भाजप आमदाराचा जोरदार डान्स; Video व्हायरल

लोकसभा निवडणुकीसाठी सर्वच पक्ष कामाला लागले आहेत. त्यासाठी उमेदवारांची यादीही प्रसिद्ध केली जात असून, ही यादी पाहून अनेक नेते निराश झाले आहेत.

तर काहींचा आनंद गगनात मावेनासा झाला आहे. यातच सोशल मीडियावर एक व्हिडिओ व्हायरल होत आहे. यात एक भाजप नेता आपल्या मित्राला लोकसभेचं तिकीट मिळाल्याने नाचून आनंद व्यक्त करताना दिसत आहे.

भाजपचे दार्जिलिंगचे आमदार नीरज झिंबा यांचा एक व्हिडिओ व्हायरल होत आहे. ज्यात दार्जिलिंग लोकसभा जागेसाठी भाजपने

त्यांच्या मित्राला तिकीट दिल्याने ते आनंद व्यक्त करत आहेत. भाजपने दार्जिलिंग लोकसभा मतदारसंघातून राजू बिस्ता यांना उमेदवारी दिली आहे.

भाजपचे आमदार नीरज झिंबा यांनी त्यांना उमेदवारी मिळाल्याने आनंद व्यक्त केला आहे. व्हायरल झालेल्या व्हिडिओमध्ये ते एका खोलीत

डान्स करताना दिसत आहे. हा व्हिडिओ एका खोलीतील आहे. यात टीव्हीवर तिकीट मिळाल्याची बातमी आल्यानंतर ते जोमात नाचताना दिसत आहेत.

दरम्यान, भाजपचे आमदार नीरज झिंबा हे गेल्या काही दिवसांपासून चर्चेत आहेत. नुकतेच त्यांनी पंतप्रधान नरेंद्र मोदी यांना रक्ताने लिहिलेले पत्र पाठवले होते.

ज्यामध्ये त्यांनी पंतप्रधान मोदींना त्यांच्या 10 वर्ष जुन्या वचनाची आठवण करून दिली. ज्यामध्ये गोरखांना अनुसूचित जमातीचा दर्जा देण्याचे आश्वासन देण्यात आले होते. हे आश्वासन पंतप्रधान मोदींनी आजपर्यंत पूर्ण केलेले नाही, असं त्यांचं म्हणणं आहे.

गोरखा नॅशनल लिबरेशन फ्रंटचे सरचिटणीस म्हणून काम करणारे झिम्बा हे बिस्ता यांचे चांगले मित्र आहेत. बिस्ता यांना भाजपने

तिकीट न दिल्यास दार्जिलिंगमधून अपक्ष म्हणून निवडणूक लढवणार असल्याचे झिम्बा यांनी यापूर्वीच सांगितले होते. मात्र आता बिस्ता यांना तिकीट मिळालेल्या त्यांनी आनंद व्यक्त केला आहे.

After the announcement of BJP candidates, Darjeeling MLA Neeraj Zimba was seen dancing.#LoksabhaElection2024 pic.twitter.com/CcF9jnwWjW

— Desh Ka Verdict (@DeshKaVerdict) March 25, 2024