सोनिया,राहुल गांधी ,प्रियंका वाढरा हे तीघेहो करणार नाहीत काँग्रेस उमेदवाराला मतदान;पाहा काय आहे कारण ?
Sonia, Rahul Gandhi, Priyanka Gadhara will not vote for the Congress candidate; see what is the reason?
देशातील सर्वात जुन्या लोकसभा जागांपैकी एक असलेल्या नवी दिल्ली लोकसभा जागेवर यावेळी आम आदमी पक्ष आणि भाजपमध्ये थेट लढत आहे.
स्वातंत्र्यानंतर पहिल्यांदाच येथे काँग्रेस पक्षाचा एकही उमेदवार रिंगणात नाही. यावेळी दिल्लीत काँग्रेस आणि आम आदमी पक्ष यांच्यातील आघाडीमुंळे काँग्रेस इथल्या लढतीतून बाहेर आहे.
ही तीच जागा आहे जिथे मतदारांमध्ये काँग्रेस संसदीय पक्षाच्या अध्यक्षा सोनिया गांधी, खासदार राहुल गांधी आणि त्यांची बहीण प्रियंका वाड्रा यांच्यासह अनेक काँग्रेस नेते आहेत.
अशा परिस्थितीत, सोनिया, राहुल, प्रियंका यांच्यासह येथे राहणारे सर्व काँग्रेस नेते काँग्रेसऐवजी इतर कोणत्याही पक्षाला (आम आदमी पार्टी) मतदान करण्याची ही पहिलीच वेळ असेल.
काँग्रेस आणि आप यांच्यातील युतीपूर्वी आम आदमी पक्षाचे आमदार जर्नेल सिंग आणि इतर सदस्यांनी दिल्ली विधानसभेत राजीव गांधींकडून भारतरत्न काढून घेण्याचा प्रस्ताव ठेवला होता.
या प्रस्तावाला विधानसभा अध्यक्षांसह पक्षाच्या सदस्यांनीही पाठिंबा दिला. पंजाबमध्ये काँग्रेस आणि आप अजूनही एकमेकांच्या विरोधात आहेत आणि स्वतंत्रपणे निवडणूक लढवत आहेत. एवढेच नाही तर आम आदमी पार्टीने सोनिया गांधींच्या अटकेची मागणीही केली आहे.
स्वातंत्र्यानंतर 1952 मध्ये झालेल्या पहिल्या निवडणुकांपासून, काँग्रेसने नवी दिल्ली लोकसभेची जागा 7 वेळा जिंकली आहे, तर भाजपने 11 वेळा येथून विजय मिळवला आहे.
यावेळी भाजपने माजी केंद्रीय मंत्री सुषमा स्वराज यांच्या कन्या बन्सुरी स्वराज यांना उमेदवारी दिली आहे. आम आदमी पक्षाकडून सोमनाथ भारती रिंगणात आहेत.
सोमनाथ भारती हे आम आदमी पक्षाचे आमदार असून दिल्ली सरकारमध्ये मंत्रीही राहिले आहेत. या लोकसभा जागेवरून पहिली निवडणूक 1952 मध्ये किसान मजदूर प्रजा पार्टीच्या नेत्या सुचेता कृपलानी यांनी जिंकली होती.
यानंतर 1957 मध्ये त्यांनी दुसरी निवडणूकही जिंकली, पण 1957 मध्ये त्या काँग्रेसच्या उमेदवार होत्या. त्यांच्यानंतर येथून भारतीय जनसंघाचे बलराज मधोक निवडून आले.
माजी पंतप्रधान अटलबिहारी वाजपेयी जनता पक्षाच्या तिकीटावर येथून सहाव्या लोकसभेवर निवडून आले होते. 1980 मध्ये
अटलबिहारी वाजपेयी येथून भाजपचे खासदार झाले. भाजपचे माजी अध्यक्ष लालकृष्ण अडवाणीही येथून खासदार म्हणून निवडून आले होते.
याशिवाय सुपरस्टार राजेश खन्ना काँग्रेसच्या तिकीटावर येथून विजयी झाले होते. माजी केंद्रीय मंत्री जगमोहन यांनी भाजपच्या वतीने
11व्या, 12व्या आणि 13व्या लोकसभेसाठी येथून निवडणूक जिंकली. 2004 आणि 2009 मध्ये काँग्रेसचे अजय माकन येथून खासदार झाले.
गेल्या दोन लोकसभा निवडणुकांपासून येथे भाजपची सत्ता असून मीनाक्षी लेखी हि जागा जिंकून लोकसभेत पोहोचल्या होत्या. 2019 च्या लोकसभा निवडणुकीत भाजप उमेदवार मीनाक्षी लेखी
यांना एकूण 54.77 टक्के मते मिळाली होती. 2014 च्या तुलनेत येथे त्यांच्या बाजूने 8 टक्के जास्त मतदान झाले. त्यांना एकूण 504,206 मते मिळाली. काँग्रेसचे अजय माकन दुसऱ्या क्रमांकावर होते
त्यांना २,४७,७०२ मते मिळाली होती . येथे काँग्रेसचा पराभव झाला पण 2014 च्या तुलनेत काँग्रेसच्या मतांची टक्केवारीही 8 टक्क्यांनी वाढली.
तिसऱ्या क्रमांकावर असलेल्या आम आदमी पक्षाला येथे १३.६४ टक्के मते पडली होती आणि त्यांचे उमेदवार ब्रिजेश गोयल यांना १५०,३४२ मते मिळाली होती.
भाजपचे उमेदवार बन्सुरी स्वराज यांनी वॉर्विक विद्यापीठातून इंग्रजी साहित्यात पदवी घेतली आहे. त्यांनी लंडनच्या बीपीपी लॉ स्कूलमधून कायद्याचे शिक्षण घेतले
आणि ऑक्सफर्ड विद्यापीठाच्या सेंट कॅथरीन कॉलेजमधून मास्टर्स केले. आपचे सोमनाथ भारती यांच्याबद्दल बोलायचे झाले तर ते पेशाने वकील आहेत.
दिल्लीच्या केजरीवाल सरकारमध्ये ते कायदामंत्री राहिले आहेत. सध्या ते दिल्ली जल बोर्डाचे उपाध्यक्ष आहेत. सोमनाथ भारती यांनी 1997 मध्ये
आयआयटी दिल्लीतून एमएससी केले. त्यानंतर त्यांनी दिल्ली विद्यापीठातून कायदा केला आणि दिल्ली उच्च न्यायालय आणि सर्वोच्च न्यायालयातही प्रॅक्टिस केली.
