मुख्यमंत्री एकनाथ शिंदे यांनी आमदारांना दिली तंबी…म्हणाले ..

• 

 

 

 

 

औरंगाबाद लोकसभा निवडणुकीत महायुती आणि विकास आघाडीच्या उमेदवारांपेक्षा आमदारांचीच परीक्षा होणार असल्याची चर्चा आहे.

 

 

 

 

मताधिक्य देण्यात एखादा आमदार कमी पडल्यास विधानसभा निवडणुकीच्यावेळी त्याचा विचार केला जाऊ शकतो, असे मानले जात आहे.

 

 

 

लोकसभेच्या निवडणुकीचे मतदान प्रामुख्याने विधानसभा मतदारसंघनिहाय होते. त्यामुळे विधानसभा मतदारसंघावर विद्यमान आमदाराचा प्रभाव असेल तर,

 

 

 

 

त्याच्या पक्षाच्या किंवा त्याच्या पक्षाने ज्या पक्षाशी आघाडी किंवा युती केली असेल त्या युती किंवा आघाडीला जास्त मते पडतात असे गणित बांधले जाते.

 

 

 

 

छत्रपती संभाजीनगर जिल्ह्यात २०१९ मध्ये झालेल्या निवडणुकीत शिवसेनेचे सहा आमदार निवडून आले होते. त्यापैकी संदीपान भुमरे (पैठण), प्रा. रमेश बोरनारे (वैजापूर),

 

 

 

 

 

अब्दुल सत्तार (सिल्लोड), प्रदीप जैस्वाल (छत्रपती संभाजीनगर मध्य) आणि संजय शिरसाट (छत्रपती संभाजीनगर पश्चिम) या पाच आमदारांनी उद्धव ठाकरे यांची साथ सोडून एकनाथ शिंदेचा हात पकडता.

 

 

 

 

 

ठाकरे यांच्यासोबत कन्नड मतदारसंघातील उदयसिंह राजपूत हे एकमेव आमदार राहिले आहेत. हरिभाऊ बागडे (फुलंब्री), अतुल सावे (छत्रपती संभाजीनगर पूर्व) आणि प्रशांत बंब (गंगापूर) हे तीन आमदार भाजपच्या तिकीटावर निवडून आलेले आहेत.

 

 

 

 

 

निवडणुकीत महायुतीकडून संदीपान भुमरे यांना तर महाविकास आघाडीकडून चंद्रकांत खैरे यांना उमेदवारी देण्यात आली आहे. भुमरे यांचा पैठण मतदारसंघ,

 

 

अब्दुल सत्तार यांचा सिल्लोड मतदारसंघ आणि हरिभाऊ बागडे यांचा फुलंब्री मतदारसंघ जालना लोकसभा मतदारसंघाच्या क्षेत्रात येतो,

 

 

 

 

 

तर उर्वरित विधानसभा मतदारसंघ छत्रपती संभाजीनगर लोकसभा मतदारसंघात येतात. भुमरे यांची मदार पाच आमदारांवर आहे. खैरे यांना केवळ एका आमदाराचे पाठबळ लाभले आहे.

 

 

 

 

सूत्रांनी दिलेल्या माहितीनुसार मुख्यमंत्री एकनाथ शिंदे यांनी शहरात दोन दिवस ठाण मांडून भुमरे यांच्या प्रचाराची यंत्रणा लावून दिली. आपल्या पाचही आमदारांना त्यांनी भुमरे यांच्यासाठी जास्तीत जास्त मतदान करून घेण्याच्या सूचना केल्या.

 

 

 

 

 

ज्या मतदारसंघातून महायुतीच्या उमेदवाराला कमी मतदान होईल त्या मतदारसंघातील आमदाराचा विधानसभा निवडणुकीच्या वेळी तिकीट देताना ‘विचार’ केला जाऊ शकतो असे संकेतदेखील त्यांनी दिल्याची माहिती सूत्रांनी दिली.

 

 

 

 

त्यामुळे महायुतीच्या उमेदवारापेक्षा महायुतीच्या आमदारांचीच लोकसभा निवडणुकीत परीक्षा असेल असे मानले जात आहे.

 

 

 

 

दुसरीकडे चंद्रकांत खैरे यांना कन्नडचे आमदार उदयसिंह राजपूत आणि विधान परिषदेचे विरोधी पक्षनेते अंबादास दानवे या दोन आमदारांच्या पाठबळावर निवडणुकीला सामोरे जावे लागत आहे.

 

 

 

 

कन्नडमधून खैरे यांना नेहमीच मताधिक्य मिळत आले आहे, त्यामुळे या निवडणूकीत काय होणार याकडे सर्वांचे लक्ष लागले आहे.