7 आमदारांना खासदारकीची लॉटरी
Lottery of MP for 7 MLAs
लोकसभा निवडणुकीचा निकाल नुकताच जाहीर झाला. यामध्ये महाराष्ट्रातील ४८ जागांसाठी झालेल्या निवडणुकीमध्ये महाविकास आघाडीला ३० जागा तर महायुतीला १७ जागा मिळाल्या आहेत
तर एका जागेवर अपक्ष उमेदवार विजयी झाला आहे. या निवडणुकीत महाराष्ट्रातील तब्बल १३ आमदारांनी आपलं नशीब आजमावले त्यातील ७ आमदारांना खासदारकीची लॉटरी लागली आहे.
यामध्ये महाविकास आघाडीच्या ५ आमदारांना तर महायुतीच्या २ आमदारांना यश मिळाले आहे. चला तर मग जाणून घेऊया मतदारनिहाय विजयी आणि पराभूत आमदारांची सविस्तर यादी.
अमरावती लोकसभा – काँग्रेसचे आमदार बळवंत वानखेडे यांनी भाजपचे विद्यमान खासदार नवनीत राणा यांचा पराभव केला. नवनीत राणा या मागील निवडणुकीमध्ये अपक्ष उमेदवारी करत विजय मिळवला होता.
जालना लोकसभा – कॉंग्रेसचे आमदार कल्याण काळे यांनी भाजपचे विद्यमान खासदार आणि केंद्रीय रेल्वे राज्यमंत्री रावसाहेब दानवे यांचा पराभव केला. रावसाहेब दानवे हे ५ वेळा खासदार होते.
चंद्रपूर लोकसभा – काँग्रेसच्या आमदार प्रतिभा धानोरकर यांनी भाजपचे सुधीर मुनगंटीवार यांचा पराभव केला. सुधीर मुनगंटीवार हे महाराष्ट्रा राज्यातील वन, सांस्कृतिक कार्य, मत्स्यव्यवसाय या खात्याचे मंत्री आहेत.
उत्तर मध्य मुंबई लोकसभा – काँग्रेसच्या आमदार वर्षा गायकवाड यांनी भाजपचे अ‍ॅड उज्ज्वल निकम यांचा पराभव केला. विद्यमान खासदार पूनम महाजन यांचे तिकीट कापून उज्ज्वल निकम यांना देण्यात आले होते.
सोलापूर लोकसभा – काँग्रेसच्या आमदार प्रणिती शिंदे यांनी भाजपचे आमदार राम सातपुते यांचा पराभव केला. राम सातपुते हे माळशिरस या मतदारसंघाचे आमदार आहेत.
छत्रपती संभाजीनगर – शिवसेनेचे आमदार तथा मंत्री संदीपान भुमरे यांनी AIMIM चे विद्यमान खासदार इम्तियाज जलील यांचा पराभव केला. इम्तियाज जलील हे महाराष्ट्रातील AIMIM चे एकमेव खासदार होते.
मुंबई उत्तर पश्चिम – शिवसेनेचे आमदार रवींद्र वायकर यांनी शिवसेना ठाकरे गटाच्या अमोल कीर्तिकर यांचा अवघ्या ४८ मतांनी पराभव केला. अमोल कीर्तिकर हे विद्यमान खासदार गजानन कीर्तिकर यांचे सुपुत्र आहेत.
पुणे लोकसभा – भाजपचे उमेदवार मुरलीधर मोहोळ यांनी काँग्रेसचे आमदार रवींद्र धंगेकर यांचा पराभव केला. रवींद्र धंगेकर हे कसबा विधानसभाचे आमदार आहेत.
नागपूर लोकसभा – भाजपचे विद्यमान खासदार आणि केंद्रीय मंत्री नितीन गडकरी यांनी काँग्रेसचे आमदार विकास ठाकरे यांचा पराभव केला. विकास ठाकरे हे नागपूर पश्चिम विधानसभाचे आमदार आहेत.
