परभणी लोकसभा निवडणुकीत वंचित ला महाराष्ट्रात सर्वात जास्त मते

• 

 

 

 

 

 

प्रकाश आंबेडकर यांच्या नेतृत्वाखालील वंचित बहुजन आघाडीचा महाविकास आघाडीला फटका बसण्याची शक्यता वर्तवण्यात येत होती.

 

 

 

 

मात्र, प्रत्यक्षात वंचित आघाडीचा महाविकास आघाडीला फारसा फटका बसलेला दिसत नाही.परभणी लोकसभा निवडणुकीत वंचित आघाडीचे उमेदवार पंजाब डख यांनी सर्वात जास्त मते घेतली आहेत

 

 

 

 

. मागच्यावेळी वंचित आघाडीमुळे काँग्रेस-राष्ट्रवादीला 8 जागांवर नुकसान सोसावं लागलं होतं. यावेळीही महाविकासला किमान तीन जागांवर फटका बसला आहे.

 

 

 

 

तर गेल्यावेळीच्या तुलनेत यंदा वंचितला अत्यंत कमी मते मिळाल्याचं दिसून येत आहे. म्हणजेच वंचितला जनतेने साफ नाकारल्याचं आकडेवारीतून स्पष्ट होत आहे.

 

 

 

 

 

वंचितमुळे महाविकास आघाडीच्या चार जागा पडल्या आहेत. अकोला, बुलढाणा, हाकणंगले आणि वायव्य मुंबईत वंचितमुळे महाविकास आघाडीला फटका बसल्याचं दिसत आहे.

 

 

 

 

अकोल्यात प्रकाश आंबेडकर स्वत: उभे होते. या ठिकाणी तिरंगी लढत झाली. या निवडणुकीत आंबेडकर यांना 2,76,747 मते मिळाली. या निवडणुकीत काँग्रेसचे अभय पाटील अवघ्या 40,626 मताने पडले.

 

 

 

या ठिकाणी आंबेडकर महाविकास आघाडीकडून उभे असते तर जिंकून आले असते. किंवा आंबेडकरांनी महाविकास आघाडीला पाठिंबा दिला असता तर काँग्रेसचा उमेदवार विजयी झाला असता.

 

 

 

बुलढाण्यातही ठाकरे गटाचे नरेंद्र खेडेकर पडले. त्यांचा 29 हजार 479 मतांनी पराभव झाला. या ठिकाणी वंचितच्या वसंतराव मगर यांनी 98 हजार 441 मते घेतली. ही मते खेडेकर यांच्या पारड्यात गेली असती तर त्यांचा विजय निश्चित झाला असता.

 

 

 

 

हातकणंगलेमध्ये ठाकरे गटाचे उमेदवार सत्यजीत पाटील यांचा अवघ्या 13 हजार 426 मतांनी पराभव झाला. या ठिकाणी वंचितचे उमेदवार डीसी पाटील उभे होते. डीसी पाटील यांना 32 हजार 696 मते मिळाली. त्याचा ठाकरे गटाच्या उमेदवाराला फटका बसला.

 

 

 

 

वायव्य मुंबईत ठाकरे गटाचे उमेदवार अमोल कीर्तिकर यांचा अवघ्या 48 मतांनी पराभव झाला. या मतदारसंघात वंचितचे उमेदवार परमेश्वर रणशूर यांनी 10 हजार 52 मते घेतली. त्यामुळे ठाकरे गटाला फटका बसल्याचं दिसून आलं आहे.

 

 

 

 

कोणत्या उमेदवाराला किती मते उमेदवाराचे नाव मतदारसंघ मते

दिलीप खेडेकर             नगर                                    13749
अफसर खान           औरंगाबाद                                  69266
अशोक हिंगे              बीड                                        50867
संजय केवट           भंडारा-गोंदिया                             24858
वसंतराव मगर               बुलढाणा                              98441
राजेश बेले                   चंद्रपूर                                 21980
मालती ढोमसे               दिंडोरी                               37103
हितेश मडवी              गडचिरोली-चिमूर                   15922
डीसी पाटील                हातकणंगले                         32696
युवराज जाधव               जळगाव                             21177
प्रभाकर बकले               जालना                              37810
मोहम्मद शेख                कल्याण                            18741
नरसिंगराव उगीरकर        लातूर                             42225
रमेश बारस्कर                 माढा                             20604
माधवीताई जोशी              मावळ                           27768
सोनल गोंडाणे                मुंबई उत्तर                       6052
संतोष अंबुलगे                मुंबई उत्तर मध्य                 8288
दौलत खान मुंबई            उत्तर पूर्व                        14657
परमेश्वर रणूशर               वायव्य मुंबई                   10052
अफझल दाऊदनी           दक्षिण मुंबई                    5612
अबूल खान               मुंबई दक्षिण मध्य                  23867
अविनाश भोसीकर                नांदेड                      92512
करण गायकर                  नाशिक                        47193
भाऊसाहेब अंधळकर       उस्मानाबाद                   33402
विजया म्हात्रे                    पालघर                         10936
पंजाब डख                      परभणी                        95967
वसंत मोरे                           पुणे                         32012
कौमुदिनी चव्हाण                  रायगड                   19618
मारुती जोशी          रत्नागिरी-सिंधुदुर्ग                    10039
संजय ब्राह्मणे                        रावेर                       59120
प्रशांत कदम                  सातारा                         11912
उत्कर्षा रुपवते                   शिर्डी                       90929
डॉ. अन्वर शेख                 शिरूर                     17462

 

 

वंचित आघाडीने सांगली, कोल्हापूर, बारामती आणि नागपूर या चार मतदारसंघात महाविकास आघाडीला पाठिंबा दिला होता. यापैकी कोल्हापूर, बारामती आणि सांगलीत महाविकास आघाडीचा विजय झाला आहे.

 

 

 

 

 

तर नागपूरमध्ये महाविकास आघाडीच्या उमेदवाराचा पराभव झाला आहे. भिवंडीत त्यांनी अपक्ष उमेदवार निलेश सांबरे यांना पाठिंबा दिला होता. या निवडणुकीत सांबरे पराभूत झाले आहेत.

 

 

 

 

रिपब्लिकन सेनेचे आनंदराज आंबेडकर यांना वंचितने अमरावतीत पाठिंबा दिला होता. तिथे आनंदराज यांचा पराभव झाला आहे.

 

 

 

एसजेपीचे यवतमाळ-वाशिमचे उमेदवार डॉ. अनिल राठोड यांनाही वंचितने पाठिंबा दिला होता. राठोड यांचाही पराभव झाला आहे.

 

 

 

या लोकसभा निवडणुकीत वंचितला 14,15,076 मते मिळाली आहेत. 2019च्या लोकसभा निवडणुकीत वंचितला 41,32,446 मते मिळाली होती. म्हणजे या निवडणुकीत वंचितला 27,17,370 मते कमी मिळाली आहेत.