भाजपच्या “या” खेळीने शिंदेंच्या आमदारांची झोप उडाली,आमदारकी धोक्यात ?

• 

 

 

 

 

लोकसभा निवडणुकीत सपाटून मार खाणाऱ्या महायुतीनं आता विधानसभेची तयारी सुरु केली आहे. विदर्भात काँग्रेसनं मुसंडी मारत भाजपला घाम फोडला.

 

 

 

विदर्भाचा बालेकिल्ला कायम राखण्यासाठी आता भाजपनं कंबर कसली आहे. नागपूर ग्रामीणमधील सगळ्याच सगळ्या म्हणजे

 

 

 

सहा जागांवर लढण्याची तयारी भाजपनं सुरु केली आहे. त्यामुळे शिंदेसेना आणि शिंदे समर्थक आमदारांची धाकधूक वाढली आहे.

 

 

 

आशिष जैस्वाल २०१९ मध्ये रामटेकमधून विजयी झाले. ते अपक्ष आमदार आहेत. एकनाथ शिंदेंशी त्यांचे उत्तम संबंध आहेत. तर उमरेड मतदारसंघातून विजयी झालेल्या राजू पारवेंनी

 

 

 

लोकसभा निवडणूक लढवण्यासाठी काँग्रेसला सोडचिठ्ठी शिंदेसेनेत प्रवेश केला. त्यासाठी त्यांनी आमदारकीचा राजीनामा दिला.

 

 

 

पण काँग्रेस उमेदवाराच्या विजयामुळे त्यांचं खासदारकीचं स्वप्न भंगलं आणि आता भाजपनं त्यांच्या मतदारसंघात सुरु केलेल्या तयारीमुळे पुन्हा आमदार होण्याची शक्यता धोक्यात आली आहे.

 

 

 

नागपूर ग्रामीणमध्ये भाजपची संघटनात्मक बांधणी उत्तम असल्याचं नागपूर ग्रामीणचे भाजप अध्यक्ष सुधाकर कोहळे यांनी सांगितलं.

 

 

 

‘महायुतीमधील अन्य घटक पक्षांपेक्षा भाजपचं प्राबल्य अधिक आहे. रामटेक, काम्पटी, काटोल, सावनेर, उमरेड, हिंगणात भाजपला मानणारा मोठा वर्ग आहे.

 

 

 

आमच्या कार्यकर्त्यांनी बूथ लेव्हलवर काम केलं आहे. त्यामुळे आम्हाला विजयाची पूर्ण खात्री आहे,’ असं कोहळे म्हणाले.

 

 

 

रामटेक आणि उमरेड मतदारसंघांवर शिंदेसेनेनं सोमवारी दावा केला. पक्षाचे प्रवक्ते राजू वाघमारेंनी दोन जागा शिवसेनेला मिळायला हव्यात अशी भूमिका मांडली.

 

 

 

विद्यमान आमदारांच्या जागा आम्हाला मिळाव्यात, असं वाघमारे म्हणाले. पण भाजपनं सहा जागांवर दावा सांगितला आहे. त्यात शिंदेसेनेच्या आमदारांच्या जागादेखील येतात.

 

 

 

 

‘ज्याचा आमदार त्याची जागा हे सूत्र लक्षात घेतल्यास काही गोष्टी महत्त्वाच्या ठरतात. २०१९ मध्ये जैस्वाल जिंकले असले तरी ते अपक्ष आमदार आहेत.

 

 

 

पारवे काँग्रेसच्या तिकिटावर निवडून आले होते. त्यामुळे तांत्रिकदृष्ट्या हे दोघेही शिवसेनेचे आमदार नाहीत,’ असा तर्क भाजपचे पदाधिकारी कोहळेंनी दिला.

 

 

जैस्वाल भाजपच्या तिकिटावर रामटेकमधून निवडणूक लढतील अशी चर्चा आहे.लोकसभा निवडणुकीपूर्वी काँग्रेसमधून शिंदेसेनेत आलेले राजू पारवे मात्र मोठ्या अडचणीत आले आहेत.

 

 

 

ते २०१९ मध्ये उमरेडमधून विजयी झाले होते. ‘उमरेडची जागा कायम भाजप लढवत आला आहे. तिथे आमच्याकडे सुधीर पारवेंच्या

 

 

रुपात मजबूत उमेदवार आहेत. ते २०१९ मध्ये पराभूत झाले असले तरी मतदारसंघावर त्यांची चांगली पकड आहे,’ असं कोहळे म्हणाले.