पोलिसाची थेट SDM लाच मारहाण ;हा VIDEO होतोय व्हायरल
Police beat SDM directly; this VIDEO is going viral
आरक्षणाच्या मुद्द्यावरून सध्या उत्तर प्रदेश पेटलं आहे. अनुसूचित जाती जमातीचे लोक कोर्टाच्या निकालावर नाराजी व्यक्त करत रस्त्यावर निदर्शनं करत आहेत.
काही ठिकाणी तर भारत बंदच्या घोषणा देखील देण्यात आल्या. दरम्यान या लोकांना घरी पळवण्यासाठी पोलिसांनी लाठी चार्जचा आधार घेतला.
पटनामध्ये भारत बंदचा नारा देणाऱ्या लोकांवर पोलीस लाठीचार्ज करत असल्याचा व्हिडीओ समोर आला आहे. लक्षवेधी बाब म्हणजे पोलीस इतके भडकले होते की
त्यांनी पार उपविभागीय दंडाधिकाऱ्यांना देखील फटकावलं. अर्थात पोलिसांचा मार खाताच ते भडकले आणि पुढे काय घडलं हे पाहा.
हा व्हिडीओ ट्विटर अकाउंटवरून शेअर करण्यात आला आहे. या व्हिडीओमध्ये तुम्ही पाहू शकता, पोलीस रस्त्यावर घोषणा देत असलेल्या लोकांना काठीनं मारत आहेत.
पोलिसांच्या मारापासून वाचण्यासाठी काही लोक पळताना देखील दिसताहेत. दरम्यान SDM रस्त्यावरून जात असलेल्या एका जनरेटरवाल्याला पळवत होते.
पण तेवढ्यात पाठीमागून एक पोलीस आला अन् त्यानं दंडाधिकाऱ्यांना काठीनं फटके मारले. दरम्यान त्यांनी या पोलीसाला समजावण्याचा प्रयत्न देखील केला.
मी तुमच्याच टीममध्ये आहे पण पोलीस काही ऐकण्याचा मानसिकतेत नव्हता. शेवटी इतर पोलिसांनी तू कोणाला मारलंस हे समजावून सांगितलं तेव्हा कुठे तो पोलीस शांत झाला.
हा व्हिडीओ ४ लाखांपेक्षा अधिक नेटकऱ्यांनी पाहिला आहे. लोक म्हणताहेत, पोलिसांना लाठीचार्ज करण्याचे आदेश दंडाधिकारी देतात.
पण पोलिसांनी त्यांनाच चोपलं. तर काही जण म्हणताहेत, त्या पोलीसाची नोकरी आता गेलीच म्हणून समजा. काहींनी तर मुस्कुराइए आप पटना में है असं म्हणत या प्रकरणाची फिरकी देखील घेतली आहे.
भारत बंद के दौरान पटना में लाठीचार्ज। पुलिस वालों से गलती से SDM को ही लाठी मार दिया
pic.twitter.com/mHARMWx7bF— Narendra Nath Mishra (@iamnarendranath) August 21, 2024
