चोरट्यांचा थर्टीफर्स्ट ; वाईनशॉप फोडले मारला 6 लाखांच्या विदेशी मद्यावर ताव
Thieves' Thirty-First ; 6 lakh worth of foreign liquor was broken into a wine shop
चोरट्यांनी थर्टी-फस्टला वाईन शॉपी दुकानांचे शटर उचकटून ब्रॅण्डेड विदेशी मद्याच्या बाटल्या चोरून नेल्याच्या दोन घटना घडल्या आहेत.
शहर आयुक्तालयातील शरणपूर रोडवर तर दुसरा प्रकार घोटी पोलीस ठाण्याच्या हद्दीतील वाईन शॉपी दुकान फोडल्याप्रकरणी घरफोडीचे गुन्हे दाखल करण्यात आले आहेत.
यात चोरट्यांनी ५ लाख ८४ हजारांचे विदेशी मद्याच्या बाटल्या चोरून नेल्या आहेत.नववर्षाच्या निमित्ताने मद्यविक्रेत्यांनी त्यांच्या वाईन शॉपीमध्ये जादा मद्यसाठा करून ठेवला होता.
परंतु चोरट्यांनी गेल्या शनिवारी (ता.३०) मध्यरात्रीच शहरातील एका व जिल्ह्यातील घोटीतील वाईन शॉपीचे शटर उचकटून लाखोंचा मद्यसाठा चोरून नेला आहे.
शहर आयुक्तालय हद्दीतील शरणपूर रोडवरील शरणपूर वाइन शॉपमध्ये मध्यरात्री चोरट्यांनी ग्रील तोडून आत प्रवेश केला.
वाइन शॉपीतील विदेशी महागड्या दारूच्या बाटल्या व तिजोरीतील ४८ हजार ५०० रुपयांची रोकड असा ८७ हजार ६१० रुपयांचा मुद्देमाल चोरून नेला.
याप्रकरणी वाइन शॉपचे व्यवस्थापक शैलेश शंकरराव कडवे (रा. अभोणकर लेन, रविवार पेठ) यांच्या फिर्यादीनुसार, सरकारवाडा पोलिसांत गुन्हा दाखल केला आहे.
विशेषत: चोरट्यांनी विशिष्ट एका ब्रँडच्या बाटल्या चोरल्या आहेत. वाइन शॉपच्या सीसीटीव्ही फुटेज पोलिसांनी ताब्यात घेत त्यानुसार तपास सुरू केला आहे.
तर, घोटीतील मुंढेगाव येथील तनिष्क हॉटेल-बिअर बारमध्ये चोरट्यांनी मध्यरात्री स्लायडींग ग्रीलचे कुलूप तोडून आत प्रवेश केला.
काउंटरमधील १ लाख ७० हजार रुपयांसह बारमधील विविध ब्रँण्ड्सच्या ३ लाख २६ हजार ९६० रुपयांचे विदेशी मद्याच्या बाटल्या चोरून नेल्या.
याप्रकरणी बारचा व्यवस्थापक शेख युसूफ रसूल यांच्या फिर्यादीनुसार, घोटी पोलिसात अज्ञातांविरुद्ध घरफोडीचा गुन्हा दाखल केला आहे.
