मुसलमान ,घुसखोरानंतर आता प्रचारात पाकिस्तानची इंट्री
After Muslims, infiltrators, now Pakistan's entry in the campaign.
लोकसभा निवडणुकीच्या तिसऱ्या टप्प्याच्या आधी पंतप्रधान मोदींनी आज गुजरातमधील आनंद येथे निवडणूक सभेत भाषण केले. पंतप्रधान मोदी म्हणाले की,
काँग्रेसने 60 वर्षे बँकांवर कब्जा केला. काँग्रेसचे राजपुत्र संविधान डोक्यावर घेऊन नाचत आहेत, पण काँग्रेसने मला उत्तर द्यावे की या देशात 75 वर्षे भारताच्या सर्व भागांना संविधान लागू होते का?
पंतप्रधानांनी पुढे काँग्रेस नेते राहुल गांधींवर निशाणा साधला आणि म्हणाले, “योगायोग बघा, आज भारतात काँग्रेस कमकुवत होत आहे. गंमत म्हणजे इथे काँग्रेस मरत आहे
आणि तिकडे पाकिस्तान रडत आहे. आता पाकिस्तानी नेत्यांनी काँग्रेससाठी प्रार्थना करावी.” राजकुमारला पंतप्रधान बनवण्यासाठी पाकिस्तान उत्सुक आहे आणि काँग्रेस आणि पाकिस्तानची ही भागीदारी आता पूर्णपणे उघड झाली आहे.
कमकुवत काँग्रेस सरकार दहशतवादाच्या सूत्रधारांना डॉजियर देत असे. मोदी सरकार डॉजियरमध्ये वेळ घालवत नाही. घरात घुसून दहशतवाद्यांना ठार मारतो.
पंतप्रधान मोदी पुढे म्हणाले की, देशाने 60 वर्षे काँग्रेसची राजवट पाहिली आहे. आता देशाने भाजपचा 10 वर्षांचा सेवेचा कालावधीही पाहिला आहे. तो राजवटीचा काळ होता, हा सेवेचा काळ.
पीएम मोदी पुढे म्हणाले, “मी काश्मीरमध्ये तिरंगा ध्वज फडकावून आणि भारतीय संविधान लागू करून सरदार साहेबांचे स्वप्न पूर्ण केले. एकेकाळी दहशतवाद्यांची निर्यात करणारा देश पाकिस्तान आता घरोघरी पीठ मागत भटकत आहे.”
पीएम मोदींनी आरक्षणाच्या मुद्द्यावर काँग्रेस आणि इंडिया आघाडीवर निशाना साधला. त्यांनी यावेळी काँग्रेसला तीन आव्हाने दिली आहेत.
ते म्हणाले की, मी काँग्रेस आणि त्यांच्या समर्थकांना तीन आव्हाने देतो. आधी त्यांनी मुस्लिमांना धर्माच्या आधारावर आरक्षण देणार नाही, असे लेखी द्यावे.
दुसरे म्हणजे, काँग्रेस एससी-एसटीच्या आरक्षणात कोणताही अडथळा आणणार नाहीत. आणि तिसरे, ज्या राज्यांमध्ये काँग्रेस
आणि त्यांचे मित्रपक्ष सत्तेत आहेत ते व्होट बँकेचे राजकारण करणार नाहीत आणि ओबीसी आरक्षण कमी करून मुस्लिमांना देणार नाहीत.
