नांदेड लोकसभेला एक हजार उमेदवार

• 

 

 

 

 

 

मराठा आरक्षणावरून शासनाने समाजाची दिशाभूल केल्याचा आरोप मराठा आरक्षण आंदोलकांकडून होत आहे. मनोज जरांगे पाटील यांची एसआयटीमार्फत चौकशी करण्याचे निर्देश शासनाने दिले आहेत.

 

 

 

त्यामुळे आता रस्त्यावरच्या लढाईबरोबर गनिमी कावा करण्याची तयारी मराठा समाजाने चालविली आहे. याच अनुषंगाने आगामी लोकसभा निवडणुकीत नांदेड जिल्हात एक हजार उमेदवार उतरवण्याचा निर्णय

 

 

 

सकल मराठा समाजाने घेतला आहे. या बाबत मराठा समाजाकडून बैठका देखील घेतल्या जातं आहे, अशी माहिती पंडित कदम, प्रमोद इंगोले, रामकृष्ण कदम यांनी दिली आहे.

 

 

 

मराठा आरक्षण आणि सगेसोयरेच्या अंमलबजावणीसाठी मनोज जरांगे पाटील यांचा लढा सुरूच आहे. त्यांच्या या लढ्याला मराठा बांधवाची देखील साथ मिळत आहे.

 

 

 

याच मागणीसाठी सकल मराठा समाजातर्फे रास्ता टोको आंदोलन देखील करण्यात आले. शासनाकडून कुठलीच दखल घेतली जातं नाहीये.

 

 

 

उलट जरांगे यांच्या आंदोलनाच्या चौकशीसाठी एसआयटी लावण्याचे निर्देश शासनाने दिले आहेत. त्यामुळे मराठा समाजामध्ये शासना विरोधात नाराजी पसरली आहे.

 

 

तेव्हा रस्त्यावरील आंदोलना सोबतच गमिनीकावा करण्यासाठी लोकसभा निवडणुकीच्या रिंगणात उतरण्याची तयारी सकल मराठा समाजाने केली आहे.

 

 

 

प्रत्येक गावातून दहा उमेदवार असं ऐकून नांदेड जिल्ह्यात एक हजार उमेदवार निवडणुकीच्या रिंगण्यात उतरण्याचा निर्णय घेतला आहे.

 

 

या बाबत अर्धापूर तालुक्यात मराठा समाजाची बैठक देखील पार पडली. मराठा समाजाच्या या निर्णयामुळे येणारी निवडणूक सर्वच पक्षांसाठी आव्हानात्मक असणार आहे हे मात्र नक्की आहे.

 

 

 

सकल मराठा समाजाने लोकसभा निवडणूकीत एक हजर उमेदवार उतरविण्याचा निर्णय घेतला आहे. या निर्णयाने निवडणूक विभाग आणि प्रशासनाची चांगलीच दमछाक होणार आहे.

 

 

 

एका कंट्रोल युनिटवर २४ बॅलेट युनिट लावता येतात. १ बॅलेट युनिटवर १६ उमेदवारांच्या चिन्हांची बटणे असतात. एकूण २४ युनिटवर ३८४ उमेदवारांच्या निवडणूक चिन्हांचा समावेश असतो.

 

 

‘ईव्हीएम’ ची क्षमता ३८४ उमेदवार असते. जर ३८४ पेक्षा जास्त उमेदवार झाले तर मतपत्रिकेवर निवडणूक घेण्याशिवाय

 

 

 

निवडणूक आयोगासमोर पर्याय नसतो. सर्व ४८ मतदारसंघात अशीच प्रशासनाची अडचण करण्याची रणनीती मराठा संघटनांची आहे.