आनंदची बातमी;आता नांदेड विभागात १२ रेल्वे विजेवर धावणार

• 

 

 

 

 

दक्षिण मध्य रेल्वेच्या नांदेड विभागातून चालणाऱ्या अनेक रेल्वे सध्या डिजेल इंजिनद्वारे चालविण्यात येत आहे. नांदेड विभागात विद्युतीकरणाचे काम जवळपास पुर्ण झालेले आहे.

 

 

 

यामुळे या विभागातील रेल्वे विजेवर चालविण्याचे नियोजन करण्यात आले आहे. याअंतर्गत हिंगोली जनशताब्दी एक्स्प्रेससह १२ रेल्वेच्या एकूण २४ फेऱ्या विजेवर चालविण्याचा निर्णय घेण्यात आला आहे.

 

 

अंकाई ते परभणीपर्यंत रेल्वे विद्युतीकरणाचे काम पूर्ण झाले आहेत. याशिवाय नांदेड विभागातील अन्य मार्गावर विद्युतीकरणाचे काम सुरू होते. तेही आता पूर्ण झालेले आहे.

 

 

 

नांदेड विभाग विद्युतीकरण झाल्यानंतर विभागातून जाणाऱ्या आणि येणाऱ्या रेल्वे विजेवर चालविण्याचा निर्णय घेण्यात आला आहे.

 

 

 

नांदेड विभागात विद्युतीकरणाचे काम झाले नसल्याने, या विभागात डिजेल इंधनवर चालणाऱ्या इंजिनचा उपयोग होत आहे. विजेवर चालणाऱ्या इंजिनची संख्या नांदेड विभागात कमी आहे.

 

 

 

रेल्वे मार्गावर विद्युतीकरण झाल्यानंतर या मार्गावर विजेवर चालणारे इंजिन नसल्याने, सध्या नांदेड विभागाला प्रवासी रेल्वेची वाहतूक ही डिजेल इंजिनद्वारे करावी लागत आहे.

 

 

 

 

नांदेड विभागाचा डिझेलवर होणारा खर्च कमी करण्यासाठी, टप्प्याटप्प्याने नांदेड विभागासह दक्षिण मध्य रेल्वेतून जाणाऱ्या रेल्वे विजेवर चालविण्याचा निर्णय घेण्यात आला आहे.

 

 

 

यातंर्गत हिंगोली मुंबई जनशताब्दीसह, तपोवन एक्स्प्रेस, रामेश्वर ओखा एक्स्प्रेस, देवगिरी एक्स्प्रेस तसेच विशाखापट्टनम शिर्डी साईनगर एक्स्प्रेससह एकूण १२ एक्स्प्रेसच्या २४ जोड्या विजेवर चालविण्याचा निर्णय घेण्यात आला आहे.

 

 

 

आगामी काही महिन्यांत या रेल्वे विजेवर चालविण्यात येणार आहे, अशी माहिती नांदेड विभागाकडून देण्यात आली आहे.

 

 

 

 

दक्षिण मध्य रेल्वेने एकूण २४ रेल्वे विजेवर चालविण्याची तयारी सुरू आहे. या अंतर्गत दमरेने यादीही जाहीर केली होती. या यादीनुसार जनशताब्दीसह अन्य रेल्वे विजेवर चालविण्याचा निर्णय घेण्यात आला.

 

 

 

मात्र, मध्य रेल्वेसह अन्य विभागात सध्या रेल्वे रूळांसह अन्य कामे सुरू असल्याने, या निर्णयाला स्थगिती देण्यात आली. आगामी काही दिवसांत रेल्वे विजेवर चालविण्याबाबतची अधिकृत घोषणा करण्यात येईल.

 

 

 

या रेल्वे सुरू होणार विजेवर;१७६१० – पाटणा जंक्शन-पूर्णा,१७६०९ – पूर्णा- पाटणा जंक्शन,०७६१० – तिरूपती-पूर्णा

 

 

०७६०९ – पूर्णा-तिरूपती,१७०१९ – हिसार-हैदराबाद डेक्कन नामपल्ली,१७०२० – हैदराबाद डेक्कन नामपल्ली-हिसार

 

 

१८५०३ – साईनगर शिर्डी-विशाखापट्टणम,१८५०४ – विशाखापट्टणम-साईनगर शिर्डी,१७०५७ – छत्रपती शिवाजी टर्मिनस-सिकंदराबाद लिंगमपल्ली-देवगिरी एक्स्प्रेस)

 

 

 

 

१७०५८ – सिकंदराबाद लिंगमपल्ली-छत्रपती शिवाजी टर्मिनस,१७६११ – नांदेड-छत्रपती शिवाजी टर्मिनस (तपोवन एक्स्प्रेस)

 

 

 

१७६१२ – छत्रपती शिवाजी टर्मिनस-नांदेड (तपोवन एक्स्प्रेस),१७६१७ – छत्रपती शिवाजी टर्मिनस-नांदेड (राज्यराणी एक्स्प्रेस)

 

 

 

१७६१८ – नांदेड-छत्रपती शिवाजी टर्मिनस (राज्यराणी एक्स्प्रेस),१६७३३ – रामेश्वरम-ओखा,१६७३४ – ओखा-रामेश्वरम

 

 

 

१७४१७ – तिरूपती-श्री साईनगर शिर्डी,१७४१८ – श्री साईनगर शिर्डी-तिरूपती,१२७६७ – नांदेड-संत्रागच्छी

 

 

 

१२७६८ – संत्रागच्छी-नांदेड,११०४५ – कोल्हापूर-धनबाद,११०४६ – धनबाद-कोल्हापूर,१२०७१ – छत्रपती शिवाजी महाराज टर्मिनस-हिंगोली (जनशताब्दी एक्स्प्रेस)

 

 

 

 

१२०७२ – हिंगोली-छत्रपती शिवाजी महाराज टर्मिनस (जनशताब्दी एक्स्प्रेस)