठाकरे गटाचे माजी नगरसेवक अभिषेक घोसाळकर यांची काल(गुरूवारी) मुंबईमध्ये गोळ्या घालून हत्या करण्यात आली आहे. फेसबुक लाईव्ह सुरू असतानाचा घोसाळकर यांची ५ गोळ्या झाडून हत्या करण्यात आली,

 

 

 

या घटनेने मुंबईसह राज्यात एकच खळबळ उडाली आहे. गेल्या काही दिवसांमध्ये गोळीबाराच्या घटनेमध्ये मोठ्या प्रमाणावर वाढ झाली आहे.

 

 

 

 

स्वत:ला सामाजिक कार्यकर्ता म्हणवणारा मॉरिस नोरोन्हा याने घोसाळकर यांची हत्या केली, त्यानंतर स्वत:वर गोळ्या झाडून त्यानेही आपलं जीवन संपवलं

 

 

 

दरम्यान या घटनेनंतर अनेक प्रश्न उपस्थित केले जात आहेत. या घटनेचा पोलिस तपास सुरू असतानाच अनेक गोष्टी समोर येत आहेत. दरम्यान,

 

 

 

आर्थिक वाद आणि राजकीय वैर यातून ही हत्या झाली असल्याचा प्रशमिक अंदाज वर्तवला जात आहे. मॉरिस नोरोन्हा याने कट रचून ही हत्या केल्याचे समोर येत आहे.

 

 

 

मॉरिस नोरोन्हाविरोधात पोलीस ठाण्यात ३७६ (बलात्कार) आणि ५०९ (विनयभंग करण्याच्या उद्देशाने महिलेला अश्लिल शेरेबाजी करणे) असे दोन गुन्हे दाखल होते.

 

 

 

बलात्काराप्रकरणी मॉरिसला अटक देखील झाली होती. काही महिने कारागृहातही होता. दोन्ही गुन्ह्यात अभिषेक घेसाळकरांनी पोलिसांवर दबाव टाकल्याचा मॉरिसची समज होता. त्यातूनच त्यांच्यातील वैर वाढल्याचा पोलिसांना संशय आहे.

 

 

‘मिड डे’ने दिलेल्या वृत्तानुसार, पाच वर्षांपूर्वी माजी नगरसेवक अभिषेक घोसाळकर यांच्या पत्नी तेजस्वी घोसाळकर या आयसी कॉलनीतील प्रभाग क्रमांक १ मधून विद्यमान नगरसेविका म्हणून निवडून आल्या होत्या.

 

 

 

मात्र, यंदा नारोन्हा यांनी याच पदासाठी निवडणूक लढविण्याचा निर्णय घेतल्याने त्यांच्यात आणि उद्धव ठाकरे यांच्या गटाशी संलग्न असलेले घोसाळकर यांच्यात तणाव निर्माण झाला.

 

 

घोसाळकर यांनी आपल्या पत्नीच्या उमेदवारीचा दाखला देत नोरोन्हा यांना प्रभागात निवडणूक लढवू नये असे वारंवार सांगितले.

 

 

 

नोरोन्हा यांनी मात्र घोसाळकरांची विनंती ऐकण्यास नकार दिला. 14 वर्षांच्या मैत्रिणीने त्याच्यावर बलात्कार आणि फसवणुकीचा गुन्हा दाखल केल्यानंतर नोरोन्हाला कायदेशीर अडचणींचा सामना करावा लागला,

 

 

ज्यामुळे त्याला अटक झाली. 90 दिवस तुरुंगात घालवल्यानंतर नोरोन्हा जामीन मिळवण्यात यशस्वी झाला आणि त्याची सुटका झाली.

 

 

त्यांच्या अटकेमागे घोसाळकर असल्याचा राग मनात ठेवून, नोरोन्हा याने सूड घेतला. वाद मिटवण्याचा प्रयत्न करूनही घोसाळकरांच्या ऑफर नाकारत नोरोन्हा यांनी नगरसेवकपदासाठी उमेदवारी कायम ठेवली.

 

 

 

‘मिड डे’ने दिलेल्या वृत्तानुसार, नारोन्हा यांनी नगरसेवक म्हणून उमेदवारीसाठी दबाव टाकला. घोसाळकर यामुळे नाराज होते आणि त्यांनी अनेक बैठका घेऊन नोरोन्हा

 

 

यांना प्रभाग क्रमांक 1 मधून उमेदवारी देण्यापासून रोखण्यासाठी तडजोड करण्यासाठी रकमेची ऑफर दिली. घोसाळकर यांनी नोरोन्हा यांना

 

 

प्रभाग क्रमांक 8 मधून उमेदवारी द्यावी, असा प्रस्तावही मांडला, परंतु नोरोन्हा यांनी ही ऑफर नाकारली. परस्पर मित्रांद्वारे, त्यांनी तोडगा काढण्याचा प्रयत्न केला, ज्यामुळे त्यांच्यात सलोखा आणि त्यानंतरच्या बैठका झाल्या.

 

 

बुधवारी संध्याकाळी अभिषेक घोसाळकर आणि नोरोन्हा यांच्यात बैठक झाली, जिथे त्यांनी गरजू आणि गरिबांना साड्या आणि रेशन वाटप करण्याचा निर्णय घेतला.

 

 

 

दुसऱ्या दिवशी संध्याकाळी, पुरवठा वितरीत करण्यापूर्वी ते नोरोन्हाच्या कार्यालयात पुन्हा भेटले. समाजाच्या आणि गरजू लोकांच्या भल्यासाठी एकत्र काम करत

 

 

असल्याचा सकारात्मक संदेश देण्यासाठी त्यांनी फेसबुकवर लाईव्ह जाणार होते. यावेळी फेसबुकवर लाईव्ह असताना घोसाळकर यांची हत्या करण्यात आली.

 

 

 

 

 

ठाकरे गटाचे नेते आणि माजी नगरसेवक अभिषेक घोसाळकर यांच्यावर गोळीबार करण्यात आला आहे. घोसाळकर यांच्यावर गोळ्या झाडणाऱ्या आरोपीने स्वत:वर गोळ्या झाडून घेत आत्महत्या केल्याची माहिती समजत आहे.

 

 

 

या घटनेने सर्वत्र खळबळ उडाली असून ठाकरे गटाचे नेत्यांनी मुख्यमंत्री आणि गृहमंत्री देवेंद्र फडणवीसांवर जोरदार टीका केली आहे.

 

 

 

अशातच घोसाळकर यांना मारणारा आरोपी आणि मुख्यमंत्री एकनाथ शिंदे यांचा फोटो पोस्ट करत ठाकरे गटातील बड्या नेत्याने गंभीर आरोप केलाय.

 

 

 

महाराष्ट्रात गुंडा राज! अभिषेक घोसाळकर यांच्यावर गोळ्या झाडणारा मोरिश नरोन्हा चार दिवसांपूर्वीच र्षा बंगल्यावर होता. मुख्यमंत्री त्याला भेटले. मोरीश याला शिंदे सेनेत येण्याचे आमंत्रण दिले!

 

 

 

(वर्षा बंगला गुंड टोळ्यांचा अड्डा झालाय) आज त्यानें अभिषेकवर गोळ्या चालवून बळी घेतला! फडणविस गृहमंत्री म्हणून पूर्ण अपयशी! राजीनामा द्या, असं संजय राऊत यांनी म्हटलं आहे.

 

 

महाराष्ट्रात गुंडा राज!
अभिषेक घोसाळकर यांच्यावर गोळ्या झाडणारा मोरिश narohna चार दिवसांपूर्वीच
वर्षा बंगल्यावर होता.मुख्यमंत्री त्याला भेटले. मोरीश याला शिंदे सेनेत येण्याचे आमंत्रण दिले!(वर्षा बंगला गुंड टोळ्यांचा अड्डा झालाय)आज त्यानें अभिषेकवर गोळ्या चालवून बळी घेतला!
फडणविस… pic.twitter.com/px2scxZ4jV

— Sanjay Raut (@rautsanjay61) February 8, 2024

 

मुख्यमंत्री आणि त्यांचे बाळराजे रोज गुंड टोळ्याना भेटतात. पक्षात प्रवेश देतात.गृहमंत्री अदृश्य झाले आहेत. राज्य गुंडांच्या तावडीत आहे. म्हणूनच कायद्याची भीती उरली नसून

 

 

 

पोलिस हे शिंदे गँगच्या सेवेसाठीच उरले आहेत. अभिषेक घोसाळकर यांच्यावरील गोळीबार धक्कादायक असल्याचं संजय राऊत म्हणाले.