प्रयांका चोप्राचा पती “निक जोनास” ला गंभीर आजाराची लागण
Priyanka Chopra's husband Nick Jonas is seriously ill
आपल्या अभिनयाने बॉलिवूड आणि हॉलिवूड प्रेक्षकांची मनं जिंकणारी लोकप्रिय अभिनेत्री प्रियांका चोप्रा कायम सोशल मीडियावर चर्चेत असते.
तिच्या चित्रपटांसोबत तिचं वैयक्तिक आयुष्य कायमच प्रेक्षकांमध्ये चर्चेत राहिलं आहे. आता पुन्हा एकदा प्रियांका सोशल मीडियावर चर्चेत आहे त्याचं कारण म्हणजे तिचा पती निक जोनास.
आपल्या गायनाच्या जोरावर प्रेक्षकांच्या मनावर अधिराज्य करणारा निक जोनास आपल्या आवाजाने प्रेक्षकांची मनं जिंकताना दिसतो.
मात्र आता निकने एक व्हिडिओ शेअर करत आपल्या चाहत्यांना एक धक्कादायक बातमी दिली आहे. प्रियांकाच्या पतीला एका गंभीर आजाराची लागण झाली आहे.
त्यामुळे त्याने आपले सगळे कॉन्सर्ट हे पुढे ढकलले आहेत. एक व्हिडिओ शेअर करत त्याने ही माहिती दिली आहे.
निकला इन्फ्लुएंझा ए हा आजार झाला आहे. हा आजार गंभीर असून हवेतून पसरणारा आहे. याबद्दल व्हिडिओ शेअर करत निक म्हणाला, ‘नमस्कार मित्रांनो, मी सध्या इन्फ्लुएंझा ए या आजाराशी लढत आहे.
जो वाढतोय. मी सध्या गाणं गाण्यास असमर्थ आहे. आम्ही तुम्हाला नेहमीसारखा बेस्ट शो देऊ इच्छितो मात्र ते आता होऊ शकणार नाहीये. मला अजिबात बरं वाटत नाहीये.
काही दिवसांपासून मला वेगळं वाटत होतं. जेव्हा मी उठलो तेव्हा माझा आवाज पूर्ण बसलेला होता. गेल्या दोन दिवसात ही परिस्थिती अतिशय वाईट झाली आहे.
मी कालपासून बेडवर झोपलेलो आहे. माझ्या अंगाला खाज येतेय, घसा खवखवतोय आणि खूप खोकला आहे. अशा अवस्थेत मी कॉन्सर्ट करू शकणार नाही. मी तुमची माफी मागतो.’
असं म्हणत निकने आपले कॉन्सर्ट पुढे ढकलत असल्याचं सांगितलं. इन्फ्लुएंझा ए हा अगदी करोनाच्या जवळ जाणारा आजार आहे. ज्यात विषाणू हवेतून पसरतात
आणि तुमच्या फुफ्फुसांवर अटॅक करतात. ज्यामुळे तुमची रोगप्रतिकारक शक्ती आणखी कमी होते. सध्या निक या आजाराशी झुंज देतो आहे. तर चाहते त्याच्यासाठी प्रार्थना करत आहेत.
