नांदेडमध्ये झळकले भाजपच्या विरोधात खळबळजनक बॅनर;काढण्यासाठी पोलिसांची धावपळ

वाढत्या किमतींवरून भाजपला लक्ष्य करणारे आणि उपमुख्यमंत्री देवेंद्र फडणवीस यांची खिल्ली उडवणारे बॅनर आणि पोस्टर चिकटवल्याप्रकरणी नांदेड पोलिसांनी अज्ञात व्यक्तींविरोधात एफआयआर दाखल केला आहे.

ही घटना शुक्रवारी नांदेड शहरात घडली, शहरात आक्षेपार्ह बॅनर लागलेले दिसले. ज्यामुळे भाजप सदस्यांनी तातडीने पोलिस तक्रार दाखल केली.

नांदेडमधील हिंगोली गेट उड्डाणपुलावर एक आक्षेपार्ह बॅनर आढळून आला. याच पोस्टरवर भाजप पदाधिकाऱ्यांनी तीव्र आक्षेप घेतला.

भाजप सदस्यांनी त्यानंतर पोलिसांत तक्रार दाखल केली. वजिराबाद पोलिसांनी गुन्हा दाखल करून बॅनर शहरातून जप्त केले.

नांदेडमधील एका बॅनरमध्ये जीएसटी दरांचे चित्रण केले गेले आहेत. मध्यमवर्गीय आणि गरिबांसाठी वापरल्या जाणाऱ्या वस्तूंवर जीएसटी किती जास्त आहे.

यावर प्रकाश टाकण्यात आला. विमान, हेलिकॉप्टर आणि जहाजे यासारख्या लक्झरी वस्तूंसाठी जीएसटी ५% मर्यादित आहे आणि हिऱ्यांसाठी फक्त १.५% इतका आहे.

नांदेडमधील पुलांवर आणि रस्त्यांवर बॅनर्ससोबतच फडणवीसांचे खिल्ली उडवणारे पोस्टरही लावण्यात आले होते.
नांदेड शहरात देवेंद्र फडणवीस यांच्या विरोधात बॅनरबाजी, भाजप पदाधिकारी थेट पोलिसांकडे पोहोचले

एका अनोळखी व्यक्तीने बॅनर आणि स्टिकर्सचे व्हिडिओ रेकॉर्डिंग तयार केले आणि त्यावरुन मराठी रॅप गाणे तयार केले. ज्यामध्ये वाढत्या किमती

आणि जीएसटी दरांमुळे सामान्य लोकांचे कसे हाल झाले आहेत हे सांगण्यात आले. सोशल मीडियावर हाच व्हिडिओ आणि पोस्टरचे फोटो मोठ्या प्रमाणावर प्रसारित केले गेले आहेत.

आता नेमके हे कोणाचे कृत्य आहे यांची जबाबदारी अद्याप कोणी स्वीकारलेली नाही. तथापि, एका वरिष्ठ पोलीस अधिकाऱ्याने पुष्टी केली की शुक्रवारी एफआयआर नोंदविला गेला परंतु अधिक तपशील दिलेला नाही.