बस २५० मीटर खोल दरीत कोसळली; ३८ ठार

• 

 

 

 

जम्मू-काश्मीरच्या दोडा जिल्ह्यात एक बस २५० मीटर खोल दरीत कोसळली असून या दुर्घटनेत किमान ३८ जणांचा मृत्यू झाला आहे. अपघातस्थळी सध्या मदत आणि बचावकार्य सुरू आहे.

 

 

मिळालेल्या माहितीनुसार ही बस किश्तवाडहून जम्मूला जात होती. दरम्यान, बसवरील नियंत्रण सुटल्याने ती २५० मीटर खाली एका दुसऱ्या रस्त्यावर पडली.

 

 

 

दोडाचे एसएसपी अब्दुल कयूम यांनी सांगितले की, किश्तवाडहून जम्मूकडे जाणाऱ्या बसचे संतुलन बिघडले. यानंतर बस २५० मीटर खाली घसरून खाली दुसऱ्या रस्त्यावर पडली. या दुर्घटनेत आतापर्यंत 38 जणांचा मृत्यू झाला आहे. तर १७ जण जखमी झाले आहेत. मृतांचा आकडा आणखी वाढू शकतो.

 

 

 

 

एका अधिकाऱ्यांने दिलेल्या माहितीनुसार, बस २५० मीटर खाली कोसळण्यापूर्वी अनेकवेळा जागोगागी आदळली आणि त्यानंतर २५० मीटर खाली दुसऱ्या एका रस्त्यावर कोसळली. बसमध्ये गरजेपेक्षा जास्त लोक होते.

 

 

 

 

तसेच टेकडीवर चढाई आणि वळण एकत्रच होते. या दरम्यान, चालकाचे बसच्या स्टेअरिंगवरील नियंत्रण सुटले. दोडा जिल्ह्यातील असर भागातील त्रुंगल येथे ही घटना घडली.

 

 

 

या दुर्घटनेत किमान ३० किंवा त्याहून अधिक जणांचा मृत्यू झाल्याची भीती एका पोलिस अधिकाऱ्याने व्यक्त केली आहे. सध्या पोलिसांची पथके घटनास्थळी रवाना झाली आहेत.

 

 

 

केंद्रीय मंत्री जितेंद्र सिंह यांनीही ट्विट करून अपघाताची माहिती दिली आहे. मी दोडाचे उपायुक्त हरविंदर सिंग यांच्याशी बोललो आहे. जखमींना किश्तवाडयेथील जिल्हा रुग्णालयात दाखल करण्यात आले आहे.

 

 

 

आणखी काही लोकांच्या पुढील उपचारासाठी हेलिकॉप्टरची व्यवस्था करण्यात येत आहे. घटनास्थळी आवश्यक ती सर्व मदत पाठवली जात आहे. मी सतत संपर्कात असून बचावकार्यावर पूर्ण लक्ष ठेवले जात आहे.

 

 

 

या अपघातानंतर स्थानिक लोकांनी बचावकार्य तत्काळ सुरू केलं. बसमध्ये तब्बल ५५ लोक प्रवास करत होते. त्यामुळे मृतांची संख्या वाढण्याची शक्यता आहे.

 

 

या घटनेवर पंतप्रधान नरेंद्र मोदी यांनी दुःख व्यक्त केलं असून मृतांच्या नातेवाईकांना नुकसान भरपाई तसेच जखमी प्रवाशांना उपचारांसाठी मदत जाहीर केली आहे.

 

 

 

पंतप्रधान मोदींनी ट्विट करुन याची माहिती दिली आहे. यात त्यांनी म्हटलं की, जम्मू-काश्मीरच्या दोडा इथं झालेला बस अपघात खूपच दुःखदायक आहे.

 

 

 

 

या अपघातात ज्या कुटुंबांनी आपल्या जवळच्या लोकांना आणि प्रियजनांना गमावलं आहे, त्यांच्याप्रती मी सांत्वन व्यक्त करतो. तसेच जे जखमी झाले आहेत, ते लवकरात बरे व्हावेत अशी प्रार्थना करतो.

 

 

 

या अपघातात ज्यांचा मृत्यू झाला त्यांच्या नातेवाईकांना पंतप्रधान राष्ट्रीय मदतनिधीतून प्रत्येकी २ लाख रुपयांची नुकसान भरपाई दिली जाईल तसेच जखमींना प्रत्येकी ५०,००० रुपये दिले जातील, अशी घोषणा यावेळी पंतप्रधान मोदींनी केली.