ट्रम्पचा इशारा;अमेरीकेत हजारो भारतातील नागरिकांना नोकऱ्या गमवाव्या लागणार
Trump warns; Thousands of Indian citizens in America will lose jobs
अमेरिकेचे राष्ट्राध्यक्ष डोनाल्ड ट्रम्प यांनी गेल्या काही काळात घेतलेल्या निर्णयांमुळे जगभरातील देशांची चिंता वाढली आहे. अशातच आता ट्रम्प यांनी भारतासह चीनला मोठा दणका दिला आहे.
डोनाल्ड ट्रम्प हे अमेरिकन टेक कंपन्यांमध्ये भारतीयांना नोकरी देण्याच्या विरोधात आहेत. वॉशिंग्टनमध्ये झालेल्या एका एआय परिषदेत ट्रम्प यांनी अमेरिकन टेक कंपन्यांना भारत आणि चीनमधील लोकांना कामावर घेऊ नका असे आवाहन केले आहे. त्यामुळे आता याचा फटका हजारो भारतीयांना बसणार आहे.
बनियान घालून आमदारांचं आंदोलन, ‘चड्डी बनियान गँग’च्या घोषणांनी विधिमंडळ दणाणलं
ट्रम्प यांनी एआय परिषदेत बोलताना म्हटले की, ‘काही कंपन्यांनी अमेरिकन लोकांना काढून परदेशी कामगारांना बढती दिली आहे. ही बाब योग्य नाही.
गुगल, मायक्रोसॉफ्ट, अॅपल आणि मेटा यांनी अमेरिकेन लोकांची भरती केली नाही तर सरकार कठोर पावले उचलेल.’ गुगलचे सीईओ सुंदर पिचाई यांच्यासह अनेक कंपन्यांमध्ये भारतीय लोक वरिष्ठ पदांवर आहेत, त्यामुळेच ट्रम्प यांनी हा इशारा दिला आहे.
भारतातील हजारो लोक सध्या अमेरिकेत नोकरी करत आहेत. यातील बहुतेक लोक हे आयटी क्षेत्रातील आहेत. ट्रम्प यांच्या इशाऱ्यानंतर एच-1 बी व्हिसाद्वारे अमेरिकेत काम करणाऱ्या हजारो भारतीयांच्या नोकऱ्या जाण्याची शक्यता आहे.
दरवर्षी हजारो भारतीय तरुण अमेरिकेत नोकरीसाठी जातात. मात्र आता ट्रम्प यांच्या निर्णयामुळे हजारो भारतीयांचे भविष्य अंधारात जाण्याची शक्यता आहे.
विधानभवनात प्रवेशासाठीचे पास चक्क ५ ते १० हजार रुपयांना विकले जात असल्याचा धक्कादायक आरोप
भारतातील बेंगळुरू, हैदराबाद आणि पुणे या शहरांमध्ये अनेक कंपन्या अमेरिकेवर अवलंबून आहेत. त्यामुळे आता अमेरिकन कंपन्यांनी भारतातील भारतातील भरती थांबवली तर
त्याचा नकारात्मक परिणाम भारतातील आयटी क्षेत्रावर होण्याची शक्यता आहे. यामुळे अनेक स्टार्टअप्सला फटका बसण्याची शक्यता आहे.
एकनाथ शिंदे गटाचे मंत्री म्हणाले ठाकरे ब्रँड संपणार नाही
अमेरिकेतील अनेक आयटी कंपन्या भारतीय कामगारांवर अवलंबून आहेत. या कंपन्यांच्या प्रगतीत लाखो भारतीयांनी महत्वाची भूमिका बजावलेली आहे.
बनियान घालून आमदारांचं आंदोलन, ‘चड्डी बनियान गँग’च्या घोषणांनी विधिमंडळ दणाणलं
मात्र आता ट्रम्प यांच्या दबावामुळे या कंपन्या अडचणीत सापडल्या आहेत. या कंपन्या भरती कमी करणार की दुसरा काही निर्णय घेतात हे पाहणे महत्वाचे ठरणार आहे. जर कंपन्यांनी ट्रम्प यांचे निर्देश पाळले तर हजारो भारतीयांना त्याचा फटका बसणार आहे.
