Maharashtra Corona Update;कोरोना अपडेट; कोरोनामुळे 24 तासांत चौघांचा मृत्यू,86 नव्या रुग्णांची नोंद
Maharashtra Corona Update;Corona Update; Four people die due to Corona in 24 hours, 86 new patients registered
राज्यात कोरोनाने पुन्हा एकदा भीती निर्माण करण्यास सुरुवात केली आहे. मंगळवारी राज्यात कोरोना संसर्गाचे 86 नवीन रुग्ण आढळले. त्याच वेळी,
या साथीमुळे चार जणांचा मृत्यू झाला. तर, 435 रुग्ण बरे झाले आहेत. त्याच वेळी, नाशिकमध्ये शिवसेनेचे खासदार हेमंत तुकाराम गोडसे यांना कोविड पॉझिटिव्ह आढळले आहे.
हे सुद्धा वाचा;कानपूर दौऱ्यात पंतप्रधान मोदींच्या स्वागताला गुन्हेगार ;उत्तर प्रदेशात खळबळ
त्यांची प्रकृती स्थिर आहे. डॉक्टरांनी त्यांना घरीच क्वारंटाईन राहण्याचा सल्ला दिला आहे. दुसरीकडे, कोरोनाच्या वाढत्या घटनांमध्ये, सरकार आणि आरोग्य विभाग लोकांना खबरदारी घेण्याचे आवाहन करत आहे.
राज्य सरकारने जाहीर केलेल्या ताज्या आकडेवारीनुसार, कोरोनाचे 86 नवीन रुग्ण आढळले आहेत. यामध्ये मुंबईतील 26, ठाण्यातील 9, नवी मुंबईतील 6, पुण्यातील 27 पिंपरी-चिंचवडमधील 3, कोल्हापूरमधील 2, सांगलीत 5 रुग्ण आहे.
हे सुद्धा वाचा;Holy Hajj Yatra Breaking News;सौदी सरकारने लाखो मुस्लिमांना पवित्र शहर मक्कामध्ये जाण्यापासून रोखले
दिलासादायक बातमी अशी आहे की 435 रुग्ण कोविडमधून बरे झाले आहेत आणि रुग्णालयातून घरी परतले आहेत. यासह, राज्यातील एकूण सक्रिय रुग्णांची संख्या आता 590 वर आली आहे. त्याच वेळी, सोमवारी 369 रुग्ण बरे होऊन घरी परतले.
नागपुरात कोरोनाच्या दोन रुग्णांचा इतर आजारांमुळे मृत्यू झालाय. नागपुरात हे दोन कोरोनाचे नवे रुग्ण आढळून आले होते. यातील एकाचा HIV आणि क्षय रोगानं तर दुस-या रुग्णाचा मूत्रपिंडाच्या आजारामुळे मृत्यू झालाय.
हे सुद्धा वाचा;Crime News;पत्नी सरपंच आणि पती निघाला सायबर दरोडेखोर ,पोलिसांनी मुसक्या आवळल्या
नागपुरात आतापर्यंत कोरोनाचे 17 रुग्ण आढळून आले असून यातील 11 जणांनी कोरोनावर मात केलीये. तर 4 रुग्णांवर उपचार सुरु आहेत.
छत्रपती संभाजीनगर जिल्ह्यातील कोरोना पॉझिटिव्ह रुग्णांची संख्या 8 वर गेलीय. यात महापालिका हद्दीतील 7 आणि ग्रामीण भागातील एका रुग्णाचा समावेश आहे.
ग्रामीण भागातील हे रुग्ण सध्या शहरात वास्तव्यास असल्याची माहिती जिल्हा आरोग्य अधिकारी डॉ. अभय धानोरकर यांनी दिली.
हे सुद्धा वाचा;ब्रेकिंग न्यूज;सुरक्षा नंबरप्लेट नसेल तर आरटीओ कडून कोणतीही सेवा पुरविण्यात येणार नाही
कोरोनाचा नवा विषाणू वेगाने पसरत असल्याने राज्यातील रुग्णालयांनी आवश्यक सुविधांमध्ये वाढ करण्याच्या दृष्टीने उपाययोजना सुरू केल्या आहेत.
त्याच धर्तीवर मुंबईतील कामा रुग्णालयाने कोरोनाबाधित रुग्णांसाठी 30 खाटांचा रुग्ण कक्ष उभारला आहे. या कक्षामध्ये जीवनरक्षक प्रणाली, प्राणवायूपुरवठा यंत्रणा, निगराणी प्रणाली आणि आवश्यक वैद्यकीय उपकरणांची व्यवस्था करण्यात आली आहे.
हे सुद्धा वाचा;आता सरकारकडून ई-मेल, व्हॉट्सअँप वरून होणार कर्मचाऱ्यांवर शिस्तभंगाच्या कारवाई
कामा रुग्णालय हे महिला आणि बालकांसाठी समर्पित असलेले राज्यातील एकमेव रुग्णालय आहे. करोनाच्या वाढत्या रुग्णसंख्येच्या पार्श्वभूमीवर कामा रुग्णालयाने महिला आणि बालकांच्या आरोग्याची काळजी घेण्यासाठी महत्त्वपूर्ण पाऊल उचलले आहे.
देशभरात एकूण 4 हजार 26 कोरोनाबाधित आहेत. तर महाराष्ट्रात एकूण 510 कोरोना रुग्ण असल्याची माहितीय. त्यामुळे नागरिकांना काळजी घेण्याचं आवाहन करण्यात आलंय.
